Hishom ibn al-Kalbiy
| Hishom ibn al-Kalbiy .. | |
|---|---|
| Tavalludi |
737 |
| Vafoti |
819 |
| Fuqaroligi | Abbosiylar |
| Millati | arab |
| Sohasi | arab tarixchisi |
| Mashhur ishlari |
Butlar kitobi (Kitob al-Asnom) Nasabalar to‘plami (Jamharat al-Ansob) |
Hishom ibn al-Kalbiy (arab. هشام بن الكلبي)– milodiy 737 – 819 yillarda yashab o‘tgan arab tarixchisi. Ibn al-Kalbiy (إبن الكلبي) nomi bilan ham tanilgan. Uning toʻliq ismi Abu al-Munzir Hishom ibn Muhammad ibn as-Soib ibn Bishr al-Kalbiy edi.
Hayoti va ilmiy faoliyati
[tahrir | manbasini tahrirlash]U Kufada tug‘ilgan, umrining ko‘p qismini Bag‘dodda o‘tkazgan. U otasi singari qadimgi arablarning nasabnomalari va tarixi haqida ma’lumotlar to‘plagan. Fixrist kitobida yozilishicha, u 140 ta asar yozgan. Ibn al-Kalbiyning arablarning nasl-nasabi haqidagi ma’lumotlari “Kitob al-Agʻoniy”da ko‘p zikr qilingan.
Ibn al-Kalbiy Ismoil (a.s.) bilan Muhammad (s.a.v.) o‘rtasidagi nasabnomani tuzib chiqqan va barcha arablar Ismoil naslidan degan g‘oyani ilgari surgan [1]. U asosan arablarning qadimiy og‘zaki ijodiga tayangan, biroq Bibliya va Palmira manbalariga ega bo‘lgan yozuvchilardan iqtibos keltirgan [1].
1966-yilda Verner Kaskel Ibn al-Kalbiyning “Jamharat an-Nasab” (“Nasabalar to’plami”) asari bo‘yicha “Das genealogische Werk des Hisam ibn Muhammad al Kalbi [2]” nomli ikki jildli tadqiqot amalga oshirgan.