سندھی زبان

سندھی زبان
سنڌي सिन्धी ਸਿੰਧੀ
مقامی	سندھ، پاکستان اور گجرات، بھارت۔ دنیا کے مختلف حصے میں بھی تارکین وطن، ہانگ کانگ، سلطنت عمان، فلپائن، انڈونیشیا، سنگاپور، متحدہ عرب امارات، مملکت متحدہ، ریاستہائے متحدہ امریکا، کینیڈا، آسٹریلیا، چین، فرانس، جاپان، ملائیشیا، سعودی عرب، قطر، افغانستان
علاقہ	دنیا
مقامی متکلمین	75 ملین (2015)
لسانی خاندان	Default ہند ایرانی زبانیں ہند۔آریائی زبانیں شمال مغربی علاقہ سندھی زبانیں سندھی زبان
نظام کتابت	عربی، دیوناگری، Khudabadi alphabet، Laṇḍā، سندھی رومن، گرمکھی
رسمی حیثیت
دفتری زبان	پاکستان (سندھ) بھارت
منظم از	سندھی زبان کا با اختیار ادارہ (پاکستان)، National Council For Promotion Of Sindhi Language (بھارت)
زبان رموز
آیزو 639-1	sd
آیزو 639-2	snd
آیزو 639-3	مختلف: snd – سندھی lss – Lasi sbn – سندھی Bhil
گلوٹولاگ	sind1272  سندھی sind1270  سندھی Bhil lasi1242  Lasi
کرہ لسانی	59-AAF-f

یہ مضمون سندھی زبان کے دائیں سے بائیں بعض الفاط پر مشتمل ہے۔ موزوں معاونت کے بغیر آپ کو سندھی زبان کی بجائے علامات یا خانے نظر آسکتے ہیں۔

سندھی زبان ہند آریائی گروہ کی زبان اور جنوبی ایشیاء کے علاقہ سندھ کی زبان ہے جو پاکستان کا صوبہ ہے۔ پاکستان میں سندھی بولنے والوں کی تعداد تقریبن چار کروڑ اور بھارت میں تقریباً 70 لاکھ ہے اور سندھی کو پاکستان اور بھارت دونوں ملکوں میں قومی زبان کا درجہ حاصل ہے۔ اگرچہ سندھی ہند آریائی گروہ کی زبان ہے لیکن اس میں دراوڑی اثرات بھی پائے جاتے ہیں، جو اس کو خاص انفرادیت اور اہمیت دیتا ہے. سندھی بولنے والے زیادہ افراد پاکستان کے صوبہ سندھ میں ہیں اور بقیہ دنیا کے باقی حصوں میں خاص کر بھارت کے کئی حصوں میں آباد ہیں جو 1947ء میں تقسیم ہند کے بعد سندھ سے ہجرت کر کے بھارت گئے اور وہاں آباد ہو گئے۔ سندھی عام طور پر ترمیم شدہ عربی رسم الخط میں لکھی جاتی ہے. حکومت بھارت نے 1948ء میں عربی رسم الخط کی جگہ دیوناگری رسم الخط کو اردو، سندھی، جیسی زبانوں کے لیے بھارت میں رائج کیا.

ایک کتاب کا سرورق جس میں مہاکاوی ڈوڈو چنیسر شامل ہیں جو حوتونکی سندھی یا خداآبادی اسکرپٹ میں لکھا گیا ہے

Sindhi-speakers by Pakistani District - 2017 Census

جغرافیائی تقسیم

ہریانوی زبان

1947 میں دہلی اور اس کے نواحی علاقوں سے 72لاکھ ہریانوی اور لطیف اردو بولنے والے مہاجرین جنوبی پنجاب، کراچی اور مشرقی سندھ میں آباد ہوگئے۔ پاکستان میں 1947 سے تاحال مردم شماری میں ان کا تخمینہ دوہری مادری زبان کے قانون سے نہیں لگایا گیا۔ لیکن اعداد و شمار کے مطابق یہ تقریبا ڈیڑھ کڑوڑ سے زائد ہے، جو پاکستان کی آبادی کا قریباّ 6.25 فیصد ہے۔

سندھی حرف تہجی

سندھی جنوب مشرقی پاکستان کے اسکولوں میں پہلی زبان کے طور پر پڑھائی جاتی ہے۔ سندھی وسیع ذخیرہ الفاظ کی وجہ سے محررین اور مصنفین کو راغب کرتی ہے جس کی وجہ سے ادب اور شاعری کا ایک وسیع ذخیرہ رکھتی ہے۔ سندھی کے کئی لہجے پاکستان کے باقی صوبوں پنجاب، بلوچستان، سرحد کے کئی علاقوں اور بھارت کی ریاست گجرات اور راجستھان میں بولے جاتے ہیں.

