Шуҳрат Аббосов

Шуҳрат Солиҳович Аббосов
Таваллуди	16-январ 1931-йил Қўқон, Фарғона, Ўзбек ССР
Вафоти	25-апрел 2018-йил(2018-04-25) (87 ёшда) Тошкент
Фуқаролиги	Ўзбекистон
Касби	актёр, режиссор ва ссенарийнавис
Мукофотлари

Шуҳрат Аббосов – ўзбек актёр, режиссёр ва ссенарий ёзувчиси. Аббосов ўзбек кино санъатининг асосчиларидан бири. Аббосов шу кунгача бир қанча нуфузли унвон ва мукофотларни олган. У Ўзбекистон ССР халқ артисти, ССРИ халқ артисти ва Меҳнат қаҳрамони унвонлар билан мукофотланган. Шуҳрат Аббосовнинг „Маҳаллада дув-дув гап“ (1960) филми энг яхши ўзбек филмларидан бири ҳисобланади.

Ҳаёти

Шуҳрат Аббосов 1931-йил 16-январда Қўқонда туғилган. 1949-йил Тошкент тиббиёт касб-ҳунар билим юртини битирган. 1954-йил Александр Островскй номидаги Тошкент давлат санъат институтини тамомлаган. Шу институтда 1983-йилдан профессор, 1991-йилдан кафедра мудири бўлиб ишлаган. 1954—1956-йилларда Маннон Уйғур номидаги вилоят мусиқали драма театрида (Янгийўлда) бош режиссёр бўлиб фаолият юритган. Кейинчалик Москвага бориб Мосфилмда ҳам таҳсил олган. Аббосов 1958—1991-йиллар „Ўзбекфилм“да режиссёр, 1982—1986-йилларда директор сифатида фаолият юритди. Аббосов 1996-йилдан бошлаб Ўзбекистон кино арбоблари бирлашмасининг раис ўринбосари лавозимида ишлаган. 2018-йил 25-апрелда буйрак етишмовчилиги туфайли 87 ёшда вафот этди.

Ижоди

Шуҳрат Аббосов – бир қанча филмнинг режиссори. У Александр Наюмов (ИИ) билан 1977-йил чиққан Ғафур Ғуломнинг шу номли қиссасига асосланиб олинган „Шум бола“ филмига ссенарий ёзган. Унга „Маҳаллада дув-дув гап“ кинокомедияси (1960) катта шуҳрат келтирди. Аббосов Иккинчи жаҳон уруши йиллари ота-онасиз қолган турли миллатга мансуб 14 болани тарбиялаган тошкентлик Шомаҳмудов оиласининг жасорати ҳақидаги „Сен етим эмассан“ (1963; Халқаро кинофестивал мукофоти, Франкфурт ам Маин, 1963), одоб-ахлоқ ҳақидаги „Қалбингда қуёш“ (1965) филмларига режиссорлик қилган. „Тошкент – нон шаҳри“ (1967; кино-фестивал совриндори, Олмаота, 1973), „Севги драмаси“ (1971; 5-кинофестивал совриндори, Тбилиси, 1972) филмлари билан энг яхши кинорежиссёр сифатида танилди.

Тарихий-биографик мавзуда „Абу Райҳон Беруний“ (2 қисмли, 1974, 8-кинофестивалнинг бош мукофоти, Кишинёв, 1975, Халқаро кинофестивалнинг „Олтин Делфин“ совриндори, Теҳрон, 1977), „Оловли йўллар“ (Ҳамза ҳаётига бағишланган 17 қисмли телефилм, 1975-1984), уруш йиллари фронт ортидаги қийинчиликлар ҳақида ҳикоя қилувчи „Катта урушдаги кичик одам“ (1989) филмлари ҳам машҳур.

Мустақиллик Аббосов ижодида бурилиш ясади. 14 қисмли „Камолот чўққиси сари“ ҳужжатли (1995) ва 2 қисмли „Отамдан қолган далалар“ бадиий (ссенарийсини М. Тўйчиев билан ҳамкорликда ёзган, 1998) филмларни яратди.

Шуҳрат Аббосов театр учун бир қанча асарларни саҳналаштирди. „Юрак сирлари“ (Б. Раҳмонов), „Нурхон“ (Комил Яшин), „Оғриқ тишлар“ (Абдулла Қаҳҳор) каби песалар, шулар жумласидан.

Унвон ва мукофотлари

Шуҳрат Аббосов 1965-йил Ўзбекистонда хизмат кўрсатган санъат арбоби унвони, 1974-йилда Ўзбекистон халқ артисти унвони билан тақдирланди. 1974-йил унга Ҳамза номидаги Ўзбекистон Давлат мукофоти топширилди. Аббосовга 1981-йил нуфузли ССРИ халқ артисти унвони берилган. Аббосов 1994-йил "Шуҳрат" медали, 1998-йил "Эл-юрт ҳурмати" ордени билан тақдирланган.

Филмографияси

Режиссёр сифатида

• „Васисуалий Лоханкин“ (Русча: „Васисуалий Лоханкин“) (1959) (қисқа филм)
• Русча: „Филиппинес и пяний“ (1958) (қисқа филм)
• „Маҳаллада дув-дув гап“ (Русча: „Об этом говорит вся Махалля“) (1960)
• „Сен етим эмассан“ (Русча: „Ти – не сирота“) (1962)
• Русча: „Прозрениэ“ (1965)
• „Тошкент – нон шаҳри (филм)“ (Русча: „Ташкент – город хлебний“) (1967)
• Русча: „Драма любви“ (1971)
• „Абу Райḥон Беруний (филм)“ (Русча: „Абу Райхан Беруни“) (1974)
• „Оловли йўллар“ (Русча: „Огненниэ дороги“) (1978—1984) (Сериал)
  • Русча: „Сердсе поэта“ (1978) (1-4- эпизодлар)
  • Русча: „Певес революции“ (1982) (9-12- эпизодлар)
  • Русча: „Борющийся Туркестан“ (1984) (13-14- эпизодлар)
  • Русча: „Моя республика“ (1984) (15-17- эпизодлар)
• „Катта урушдаги кичкина одам“ (Русча: „Маленкий человек в болшой войне“) (1989)
• „Отамдан қолган далалар“ (Русча: „Отчиэ долини“) (1997)

Актёр сифатида

• Русча: „Птици наших надежд“ (1976) (кинода номи кўрсатилмаган)

Ссенарийнавис сифатида

• „Васисуалий Лоханкин“ (Русча: „Васисуалий Лоханкин“) (1959) (қисқа филм)
• Русча: „Драма любви“ (1971))
• „Абу Райḥон Беруний“ (Русча: „Абу Райхан Беруни“) (1974)
• „Шум бола“ (Русча: „Озорник“) (1977)
• „Оловли йўллар“ (Русча: „Огненниэ дороги“) (1978—1984) (Сериал)
  • Русча: „Сердсе поэта“ (1978) (1-4- эпизодлар)
  • Русча: „Певес революции“ (1982) (9-12- эпизодлар)
  • Русча: „Борющийся Туркестан“ (1984) (13-14- эпизодлар)
  • Русча: „Моя республика“ (1984) (15-17- эпизодлар)
• Русча: „Счасте моэ, ти оплачено кровю“ (1993)
• „Отамдан қолган далалар“ (Русча: „Отчиэ долини“) (1997)

Ҳаволалар

• Шуҳрат Аббосов ИМДбда ^(ингл.)
• Шуҳрат Аббосов ўйнаган, режиссорлик қилган ва ссенарий ёзган филмлар рўйхати ^(рус.)