Benedict McCarthy

Benedict Saul „Benni“ McCarthy (talaffuzi: Benedikt Saul „Benni“ Makkarti; 1977-yil 12-noyabrda Cape Townda tugʻilgan) — Janubiy Afrikalik hujumchi. Janubiy Afrika terma jamoasi tarixidagi eng yaxshi toʻpurar. 1998-yilda Afrika Millatlar Kubogining kumush medal sovrindori va eng yaxshi toʻpurari, 2003—2004-yilgi UEFA Chempionlar Ligasi gʻolibi.

Benni McCarthy

Shaxsiy maʼlumot
Toʻliq ismi	Benedict Saul McCarthy
Tavallud sanasi	12-noyabr 1977-yil (1977-11-12)
Tavallud joyi	Cape Town, Janubiy Afrika
Boʻyi	1.83 m
Ampluasi	hujumchi
Klub maʼlumoti
Joriy klub	Manchester United
Yoshligida aʼzo boʻlgan klublar
	Young Pirates
	Crusaders
Professional faoliyati*
Yillar	Jamoa	Isht.	(Gol.)
1995—1997	Seven Stars	49	(39)
1996—1997	→ Cape Town Spurs (ijara)	7	(3)
1997—1999	Ajax	36	(20)
1999—2002	Celta Vigo	66	(10)
2002—2006	Porto	85	(46)
2006—2010	Blackburn Rovers	109	(37)
2010—2011	West Ham United	11	(0)
2011—2013	Orlando Pirates	24	(10)
Milliy terma jamoa
–	Janubiy Afrika U23	13
1997—2012	Janubiy Afrika	79	(31)
Boshqargan klublari
2015—2016	Sint-Truiden
2017—2019	Cape Town City
2020—2022	Amazulu
2022—	Manchester United
*Professional klublardagi gollari (ichki chempionat)

Klublardagi faoliyati

Benedict McCarthy qashshoq va kriminallashgan hududida voyaga yetgan. Oilada u bir juft etikni akasi Jerom bilan boʻlishib kiygan va shunday ogʻir sharoitda ulgʻaygan. U Angliya premyer ligasi oʻyinlarini televizorda koʻrishni yaxshi koʻrgan va u „Manchester United“ futbol klubigaga muxlislik qilgan.

Benedict McCarthyning birinchi jamoasi amakilari tomonidan boshqariladigan „Young Pirates“ futbol klubi edi. Keyin u „Crusaders“ havaskorlar klubining oʻsmirlar jamoasida oʻynagan. 1995—1996-yilgi mavsumdan boshlab u oʻzining professional faoliyatini „Seven Stars“ futbol klubida boshlagan. Keyinchalik Benedict McCarthy „Cape Town Spurs“ jamoasi bilan birlashib, Amsterdamning „Ajax“ farm klubi boʻlgan „Cape Town Ajax“ futbol klubini tashkil qilgan. 1997—1998-yilgi mavsumda Gollandiyaliklar janubiy afrikaliklarga 1 million dollar toʻlab, Benedict McCarthyni oʻz jamoalariga taklif qilishgan. Keyingi mavsumda u „Ajax“ bilan mamlakat kubogini qoʻlga kiritgan.

2006—2010-yillarda u Angliyaning „Blackburn Rovers“ jamoasi tarkibida oʻynagan. 2010-yil 1-fevralda u faoliyatini „West Ham United“ futbol klubida davom ettirgan. 2010-yilning yanvar oyidan beri Benedict McCarthy „West Ham United“ safida bor-yoʻgʻi 13 ta oʻyinda maydonga tushib, birorta ham gol ura olmagan. Bunday yomon natijaga uning ortiqcha vazni sabab qilib koʻrsatilgan.

Xalqaro faoliyati

1997-yilda Benedict McCarthy Afrika yoshlar chempionatida qatnashib, kumush va jahon chempionligini qoʻlga kiritgan.

1998-yilda Afrika Millatlar Kubogida 7 ta gol urib, ushbu turnirning eng yaxshi toʻpurari unvoniga ega boʻlgan. Shuningdek, u turnirda kumush medalni ham qoʻlga kiritgan. 1998-yilgi Jahon chempionatida u oʻz terma jamoasining uchta oʻyinida qatnashib, Daniya terma jamoasi darvozasiga bitta gol urgan va oʻsha uchrashuvda yakuniy hisobni oʻrnatgan (1:1). Shunday qilib, Benedict McCarthy bolalikdagi orzusini amalga oshirib, oʻz kumiri Peter Shmeyxel jamoasi darvozasiga gol urishga muvaffaq boʻlgan.

2002-yilgi Jahon chempionatida Benedict McCarthy turnirdagi barcha 3 ta oʻyin oʻtkazgan va yakunda ispanlarga 3: 2 hisobida magʻlub boʻlishgan.

Statistikasi

Jamoa	Mamlakat	Mavsum
Ajax Ámsterdam	Niderlandiya	1998
Ajax Ámsterdam	Niderlandiya	1998
Ajax Ámsterdam	Niderlandiya	1999
Porto	Portugaliya	2003
Porto	Portugaliya	2004
Porto	Portugaliya	2004
Porto	Portugaliya	2006
Porto	Portugaliya	2006
Orlando Pirates	Janubiy Afrika Respublikasi	2012
Orlando Pirates	Janubiy Afrika Respublikasi	2012
Orlando Pirates	Janubiy Afrika Respublikasi	2012
Orlando Pirates	Janubiy Afrika Respublikasi	2012