Dushanbe
shahar | |
38°34′23″N 68°47′11″E / 38.57306°N 68.78639°E | |
Mamlakat | Tojikiston |
Hukumat | |
• Hukumat raisi | Rustam Emomali |
Asos solingan | XVII |
Ilk eslatilishi | 1676[1] |
Avvalgi nomlari |
Dushanbe (1924—1929), Stalinobod (1929—1961) |
Qachondan beri shahar | 1925 |
Maydon | 1,266 km2 (489 kv mi) |
Markazi balandligi | 706 m |
Rasmiy til(lar)i | tojik tili|tojikcha |
Aholisi (2013) |
↗764 300[2]. |
Zichligi | 5905 kishi/km2 |
Milliy tarkib | tojiklar, oʻzbeklar, ruslar |
Vaqt mintaqasi | UTCUTC+5 |
Telefon kodi | +992 37 |
Pochta indeks(lar)i | 734000 |
Avtomobil kodi |
СБ, ДБ (1959—1991) (1999-2009) 01РТ 2009-yil 01TJ |
Dushanbe (tojikcha: Душанбе, forscha: دوشنبه) — Tojikistonning poytaxti va eng katta shahri. Dushanbeda toʻrtta shahar tumani bor. 1929-yilgacha Dushanbening nomi Dushambe boʻlgan. 1929-yildan 1961-yilgacha Stalinobod deb atalgan. „Dushanbe“ soʻzi fors-tojikcha „dushanba“ degani. Shaharning bunday atalishiga sabab shahar joylashgan yerda dushanba kuni katta bozor ochiladigan qishloq boʻlgan.
Tarixi
[tahrir | manbasini tahrirlash]Dushanbe dastlab Varzob daryosining boʻyidagi uchta kichik yondosh qishloq — Sariosiyo, Shohmansur va Dushanba oʻrnida paydo boʻlgan. Bu uch qishloqning eng yirigi Dushanba qishlogʻi boʻlgan. Shahar hududidan yunon-baqtriya davri (eramizdan avavvalgi 2-asr)ga oid arxeologik yodgorliklar topilgan. Qoʻlyozmalarda Dushanba qishlogʻi 17-asr boshidan tilga olingan. Dushanbe 1924-yidan Tojikiston Muxtor respublikasi poytaxti boʻlgan. 1925-yil Dushanbega shahar statusi berilgan.
Geografiyasi
[tahrir | manbasini tahrirlash]Dushanbeni Varzob daryosi shimoldan janubga, Kofarnihon daryosi sharqdan gʻarbga kesib oʻtadi.
Iqlimi
[tahrir | manbasini tahrirlash]Dushanbening iqlimi kontinental. Yanvarning oʻrtacha hararoti −0,6-9 °C, iyulniki 19.4-35.6 °C. Dushanbeda yiliga 625–630 mm yogʻin yogʻadi. Dushanbe Hisor vodiysida, Varzob daryosining dengiz sathidan 750-930 metr balandlikdagi keng terrasalarida joylashgan.
Hududiy boʻlinishi
[tahrir | manbasini tahrirlash]![](http://upload.wikimedia.org/wikipedia/commons/thumb/8/82/%D0%90%D0%B4%D0%BC%D0%B8%D0%BD%D0%B8%D1%81%D1%82%D1%80%D0%B0%D1%82%D0%B8%D0%B2%D0%BD%D0%BE%D0%B5_%D0%B4%D0%B5%D0%BB%D0%B5%D0%BD%D0%B8%D0%B5_%D0%94%D1%83%D1%88%D0%B0%D0%BD%D0%B1%D0%B5.png/120px-%D0%90%D0%B4%D0%BC%D0%B8%D0%BD%D0%B8%D1%81%D1%82%D1%80%D0%B0%D1%82%D0%B8%D0%B2%D0%BD%D0%BE%D0%B5_%D0%B4%D0%B5%D0%BB%D0%B5%D0%BD%D0%B8%D0%B5_%D0%94%D1%83%D1%88%D0%B0%D0%BD%D0%B1%D0%B5.png)
2013-yil 18-iyulda Dushnabe shahrining maydonini uch baravarga kattalashtirish qarori qabul qilindi[3]. Dushanbe shahri toʻrt tumanga boʻlinadi. Har bir tumanning oʻz maʻmuriy boshqarmasi mavjud.
- Tumanlari
- Ismoil Somoniy tumani
- Sino tumani
- Firdavsiy tumani
- Shohmansur tumani
Tuman nomi | Avvalgi nomi | Maydoni, km² |
Aholisi, kishi (2011) |
Tuman raisi |
---|---|---|---|---|
1. Ismoili Samoniy | Oktabrskiy | 25,8 | 131 600 | Qurbonov Alamxon Jamilovich |
2. Sino | Frunzenskiy | 43,8 | 285 400 | Safarov Zafar Abdulloyevich |
3. Firdavsiy | Sentralniy | 29,1 | 183 300 | Aleyev Saidnuriddin Akromovich |
4. Shohmansur | Jeleznodorojniy | 27,9 | 147 300 | Boboyev Samandar Boboyevich |
Demografiyasi
[tahrir | manbasini tahrirlash]Dushanbening aholisi 1926-yil 5,600 kishi boʻlgan[4]. 1997-yil aholi soni 512,500 boʻlgan. 2008-yil aholi soni 679,400 boʻlgan.1-aprel 2014-yilga kelib aholi soni 778,500 kishiga yetgan[5].
