وحید قریشی

وحید قریشی
معلومات شخصیت
پیدائش	14 فروری 1925ء   میانوالی ،  برطانوی پنجاب
وفات	17 اکتوبر 2009ء (84 سال)  لاہور ،  پاکستان
مدفن	سمن آباد ،  لاہور
شہریت	پاکستان
عملی زندگی
مادر علمی	گورنمنٹ کالج یونیورسٹی لاہور
تعلیمی اسناد	پی ایچ ڈی ،  ڈاکٹر آف لیٹرز
پیشہ	ماہرِ لسانیات ،  ادبی نقاد ،  شاعر
پیشہ ورانہ زبان	اردو
شعبۂ عمل	اردو ادب ،  ادبی تنقید ،  لسانيات ،  غالبیات ،  سوانح
ملازمت	اورینٹل کالج لاہور ،  گورنمنٹ کالج یونیورسٹی لاہور ،  اقبال اکادمی پاکستان ،  ادارہ فروغ قومی زبان
اعزازات
تمغائے حسن کارکردگی
باب ادب

پروفیسر ڈاکٹر وحید قریشی (پیدائش: 14 فروری، 1925ء - وفات: 17 اکتوبر، 2009ء) پاکستان سے تعلق رکھنے والے اردو زبان کے نامور نقاد، محقق، شاعر، ماہرِ لسانیات، معلم، ماہرِ اقبالیات اور پروفیسر ایمریطس تھے۔

حالات زندگی

ڈاکٹر وحید قریشی 14 فروری، 1925ء کو میانوالی، برطانوی ہندوستان موجودہ پاکستان میں پیدا ہوئے۔ ان کا پیدائشی نام عبد الوحید تھا۔ انھوں نے ساہیوال، گوجرانوالہ اور لاہور کے مختلف تعلیمی اداروں میں تعلیم حاصل کی۔ فارسی اور تاریخ میں ایم اے کی ڈگریاں حاصل کیں۔ کلاسیکی فارسی نثر میں پی ایچ ڈی اور میر حسن اور ان کی شاعری کے عنوان سے مقالہ لکھ کر ڈی لٹ کی ڈگری حاصل کی۔

ملازمت

1963ء میں جامعہ پنجاب کے اورینٹل کالج لاہور میں لیکچرار مقرر ہوئے۔ 1983ء میں مقتدرہ قومی زبان (موجودہ ادارہ فروغ قومی زبان) مقرر ہوئے۔ اس کے علاوہ اقبال اکادمی، بزمِ اقبال اور مغربی پاکستان اردو اکیڈمی سے بھی وابستہ رہے۔ستمبر 2003ء سے اپنی وفات تک وہ گورنمنٹ کالج یونیورسٹی لاہور میں پروفیسر ایمریطس کے فرائض انجام دیتے رہے۔

تصانیف

ڈاکٹر وحید قریشی نے تحقیق، تنقید، اقبالیات، لسانیات اور شاعری میں تصانیف یادگار چھوڑیں۔ ان کی تصانیف کی فہرست مندرجہ ذیل ہے:

• انشائی ادب
• 1965ء کے بہترین مقالے
• پنجاب میں اُردو (مرتب)
• قرآن حکیم کی روشنی مین تعلیم
• تعلیم کے بنیادی مباحث
• اقبال اور نظریہ وطنیت
• اساسیات ِ اقبال
• نقد ِجاں (شاعری)
• مطالعہ حالی
• میر حسن اور ان کا زمانہ
• کلاسیکی اَدب کا تحقیقی مطالعہ
• تنقیدی مطالعے
• جدیدیت کی تلاش میں
• افسانوی اَدب
• شبلی کی حیات ِ معاشقہ
• اُردو کا بہترین انشائی ادب
• یارنامہ
• افسانوی ادب
• ادب پارے
• باغ و بہار:ایک تجزیہ
• نذر ِ غالب
• اُردو نثر کے میلانات
• منتخب مقالات:اقبال ریویو
• مطالعہ ادبیات فارسی
• پاکستانی قومیت کی تشکیلِ نو
• الواح (شاعری)
• ڈھلتی عمر کے نوحے (شاعری)
• اردو ادب کا ارتقا:ایک جائزه
• مقدمہ شعر و شاعری (مرتب)
• پاکستان کی نظریاتی بنیادیں
• قائد اعظم اور تحریک ِ پاکستان
• دیوان ِ سودا (مرتب)
• انتخاب دیوان سودا
• مثنوی سحرالبیان
• دیوان آتش: تجزیہ اور تنقید
• مثنویات میر حسن
• دیوان جہاندار
• مقالاتِ تحقیق
• نامۂ عشق
• ارمغانِ ایران
• ارمغانِ لاہور
• عمل صالح
• صحیفہ غالب
• توضیحی کتابیاِ ابلاغیات
• علامہ اقبال کی تاریخِ ولادت (ایک مطالعہ)
• دربارِ ملی
• ثواقب المناقب
• قواعد و انشا

ڈاکٹر وحید قریشی کے فن اور شخصیت پرتحقیقی مقالات

ڈاکٹر وحید قریشی کی ادبی و تحقیقی خدمات (پی ایچ ڈی مقالہ)، روبینہ ناز، نیشنل یونیورسٹی آف ماڈرن لینگویجز اسلام آباد، 2008ء

اعزازات

حکومت پاکستان نے ڈاکٹر وحید قرشی کی ادبی و تعلیمی خدمات کے اعتراف طور پر صدارتی اعزاز برائے حسن کارکردگی عطا کیا۔

وفات

ڈاکٹر وحید قریشی 17 اکتوبر، 2009ء کو لاہور، پاکستان میں وفات پاگئے۔ وہ لاہور کے سمن آباد کے قبرستان میں سپردِ خاک ہوئے۔

حوالہ جات

ماقبل  پروفیسر محمد منور مرزا

ناظم اقبال اکادمی 1993–1997

مابعد  محمد سہیل عمر- 1997- تاحال