سندھی زبان کے قدیم لہجے

سندھی بولی کے علاقے کے بنیاد پر بہت سارے قدیم لہجے ہیں:

1. لاسی لہجہ: یہ لہجہ لسبیلہ اور بلوچستان میں بولا جاتا ہے۔ پاکستان بننے کے بعد بھی سندھی سبی تک اور مکران و گوادر تک دوسری بڑی زبان ہے.

2. لاڑی لہجہ: یہ لہجہ لاڑھ میں حیدرآباد اور نیچے ٹھٹہ, بدين اور ملير کراچي تک بولا جاتا ہے۔ یہ سندھی کا مستند لہجہ ہے جس میں آج کل کتاب لکھے جاتے ہیں اور سندھی میڈیا بھی اسی لہجے کو اپناتی ہے ميمني لھجہ بھي اسي سے نکلا ہے.

3. کچھی لہجہ: یہ لہجہ کچھ گجرات میں بولا جاتا ہے اور کچھیوں کی بڑی تعداد کراچی میں صدیوں سے آباد ہے سندھی زبان کے عظیم شاعر شاھ عبدالطيف بھٹائی نے خود کچھ بھونجھ گجرات میں شاعری کی ہے.

4. ميمنی يا کاٹھياواڑھی لہجہ: یہ لہجہ کاٹھیاواڑ گجرات میں بولا جاتا ہے۔ ميمٹی یا کاٹھیاواڑی سننے کے بعد آپ کو لگے گا کہ وہ ٹوٹی پھوٹی سندھی میں بات کر رہے ہے ميمنی یا کاٹھیاواڑی بولنے والے لوگ پانج صدیاں پہلے کاروبار کے لیے ٹھٹھہ سے گجرات گئے تھے تو ان کی سندھی زبان کو میمنی کا نام دیا گیا.

5. تھری يا ڈاھٹکی لہجہ: یہ لہجہ تھرپارکر اور راجستھان میں بولا جاتا ہے۔ تاريخی طور پر تھر اور راجستھان سندھو تہذیب کے مضبوط حصے ہے.

6. وچولی یا اترادی لہجہ: یہ لہجہ اتر یا اپر سندھ میں نوشہروفيروز سے لاڑکانہ، سکھر اور کافی علاقوں میں بولا جاتا  ہے.

7. سرو يا سرائیکی لہجہ: یہ لہجہ سندھ اور پنجاب میں ملتان سے لے کر بہاولپور تک بولا جاتا ہے. تاريخی طور پر ملتان خود سندھ کا حصہ تھا.

8. خوجکی لہجہ: یہ لہجہ بھی قدیم لہجہ ہے، جس کو اسماعیلی داعیوں نے ملتان، منصورہ اور گجرات میں بنا کے مذہبی گیت گنان لکھے جو آج کل پوری دنیا کے اسماعیلی پڑھتے ہیں.

9. جدگالی لہجہ: يہ لہجہ ايران اور بلوچستان میں بولا جاتا ہے۔ یہ لہجہ سننے کے بعد آپ کو لگے گا کہ یہ سندھی زبان کا ايک لہجہ ہے.

10. سواحلی کچھی لہجہ: يہ لہجہ مشرقی افریقا کے ملکوں میں بولا جاتا ہے جو افریقا کی سواحلی زبان اور سندھی کے کچھی لہجے کا ملغوبہ ہے، کچھ کے لوگوں نے 18ويں صدی میں افریقا کی طرف ہجرت کی تھی جن کو اب سواحلی کچھی بولا جاتا ہے تنزانیہ، کینیا میں سواحلی کچھی لہجہ بولنے والوں کی اکثریت ہے۔صرف کینیا میں 55000 تک سواحلی کچھی بولنے والے سندھی آباد ہے.

