Эскадра мина ташучысы
Эскадра мина ташучысы (эсминец) (рус. эскадренный миноносец, эсминец) – каршы якның (дошманның) су асты көймәләрен һәм су өсте корабларын (судноларын) һәлак итү өчен кулланыла торган хәрби кораб. Шул ук вакытта диңгез буенча күчеп йөрүче яки диңгез сугышында катнашучы зур су өсте корабларын саклау өчен дә файдаланыла. Шулай ук күзәтүче һәм дозор хезмәтендә дә кулланыла. Десантны диңгез ярына төшергәндә артиллерия уты белән ярдәм итә ала. Тиешле урынга миналардан чикләү куйганда файдаланылырга мөмкин.
![](http://upload.wikimedia.org/wikipedia/tt/thumb/8/8c/%D0%AD%D1%81%D0%BC%D0%B8%D0%BD%D0%B5%D1%86.jpg/350px-%D0%AD%D1%81%D0%BC%D0%B8%D0%BD%D0%B5%D1%86.jpg)
Тарих
[үзгәртү | вики-текстны үзгәртү]Эскадра мина ташучылары 1904-1905 еллардагы рус-япон сугышыннан соң Россия империясе хәрби –диңгез флотында мөстәкыйль класска аерып исәпләнә башлый.
Техник күрсәткечләре
[үзгәртү | вики-текстны үзгәртү]Беренче бөтендөнья сугышы вакытында
[үзгәртү | вики-текстны үзгәртү]- Эскадра мина ташучыларының сусыешлыгы 1000-1300 т
- Тизлеге 30-37 диңгез узелы (55-68,5 км/сәг.)
- Пар турбиналары, казаннары нефть форсункасы белән эшли
- 4 ике көпшәле 450 мм һәм 533 мм лы торпеда аппаратлары
- 4 88 мм һәм 102 мм лы туплар
Озак еллар дәвамында әлеге класс кораблары арасында иң яхшысы булып «Новик» эсминецы (1913-1944 елларда сафта була) санала.
Икенче бөтендөнья сугышы вакытында эсминецлар иң күп санлы һәм универсаль кораблар классы булып тора.
Чит ил эсминецларының техник күрсәткечләре
[үзгәртү | вики-текстны үзгәртү]- Сусыешлыгы 8000 т
- Тизлеге 36 диңгез узелы (66,7 км/сәг.)
- Төрле максатлар өчен яраклы ракеталар белән коралланган
- 130 мм калибрлы артиллерия туплары
- Торпеда аппаратлары
- Су асты көймәсенә каршы җиһазлар
- Вертолетлар
Чыганаклар
[үзгәртү | вики-текстны үзгәртү]Яшүсмерләр өчен хәрби-диңгез сүзлеге. М., 1988.ISBN 5-7030-0298-2