Iqtisodi
[tahrir | manbasini tahrirlash]![](http://upload.wikimedia.org/wikipedia/commons/thumb/7/73/%D0%94%D0%B2%D0%BE%D1%80%D0%B5%D1%86_%D0%9F%D1%80%D0%B5%D0%B7%D0%B8%D0%B4%D0%B5%D0%BD%D1%82%D0%B0.jpg/220px-%D0%94%D0%B2%D0%BE%D1%80%D0%B5%D1%86_%D0%9F%D1%80%D0%B5%D0%B7%D0%B8%D0%B4%D0%B5%D0%BD%D1%82%D0%B0.jpg)
Dushanbe — Tojikistonning yirik sanoat markazi. Shaharda respublika sanoat ishlab chiqarishining qariyb 1/3 qismi joylashgan. Mashinasozlik va metallsozlik sanoati, toʻqimachilik mashinasozligi, qishloq xoʻjaligi mashinasozligi, savdo mashinasozligi, roʻzgʻor sovitkichlari, armaturalar, „Tojikkabel“, yoʻl qurish mashinalari remonti zavodlari mavjud. Qurilish materiallari (sement, yogʻochsozlik korxonalari, temir-beton konstruksiyalar zavodi) ishlab chiqariladi.
Shahar sanoatida yengil (tikuvchilik, poyabzal, ip-gazlama, trikotaj, shoyi fabrikalari) va oziq-ovqat, (sut kombinati, qandolatchilik, tamaki fabrikalari, vino, pivo, non, yogʻ-moy zavodlari) sanoati korxonalari ham salmoqli oʻrin tutadi.
Dushanbeni Dushanba-Vaxsh energetika sistemasi (shahar issiqlik elektr markazi, Norak, Perepadnaya, Markaziy, Bosh GESlar va Varzobdagi GESlar) elektr energiya bilan taʼminlab turadi.
Katta bozorlar
[tahrir | manbasini tahrirlash]- Shohmansur[6]
- Safariyon
- Korvon
- Sultoni Kabir
- Sakhovat
- Jal-Jam
- Farovon
- Payshanbe (Yovon)
Transporti
[tahrir | manbasini tahrirlash]Dushanbe shahri bir necha temir yoʻl va shosse yoʻllar tugunidir. Dushanbe xalqaro aeroporti shaharga xizmat koʻrsatadi. Shahar ichida avtobus va trolleybus qatnaydi.
Taʼlimi
[tahrir | manbasini tahrirlash]Dushanbe 20-asr oʻrtalaridan yirik ilmiy va madaniy markazga aylandi. Shaharda Tojikiston Respublikasi fanlar akamdeiyasi va ilmiy tadqiqot institutlari ishlab turibdi. Dushanbeda oʻndan oshiq oliy oʻquv yurti, bir qancha oʻrta maxsus oʻquv yurtlari, hunar-texnika bilim yurtlari, litsey va kollejlar mavjud.
Madaniyati
[tahrir | manbasini tahrirlash]![](http://upload.wikimedia.org/wikipedia/commons/thumb/2/26/%D0%94%D0%B2%D0%BE%D1%80%D0%B5%D1%86_%D0%BD%D0%B0%D1%86%D0%B8%D0%B9._%D0%B3._%D0%94%D1%83%D1%88%D0%B0%D0%BD%D0%B1%D0%B5%2C_%D0%A2%D0%B0%D0%B4%D0%B6%D0%B8%D0%BA%D0%B8%D1%81%D1%82%D0%B0%D0%BD.jpg/200px-%D0%94%D0%B2%D0%BE%D1%80%D0%B5%D1%86_%D0%BD%D0%B0%D1%86%D0%B8%D0%B9._%D0%B3._%D0%94%D1%83%D1%88%D0%B0%D0%BD%D0%B1%D0%B5%2C_%D0%A2%D0%B0%D0%B4%D0%B6%D0%B8%D0%BA%D0%B8%D1%81%D1%82%D0%B0%D0%BD.jpg)
![](http://upload.wikimedia.org/wikipedia/commons/thumb/2/21/%D0%97%D0%B8%D0%BC%D0%B0_%D0%B2_%D0%94%D1%83%D1%88%D0%B0%D0%BD%D0%B1%D0%B5.jpg/183px-%D0%97%D0%B8%D0%BC%D0%B0_%D0%B2_%D0%94%D1%83%D1%88%D0%B0%D0%BD%D0%B1%D0%B5.jpg)
![](http://upload.wikimedia.org/wikipedia/commons/thumb/c/cd/%D0%9F%D1%80%D0%BE%D1%81%D0%BF%D0%B5%D0%BA%D1%82_%D0%A0%D1%83%D0%B4%D0%B0%D0%BA%D0%B8._%D0%94%D1%83%D1%88%D0%B0%D0%BD%D0%B1%D0%B5._2008.jpg/183px-%D0%9F%D1%80%D0%BE%D1%81%D0%BF%D0%B5%D0%BA%D1%82_%D0%A0%D1%83%D0%B4%D0%B0%D0%BA%D0%B8._%D0%94%D1%83%D1%88%D0%B0%D0%BD%D0%B1%D0%B5._2008.jpg)
Keyingi yillarda Dushanbeda koʻplab chiroyli maʼmuriy, oʻquv, madaniy va maishiy binolar (Hukumat uyi, Majlisi Oliy, „Tojikkonsert“, Borbad nomidagi kinokonsert zali, „Dushanba“, „Tojikiston“ mehmonxonalari, Tojikiston davlat milliy universiteti, aerovokzal, „Rohat“, „Saodat“ choyxonalari, „Sadbarg“ maishiy xizmat uyi, Kasaba uyushmalari Saroyi, yozuvchilar uyi) va koʻp qavatli turar joy binolari qurilgan.