پاکستان کی زبانیں

سندھی سر چارٹ

تاریخ

سندھی چودھویں صدی عیسوی سے اٹھارویں صدی عیسوی تک تعلیم و تدریس کی مشہور زبان رہی ہے۔ یہ وہ وقت تھا جب شاہ عبداللطیف بھٹائی اور کئی دوسرے شعرا نے سندھی زبان میں اپنا صوفیانہ کلام لکھا اور انسان اور خدا کے درمیان رشتے کی وضاحت کی۔ قرآن کا پہلا ترجمہ سندھی میں کیا گیا، جو بارہویں صدی عیسوی یا اس سے پہلے، قرآن کا پہلا ترجمہ ہے.

پاکستان کے صوبہ سندھ میں بولی جانے والی اکثریتی زبان ’’سندھی‘‘ ہے۔ وادیٔ سندھ کی قدیم تہذیب سے اندازہ لگا کر ماہرین اس بات پر متفق ہیں کہ سندھی زبان سندھ میں آریاؤں بلکہ دراوڑوں سے پہلے کی زبان ہے۔ یہی وجہ ہے کہ ماہرین نے سندھی زبان کو اس خطے کی اصلی زبان بتایا اور اسے پروٹو ڈراویڈین قرار دیا، یعنی دراوڑوں سے پہلے کی زبان۔ یہ دعویٰ کرنے والوں میں ڈاکٹر نبی بخش بلوچ، ڈاکٹر غلام علی الانا اور سراج الحق میمن وغیرہ شامل ہیں۔ بعض مستشرقین کا یہ بھی دعویٰ ہے کہ ’’سندھی‘‘ دراوڑی زبان سے تعلق رکھتی ہے۔ دیگر قدیم زبانوں مثلاً سنسکرت، عربی وغیرہ سے بھی سندھی کا بہت قریبی تعلق رہا ہے.

ڈاکٹر غلام حیدر سندھی نے لکھا ہے کہ میں نے سندھی زبان کے نقوش معلوم کرنے کے لیے جب سوات اور شمالی علاقہ جات کا دورہ کیا، تو پتا چلا کہ سوات کالام میں بولی جانے والی زبان گاؤری اور دیگر زبانوں کا سندھی کے ساتھ گہرا تعلق ہے۔ اس نے یہ بھی لکھا ہے کہ دورانِ تحقیق یہ بھی معلوم ہوا کہ خالص سندھی سات اصوات ان وادیوں میں بولی جانے والی زبانوں میں ابھی تک موجود ہیں۔ یہ بات بھی تحقیق میں سامنے آئی ہے کہ کالامی یا گاؤری زبان اور سندھی میں تذکیر و تانیث، جمع واحد، حروفِ جار اور اسم صفت کی ترتیب و تراکیب وغیرہ میں بھی کافی مشابہت نظر آتی ہے۔ڈاکٹر غلام حیدر سندھی لکھتے ہیں کہ اس کی وجہ ان کی آپس میں لسانی قربت اور وہ تاریخی تعلق ہے جو مدتوں پہلے سندھی اور ان وادیوں میں بولی جانے والی زبانوں کے درمیان رہا ہوگا۔ سندھی زبان میں باون حروف تہجی ہیں۔ ان میں بارہ ایسے ہیں جو تلفظ کی حد تک سندھی، اردو، پنجابی اور سرائکی میں مشترک ہیں، مگر لکھنے میں ان کی اشکال مختلف ہیں۔

جیسا کہ پہلے بتایا گیا کہ سندھی ایک قدیم زبان ہے۔ یہی وجہ ہے کہ سندھی ادب بھی قدیم ہے۔ سندھی لوک ادب کے علاوہ سندھی زبان میں شاعری اور نثر کا ایک وسیع ذخیرہ موجود ہے۔ سندھی لوک داستانوں میں لیلا چنیسر اور عمر ماروی کی داستانیں بہت مشہور ہیں۔ اسی طرح پاکستان میں بہت کم لوگ ایسے ملیں گے کہ سندھی شاعری میں “شاہ عبد اللطیف بھٹائی” اور “سچل سرمست” کے ناموں سے ناواقف ہوں۔

رسم الخط

سندھی میں مختلف رسم الخط ہیں جن میں سے تین رسم الخط موجودہ دور میں استعمال میں ہیں، جن میں دو رسم الخط مشہور ہیں.

عربی

خلافت امویہ کے حکومت مے سندھی کے لیے ایک عربی رسم الخط بنا، تب سے زیادہ تر مسلمان سیندھی بولنے والے اس رسم الخط سندھی کے لیے استعمال کرتے ہے. یے معیاری رسم الخط سندھی زبان کے ہے.

آج پاکستان میں سندھی ترمیم شدہ عربی رسم الخط میں لکھی جاتی ہے، سندھی کے عربی رسم الخط لکھنے والے ابو الحسن سندھی ہیں سندھی میں کل 52 حروف تہجی ہیں۔ عربی حروف کے علاوہ اس میں دوسرے آریائی حروف بھی شامل ہیں۔ اس رسم الخط کی انیسویں صدی میں ہندوستان کے برطانوی دور حکومت میں حوصلہ افزائی کی گئی.

جھ	ڄ	ج	پ	ث	ٺ	ٽ	ٿ	ت	ڀ	ٻ	ب	ا
ɟʱ	ʄ	ɟ	p	s	ʈʰ	ʈ	tʰ	t	bʱ	ɓ	b	ɑ: ʔ ∅
ڙ	ر	ذ	ڍ	ڊ	ڏ	ڌ	د	خ	ح	ڇ	چ	ڃ
ɽ	r	z	ɖʱ	ɖ	ɗ	dʱ	d	x	h	cʰ	c	ɲ
ڪ	ق	ڦ	ف	غ	ع	ظ	ط	ض	ص	ش	س	ز
k	q	pʰ	f	ɣ	ɑ: o: e: ʔ ʕ ∅	z	t	z	s	ʃ	s	z
ي	ء	ھ	و	ڻ	ن	م	ل	ڱ	گھ	ڳ	گ	ک
j i:		h	ʋ ʊ o: ɔ: u:	ɳ	n	m	l	ŋ	ɡʱ	ɠ	ɡ	kʰ

تفصیل	اردو کے قریب مساوی	IPA	سندهي حروف
	۱	ɑ: ʔ ∅	۱
	ب	b	ب
	-	ɓ	ٻ
	بھ	bʱ	ڀ
	ت	t	ت
	تھ	tʰ	ٿ
	'ٹ' اور 'ت' کا درمیان	ʈ	ٽ
	'ٹھ' اور 'تھ' کا درمیان	ʈʰ	ٺ
	'ث' اور 'س' کا درمیان		ث
	پ		پ
	ج	ɟ	ج
	-	ʄ	ڄ
	جھ	ɟʱ	جھ
	-	ɲ	ڃ
	چ	c	چ
	چھ	cʰ	ڇ
	ح	h	ح
	خ	x	خ
	د	d	د
	دھ	dʱ	ڌ
	-	ɗ	ڏ
	-	ɖ	ڊ
	-	ɖʱ	ڍ
	ذ	ð	ذ
	ر	r	ر
	ڑ	ɽ	ڙ
	ز	z	ز
	س	s	س
	ش	ʃ	ش
	ص	s	ص
	ض		ض
	ط	t	ط
	ظ		ظ
	ع	ɑ: o: e: ʔ ʕ ∅	ع
	غ	ʁ ɣ	غ
	ف	f	ف
	'پھ' کی ملتوی	pʰ	ڦ
	ق	q	ق
	ک	k	ڪ
	کھ	kʰ	ک
	گ	g	گ
	-	ɠ	ڳ
	گھ	ɡʱ	گھ
	'ں' اور 'گ' کا مجموعہ	ŋ	ڱ
	ل	l	ل
	م	m	م
	'ں' یا 'ن'	◌̃ n	ن
	-	ɳ	ڻ
	و	ʋ ʊ o: ɔ: u:	و
	ھ	h	ھ
	ء	a	ء
	'ی' یا 'ے'	j: i	ي

