کرن بیدی

کرن بیدی
معلومات شخصیت
پیدائش	9 جون 1949ء (75 سال)  امرتسر
شہریت	بھارت
جماعت	بھارتیہ جنتا پارٹی (2015–)
مناصب
لیفٹی نینٹ گورنر پونڈیچری
برسر عہدہ 28 مئی 2016  – 16 فروری 2021
عملی زندگی
مادر علمی	پنجاب یونیورسٹی دہلی یونیورسٹی انڈین انسٹیچیوٹ آف ٹیکنالوجی، دہلی فیکلٹی آف لا
تعلیمی اسناد	پی ایچ ڈی
پیشہ	پولیس افسر ،  ٹینس کھلاڑی ،  سیاست دان ،  مصنفہ
پیشہ ورانہ زبان	انگریزی
نوکریاں	بھارتی پولیس سروس ،  خالصہ کالج
کھیل	ٹینس
کھیل کا ملک	بھارت
اعزازات
رامن میگ سیسے انعام   (1994) جواہر لعل نہرو فیلوشپ
ویب سائٹ
ویب سائٹ	باضابطہ ویب سائٹ
	IMDB پر صفحہ

کرن بیدی سابق انڈین پولیس آفسر، سماجی کارکن، سابق ٹینس کھلاڑی اور سیاست دان ہیں۔ وہ پونڈیچری کی لیفٹینینٹ گورنر ہیں اور بھارت کی پیلی خاتون آئی پی ایس افسر ہیں۔ انھوں نے اپنے کیریئر کا آغاز 1975 سے کیا اور 35 سال تک انڈین پولیس سروس سے وابستہ رہیں۔ وہ 2007 میں سروس سے خود مستعفی ہوئیں جب وہ ڈائریکٹر جنرل آف پولیس، بیوریو آف پولیس ریسرچ اینڈ ڈیولپمنٹ کے عہدہ پر فائز تھیں۔

ابتدائی زندگی اور تعلیم

کرن بیدی کی پیدائش امرتسر میں 9 جون 1949 کو ایک پنجابی خاندان میں ہوئی۔کرن پرکاش لال پیشواریہ اور پریم لتا کی دوسری اولاد ہے۔ شاشی، ریتا اور انو، کرن کی تین بہنیں ہیں۔ ان کے جد امجد لالا ہرگوبند پیشاور سے امرتسر آگئے تھے اور وہیں اپنا کاروبار بسایا تھا۔ بیدی کی تربیت زیادہ تر مذہبی نہ تھی لیکن آپ کی تربیت ہندو اور سکھ روایتوں کے درمیان ہوئی۔ پرکاش لال نے خاندانی کاروبار کو مزید ترقی دی اور ٹینس کھیلا۔ بیدی کی ابتدائی تعلیم سیکرڈ ہارٹ کنوینشن اسکول امرتسر سے 1954 میں شروع ہوئی۔ این سی سی سے وابستہ کاموں میں بیدی شرکت کرتی تھیں۔ جب بیدی جماعت 9 میں تھی تو کیمبرج کالج نامی ایک پرائیویٹ ادارے سے سائنس سے دسویں کا امتحان پاس کیا، جب کہ آپ کے دیگر ہم جماعت ساتھی سیکرڈ کنوینشن اسکول سے نویں جماعت کا امتحان پاس کیے۔ بیدی نے 1968 میں گورنمنٹ کالج آف وومن، امرتسر سے انگریزی میں بی اے کی تعلیم حاصل کی اور اسی سال این سی سی کیڈیت آفسر کا اعزاز حاصل کیا۔ بیدی نے علم سیاسیات میں پنجاب یونیورسٹی سے ایم اے کی ڈگری حاصل کی۔ 1970 سے 1972 میں بیدی نے خالصہ کالج فار وومن امرتسر میں لیکچرار کی حیثیت سے پڑھایا۔ انڈین پولیس سروس میں اپنے کیریئر کے دوران بیدی نے دہلی یونیورسٹی سے قانون میں میں ایک ڈگری حاصل کی اور آئی آئی ٹی دہلی سے 1993 میں سماجی سائنسز میں پی ایچ ڈی کی ڈگری حاصل کی۔

ٹینس کا زمانہ

اپنے والد سے متاثر ہوکر بیدی نے 11 سال کی عمر میں ٹینس کھیلنا شروع کی۔ 1964 میں بیدی نے امرتسر سے باہر پہلا ٹورنامینٹ کھیلا ۔ 1965 سے 1978 تک بیدی نے کئی ٹینس چیمپین شپ جیتے، ان میں سے چند قابل ذکر:

عنوان	سال	جگہ	حوالہ/نوٹ
جونیئر نیشنل لاؤن چیمپینشپ	1966	امرتسر
کل ہند انٹر وارسٹی ٹینس ٹائٹل	1968	وشاکا پٹنم	اپنی چھوٹی بہن ریتا کے ساتھ۔ انھوں نے یہ چیمپین شپ مسلسل تین سال جیتی
شمالی انڈیا لاؤن ٹینس چیمپینشپ	1970	چندی گڑھ
ایشین لاؤن ٹینس چیمپین شپ	1972	پونہ
کل ہند ہارڈ کورٹ ٹینس چیمپین شپ	1974
کل ہیں انٹر اسٹیٹ وومینز لاؤن ٹینس چیمپینشپ	1975	نئی دہلی
نیشنل وومینز لاؤن ٹینس چیمپین شپ	1976	چندی گڑھ
گولڈ میڈل، نیشنل سپورٹس فیسٹیول برائے خواتین	1976	نئی دہلی	اپنی بہن انو کے ساتھ

