Pensilvaniä universitetı
![](http://upload.wikimedia.org/wikipedia/commons/thumb/9/92/UPenn_shield_with_banner.svg/250px-UPenn_shield_with_banner.svg.png)
Pensilvaniä universitetı (Пенсильвания университеты). Şulay uq, qısqartılğan Penn iseme belän dä atala. AQŞnıñ Pensilʻvaniä ştatınıñ Filadelphia şähärendä urnaşqan xosusıy, dinnär belän bäylänmägän, universitet.UlAQŞnıñ yäş buyınça dürtençe universitetı, Ürmäle göl ligası äğzası.
Университетнын oyıştırıp cibärüçe Bencamin Franklinnıñ küzallawı buyınça, bu uqu yortı kommersia häm cämäğeyät fännäre belän berrättän iğtibarnı klassikağa häm teologiagä dä yünälter dip kötelgän.
Xäzerge waqıtta 4,500 çaması prafisır-uqıtuçı 10,000 baqalawriat häm 10,000 mağistrlıq studentlarına xezmät kürsätä. Penn humanitar fännär buyınça iñ aldınğı universitetlarnıñ berse.
2007 yıl budjetı farazı buyınça, Penn Ürmäle göl ligası äğzaları arasında, iñ küp aqça sarıf itüçe bularaq tanılırğa mömkin. Barlığı 4.77 milliard dollar plannaştırılğan.
Tarix
[үзгәртү | вики-текстны үзгәртү]1740 yılda Filadelphianıñ bertörkem keşeläre, evangelist (Evangelist) Corc Waytfild atakay öçen doğa qılu binası salu maqsatı belän berläşälär. Läkin baştan uq finanslar probleması kilep tua. Şuña kürä dä oyıştıruçılar Bencamin Franklin taraflarına möräcäğät itärgä mäcbür bula. Franklin Trust äğzaların berläşterep, eşkä kereşä. 1751 yılda Akademia berençe studentların qabul itä. Penn AQŞta berençe medisina mäktäben oyıştırıp cibärä.
Pensilvaniä universitetınıñ dewizı — Legis sine moribus vanae (Latinçadan, Äxlaqsız qanunnar faydasız).
Campus
[үзгәртү | вики-текстны үзгәртү]Penn universitetınıñ arxitekturasında beryülı Oksford häm Kembric universitetları binalarınıñ elementların tabıp bula. Xäzerge kampus 269 aqr çaması cir bili.
Akademiä
[үзгәртү | вики-текстны үзгәртү]Baqalawr däräcäsendä
- Sänğät häm fän mäktäbe (The School of Arts & Sciences)
- İnjenerlıq häm Ğamäli fännär mäktäbe (The School of Engineering and Applied Science (SEAS)
- Şäfqät tutaşları mäktäbe (The School of Nursing)
- Wharton biznes mäktäbe (The Wharton School)
Mağistr däräcäsendä
- Annenberg kommunikasialär mäktäbe (Annenberg School for Communication)
- Mäğrifät mäktäbe (Graduate School of Education)
- Xoquq mäktäbe (Law School )
- Sänğät häm fänär mäktäbe (Graduate School of Arts & Sciences)
- Teş medisinası mäktäbe (School of Dental Medicine)
- Dizayn mäktäbe (School of Design)
- Wharton mäktäbe (Wharton School) h.b.
Universitet rangları, däräcälär
[үзгәртү | вики-текстны үзгәртү]- US News & World Report gäzite isäpläwençä, baqalawr belgeçlege buyınça 7 urın (2007)
- Newsweek – globäl universitetlar arasında unikençe
- Washington Monthly buyınça, Amerika millätenä kitergän fayda buyınça xosusıy yuğarı belem birü yortları arasında 13nçe.
Keşelär
[үзгәртү | вики-текстны үзгәртү]Universitet prezidentları (soñğı ğasır)
Prezidentlar | Citäkçelek yılları | |
---|---|---|
1 | Tomas Sovereyn Geyts | (1930–1944) |
2 | Corc Wilyam MakCleland | (1944–1948) |
3 | Harold Edward Stassen | (1948–1953) |
4 | Wilyam Hagan DuBerry | (1953–1953) |
5 | Geylord Probasko Harnwell | (1953–1970) |
6 | Martin Meyerson | (1970–1981) |
7 | Şeldon Hakni | (1981–1993) |
8 | Cler Fagin | (1993–1994), Waqıtlıça |
9 | Cudit Rodin | (1994–2004) |
10 | Emi Gutmann | (2004–häzerge waqıt) |