Dushanbeda yetti teatr (Sadriddin Ayniy nomli Akademik opera va balet teatri, A. Lohutiy nomli Tojikiston akademik drama teatri va boshqalar), filarmoniya, sirk, bir necha kinoteatr, „Tojikfilm“ kinostudiyasi, Firdavsiy nomli milliy kutubxona, fanlar akdemiyasining markaziy ilmiy kutubxonasi, A. Lohutiy nomli shahar markaziy kutubxonasi, qariyb 180 jamoat kutubxonasi, 7 muzey, Xalq xoʻjaligi yutuqlari koʻrgazmasi, radio, telemarkaz, respublika telegraf agentligi va boshqalar bor.
Dushanbeda poligrafiya kombinati, „Irfon“, „Adib“, „Maorif“, „Donish“, „Sharqi ozod“ nashriyotlari, Tojikiston ensiklopediyasi Bosh ilmiy tahririyati mavjud. Oʻttizga yaqin nomda tojik, oʻzbek, rus, ingliz va boshqa tillarda gazeta, oʻndan oshiq nomda jurnal nashr etiladi.
Shaharda 27 kasalxona, 60 vrachlik ambulatoriya-poliklinika muassasasi (shu jumladan 10 ta maxsus dispanser), 8 sanitariya-epidemiologiya stansiyasi, 5 stadion, sport saroyi, 7 suzish havzasi mavjud. Dushanbe atrofidagi (Hisor togʻlarining janubiy yon bagʻirlarida) manzarali togʻ daralarida dam olish uylari va sanatoriylar bor.
Shaharda Vaxdat, Gʻalaba, maydonlari, Ayniy nomidagi bogʻ bor. Tojik mumtoz adabiyoti aseoschisi Abu Abdullo Rudakiyga, Abu Ali ibn Sino va Sadriddin Ayniyga haykal oʻrnatilgan, Ayniy va Mirzo Tursunzodaga maqbara barpo qilingan. Dushanbeda yana botanika bogʻi, mineralogiya muzeyi va boshqalar bor.
![]() |
![]() |
||
Millatlar qasri | Opera va balet teatri | Tojikiston hukumatni binolari | Qugirchoq teatri |
Manbalar
[tahrir | manbasini tahrirlash]- ↑ http://visittajikistan.tj/ru/regions/dushanbe.php (Wayback Machine saytida 2013-12-03 sanasida arxivlangan) Официальный веб-сайт Государственного органа управления в сфере туризма Республики Таджикистан
- ↑ Агентство по статистике при Президенте Республики Таджикистан. „Численность населения Таджикистана на 1 января 2013 года“ (ru) (2013-yil 1-yanvar). 2013-yil 21-sentyabrda asl nusxadan arxivlangan. Qaraldi: 2013-yil 19-sentyabr. (Wayback Machine saytida 2013-09-21 sanasida arxivlangan)
- ↑ Территория столицы Таджикистана расширится втрое за счет прилегающих районов
- ↑ OʻzME. Birinchi jild. Toshkent, 2000-yil
- ↑ Душанбе — Неофициальный сайт Душанбе, 2016-04-06da asl nusxadan arxivlandi, qaraldi: 2013-09-23
{{citation}}
: no-break space character in|title=
at position 8 (yordam) - ↑ // Asia-plus, 2012-11-30da asl nusxadan arxivlandi, qaraldi: 2014-12-05
Havolalar
[tahrir | manbasini tahrirlash]- Dushanbe shahrining suratlari (Wayback Machine saytida 2011-09-04 sanasida arxivlangan)
- http://www.airport.tj/ (Wayback Machine saytida 2010-11-04 sanasida arxivlangan)
![]() |
Vikiomborda Dushanbe haqida turkum mavjud |
![]() | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |