Aziło pułìtego

Dimandanti aziło per stato de orìzane inte el 2009. 40.000 Dimandanti aziło 30.000 Dimandanti aziło 20.000 Dimandanti aziło 10.000 Dimandanti aziło 0 Dimandanti aziło, o dati oncora indispunìbiłi

El derito de aziło (identifegà de frecuente anca col conceto de aziło pułìtego in grego: ἄσυλον^[1]) el ze un'antiga nosion zurìdega, in baze a ła cuała na persona perseguitada inte el so paeze de orìzene par via de łe so opinion pułìteghe o credense rełijoze, ła połe vegner protezesta da un'altra autorità sovrana, un paeze foresto, o un santuàrio rełijozo (cofà inte el medioevo).

Sto derito el ga łe so raize inte na longa tradision osidentałe, anca se el zera sta za reconosesto da Ezisiani, Greghi, Romani e Ebrei. Tuti i stati, in calsìase època, i ga dazesto oferta de protesion e imunità a stranieri perseguitai.

Stòria

Col tèrmano Asylum ła zera indicada in età protostòrega ła depresion del Canpidojo ponesta intrà l'Arx e el Capitolium propiamente dizesto, andove oncó el ze l'atuałe piasa del Canpidojo. El nome Asylum el saria da recondùzar a ła lejenda de Ròmoło: el saria stato sto posto cuà el posto inte el cuało, a chichesia che el ghe fuse rivà, ghe saria sta dopo garantio ricevimento e protesion (o dazesto "aziło"). Inte i Romani el derito de aziło el zera estendesto anca ai s-ciavi.

Sto derito el ga par tanto raize racuanto antighe inte ła tradision osidentałe — anca se el zera za sta reconosesto dai antighi Ezisi, Greghi (par i cuałi ła zera anca un costumare de ospitałità), Romani e Ebrei. Par ezénpio, Cartèzio el ghea recevesto aziło inte i Paezi Basi, Voltaire in Inghiltera e Hobbes in Fransa (co tanti nòbiłi inglezi inte el ndar de ła Guera Siviłe Ingleze).