انڈین پولیس سروس کیریئر

16 جولائی 1972 کو بیدی نے اپنی پولیس ٹریننگ نیشنل اکادمی برائے ایڈمنسٹریشن، مسوری اتراکھنڈ میں شروع کی.۔ وہ 80 مردوں کی جماعت میں صرف ایک عورت تھی اور اس طرح بھارت کی پہلی خاتون آئی پی ایس افسر بنی۔ 6 ماہ کی بنیادی ٹریننگ پانے کے بعد بیدی پولیس ٹریننگ کی غرض سے ماؤنٹ ابو راجستھان گئی اور اس کے بعد 1974 میں پنجاب پاس کے ہمراہ ٹرینگ کے لیے گئی۔ قرعہ اندازی سے بیدی کو یونین ٹیریٹری کیڈر میں مختص کیا گیا، جس کا نام اب اے۔جو۔ایم۔یو۔ٹی کیڈر یعنی اروناچل پردیش، گوا، میزورام، یونین ٹیریٹریز کیڈر ہے۔

سیاست

بیدی (دائیں) مارچ 2014 میں مودی سے متعلق کتاب کے اجرا کے وقت

بیدی 2012 میں آئی اے سی سے الگ ہوئی جب اس سے وابستہ کچھ لوگوں نے اروند کیجریوال کی قیادت میں عام آدمی پارٹی کی نیو ڈالی۔ بیدی نے عمومی انداز میں نریندر مودی کی تائید کی ہے۔ جب مودی 2014 میں بھارت کے وزیر اعظم ہوئے تو بیدی نے اس بات کا اعلان کر دیا کہ وہ بی جے پی سے دہلی کی وزیر اعلیٰ بننے کے لیے تیار ہے، اگر اس کے سامنے ایسی کوئی پیشکش کی جائے۔ بیدی 2015 میں بی جے پی میں شامل ہوئی اور 2015 دہلی انتاخابات میں بی جے پی سے وزیر اعظم سیٹ کے لیے لڑا، جس میں اروند کیجریوال جیت گئے۔ بیدی عام آدمی پارٹی کے منتخب امیدوار ایس۔کے بگا سے کرشنا نگر میں 2277 ووٹوں سے ہار گئی اور ایک سال بعد دہلی میں عام آدمی پارٹی کی باضابطہ اکثریت سرکار بن گئی۔ 22 مئی 2016 کو بیدی پدوچیری کی لیفٹینینٹ گورنر مقرر ہوئی۔

تصانیف

کرن بیدی کی کچھ قابل ذکر کتابیں:

• ڈیمانڈ فار سواراج
• یہ ہمیشہ ممکن ہے
• جیسے میں دیکھتی ہوں
• غلطی کس کی
• بی دی چینج

اعزازات

سال	اعزاز	اعزاز دہندہ	وجہ	حوالہ
1968	کیڈیٹ آفسر اعزاز	National Cadet Corps	Performance as an NCC cadet
1979	بہادری کے لیے صدر بھارت کا پولیس میڈل	صدر بھارت	Conspicuous courage in preventing violence during Akali-Nirankari clashes
1991	ایشیا ریجین اعزاز	International Organization of Good Templars, ناروے	Drug prevention and control
1994	رامن میگ سیسے انعام	رامن میگ سیسے انعام فاؤنڈیشن	Government service
1995	Fr Maschio Humanitarian Award	Fr Maschio Platinum Jubilee Celebration Committee, Don Bosco Matunga	Social reforms and community services
1995	لائن آف دی یئر	لائنز کلب انٹرنیشنل, KK Nagar	Community service
1997	Joseph Beuys Prize	Joseph Beuys Foundation, جرمنی	Holistic and Innovative Management (Prison reform)
1999	پرائڈ آف انڈیا	American Federation of Muslims of Indian Origin (AFMI)	Commitment towards human welfare
1999–2000	آئی آئی ٹی دہلی فضیلت اعزاز	Indian Institute of Technology – Delhi Alumni Association	Outstanding Contribution to National Development
2001	Morrison Tom Gitchoff Award	Western Society of Criminology, United States	Actions that have significantly improved the quality of justice in India
2004	یونائیٹیڈ نیشنز میڈل	اقوام متحدہ	Outstanding service
2005	مدر ٹیریسا نیشنل اعزاز	کل ہند عیسائی کونسل	Reforms in prison and penal systems
2006	ملک بھر میں سب سے زیادہ محترم خاتون	دی ویک (انگریزی: The Week)
2008	ایف۔آئئ۔سی۔سی۔آئی اعزاز	FICCI Ladies Organisation	Being an outstanding woman achiever
2008	کمر اپا ریکلیس اعزاز	Indian Society of Criminology	Outstanding contribution in the areas of criminal justice administration
2013	نومورا اعزاز	Nomura Group	Humanitarian work
2014	لوریل پیرس فیمینا خاتون اعزاز	L'Oréal and Femina	Social impact

کتابیات

• Iyer، Siddharth (2012)۔ Kiran Bedi: The Woman of Substance۔ Diamond۔ ISBN:978-93-5083-669-9 {{حوالہ کتاب}}: پیرامیٹر |ref=harv درست نہیں (معاونت)
• Saxena، Meenakshi (2000)۔ Kiran Bedi, the Kindly Baton۔ Books India International {{حوالہ کتاب}}: پیرامیٹر |ref=harv درست نہیں (معاونت)