Asistente virtuałe
![](http://upload.wikimedia.org/wikipedia/commons/thumb/f/f9/Cortana_start_screen_%28yellow-white%29.png/178px-Cortana_start_screen_%28yellow-white%29.png)
On asistente virtuale o asistente personal intelijente (conosuo anca col so acronemo inglexe IPA) l'è on software solitamente instalà soidispoxidivi mobili, come on tełefono intełijente, rełojo intełijente o anca so dispoxidivi pì grosi come on computer, on tablet, o calsiasi altro dispoxidivo dotà de on sistema operadivo in grado de far ndar l'aplicasion e fornire el servisio domandà da l'uxuario.
I asistenti virtuali i funsiona col riconosimento vocal, e i njien senpre pì doparai in pì lengue, par dar modo de ver on espansion senpre pì granda de sti servisi e senpre pì personalixasion e famejarità intrà l'asistente e chi che lo dopara.
Ghe xe, inte i vari store online, on continuo cresare del numaro dei asistenti intelijenti e senpre pì sistemi operadivi i ga el proprio, xà instalà inte i so dispoxidivi, par dar pì façilità ai uxuari de far atività che se no, le garia da esar fate manualmente. Alguni dei exenpi pì inportanti e conosui, xe par esenpio Google Assistant soi dispoxidivi Android e Google, Bixby soi dispoxidivi Samsung, Siri soi dispoxidivi iOS e Cortana soi dispoxidivi Microsoft Windows.
Oltre che inte i dispoxidivi come cheli scrivesti a cao pajina, i asistenti vocali i xe drio diventar senpre pì doparàbiłi par robe difarenti, e parché sia cusì, difarenti axiende, le xe drio produr anca ojeti fixiçi de asistensa vocal. Sti ojeti fixiçi, i xe ciamai Altoparlanti intełijenti, che no i saria altro che on altoparlante wireless co l'asistente virtual, chel ga la comodità de no verlo in man, el pole star poxà in calsiasi parte de la caxa e che colegà a la corente, el pole star senpre inpisà. El funsiona inte el steso modo che funsiona cheli inte i dispoxidivi come PC, Smartphone e altri, o sia dixendo la "parola ciave" (Ok google par Google Home, Alexa par Alexa...) se ativa l'asistente vocal co tute le so funsion.
Voxi corelade
[canbia | canbia el còdaxe]Wikimedia Commons el detien imàjini o altri file so asistente virtuałe
Controło de autorità | LCCN (EN) sh2012002024 · BNF (FR) cb17100386p (data) |
---|