Tinbro

El timbro xe una dèe carateristiche fondamentài che caraterixa un sóno insieme a altesa e intensità. Posto che ste ultime do carateristiche poe variare pa un stesso suono, el timbro resta el stesso, cusì che xe possibie distinguare el suono in questiòn. Sia da esempio na chitara: el so suono carateristico se distingue sia al variare dea nota che eà produce, sia al variare del voeùme con cui eà produce; stessa roba vàe pa tutti i altri suoni o rumori, questo grasie al timbro. E particoeàri carateristiche de ogni suono (quindi anche el timbro) xe dà dàea quaità dee sinusoidi che eò compone. Ognuna, co eà so frequensa e eà so intensità, concorre a determinare eà forma d'onda finàe del suono, che poe èsare semplice, come na sinusoide o particoeàrmante complicà.

Un esempio del primo caso xe el diapason, el cui suono xe dà in pratica da na sinusoide pura, al contrario invese un vioìn genera un suono pièn de armoniche a frequense diverse, che fa si che eà forma d'onda rixultante sia iregoeàre e piena de picchi.

Controło de autorità	GND (DE) 4164006-8