دیوناگری

بھارت میں معیاری عربی رسم الخط کے علاوہ دیوناگری رسم الخط بھی رائج ہے، 1948ء سے رائج کیا گیا۔

अ	आ	इ	ई	उ	ऊ	ए	ऐ	ओ	औ
ə	a	ɪ	i	ʊ	u:	e	ɛ	o	ɔ
क	ख	ख़	ग	ॻ	ग़		घ		ङ
k	kʰ	x	ɡ	ɠ	ɣ		ɡʱ		ŋ
च	छ		ज	ॼ	ज़		झ		ञ
c	cʰ		ɟ	ʄ	z		ɟʱ		ɲ
ट	ठ		ड	ॾ	ड़		ढ	ढ़	ण
ʈ	ʈʰ		ɖ	ɗ	ɽ		ɖʱ	ɽʱ	ɳ
त	थ		द				ध		न
t	tʰ		d				dʱ		n
प	फ	फ़	ब	ॿ			भ		म
p	pʰ	f	b	ɓ			bʱ		m
य	र	ल	व
j	r	l	ʋ
श	ष	स	ह
ʃ	ʂ	s	h

رومن سندھی

رومن سندھی آج کل موبائیل انباکس میں میسیج میں استعمال ہوتی ہے۔ رومن سندھی اسکرپٹ (رسم الخط) کے سب سے بڑے داعی مصنف حلیم بروہی مرحوم تھے۔

مزید دیکھیے

• سندھی ادب
• سندھی فلموں کی فہرست
• پاکستان کی زبانیں
• پاکستان کی صوبائی زبانیں

مآخذ

• Addleton and Brown (2010)۔ Sindhi: An Introductory Course for English Speakers۔ South Hadley: Doorlight Publications۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 23 اپریل 2016 
• M. Qasim Bughio (January–June 2006)۔ مدیر: Fabio Maniscalco Maniscalco۔ "The Diachronic Sociolinguistic Situation in Sindh"۔ Web Journal on Cultural Patrimony۔ 1۔ 30 جنوری 2016 میں اصل سے آرکائیو شدہ۔ اخذ شدہ بتاریخ 23 اپریل 2016 
• Jennifer S Cole (2001)۔ "Sindhi"۔ $1 میں Jane Garry، Carl Rubino۔ Facts About the World's Languages۔ H W Wilson۔ صفحہ: 647–653۔ ISBN 0-8242-0970-2 
• International Phonetic Association۔ 1999۔ ISBN 0-521-63751-1 
• Lachman M Khubchandani (2003)۔ "Sindhi"۔ $1 میں George Cardona، Dhanesh Jain۔ The Indo-Aryan Languages۔ Routledge۔ صفحہ: 622–658۔ ISBN 978-0-415-77294-5 
• سانچہ:SOWL
• P Trumpp (1872)۔ Grammar of the Sindhi Language۔ London: Trübner and Co۔ ISBN 81-206-0100-9 

For further reading:

• Chopra, R. M., The Rise, Growth And Decline of Indo-Persian Literature, 2012, Iran Culture House, New Delhi, Chapter on"Persian in Sindh".

بیرونی روابط

سانچہ:Interwiki Sindhi phrasebook سفری راہنما منجانب ویکی سفر

• Write Sindhi in PC
• Sindhi Language Authority
• Sindhi Dictionaryآرکائیو شدہ بذریعہ ijunoon.com
• Type in Sindhi onlineآرکائیو شدہ بذریعہ bhurgri.com
• Information and pronunciation of Sindhi alphabet (recordings)آرکائیو شدہ بذریعہ oursindh.com
• All about Sindhi language and culture
• Wals.info
• Sindhi computing resources at world's first Sindhi website by Majid Bhurgri (Arabic script)
• Sindhi computing resources at TDIL (Arabic script)آرکائیو شدہ بذریعہ ildc.in
• Sindhi computing resources at TDIL (Devanagari script)آرکائیو شدہ بذریعہ ildc.in
• First and only 24 hour international Sindhi radio station online
• Sindhi newspapers gasping for breath in India