Эллен Гульбрансон
швед. Ellen Gulbranson | |
![]() | |
Җенес | хатын-кыз[1][2] |
---|---|
Ватандашлык |
![]() ![]() |
Туу датасы | 4 март 1863[2][3][4][…] |
Туу урыны | Стокһолм, Швеция |
Үлем датасы | 2 гыйнвар 1947[5] (83 яшь) |
Үлем урыны | Осло, Норвегия |
Җирләнгән урыны | Осло |
Һөнәр төре | опера җырчысы, музыка педагогы |
Әлма-матер | Королевская Стокгольмская высшая музыкальная школа[d] |
Активлык чорнының башы | 1889 |
Активлык чоры тәмамлануы | 1915 |
Җырчы тавышы | сопрано[d] |
Музыкаль инструмент | тавыш[d] |
Жанр | опера |
Бүләкләр | |
![]() |
Эллен Гульбрансон(швед. Ellen Gulbranson, тумыштан Нордгрен; 4 март 1863 ел — 2 гыйнвар 1947 ел) — Швециянең опера җырчысы (драматик сопрано). Аның киң диапазонлы көчле драматик тавышы Рихард Вагнерның әсәрләренә туры килә. Икенче буын Байройт җырчылары арасында ул төп фигура була. XX гасыр башында аның тавышының Edison Records һәм Pathé Records өчен яздырылган берничә акустик язмасы сакланган. 1911 елда король Казанышлар Медале белән бүләкләнә.
Биографиясе
[үзгәртү | вики-текстны үзгәртү]1863 елның 4 мартында Стокгольмда туган. Башта Стокгольм консерваториясендә Джулиус Гюнтер җитәкчелегендә, ә аннары Парижда Эллен Кеннет һәм билгеле педагог Матильда Маркезида укый[6]. Соңыннан шулай ук аның кызы да Бланш Маркезида укый. Бланш Маркези Гульбрансон тавышының иң югары ноталарын ныгыта һәм аның тавышы меццо-сопранодан драматик сопранога үзгәрә.
Гульбрансон 1886 елда Стокгольмда концертта беренче чыгышын ясый. 1889 елда Стокгольм опера сәхнәсендә Джузеппе Вердиның «Аида» операсында Амнерис ролендә янә чыгыш ясый. Бу чыгышыннан соң Швед короле операсы труппасына кабул ителә һәм тиздән солисткага әверелә. 1898 елда ул Брунгильда һәм Ортруданың Вагнер партияләрен башкара. Гульбрансон бу героиняларны уйнауда камилләшүен дәвам итә. Шулай ук «Парсифалдә» Кундри һәм «Тристан һәм Изольдада» Изольда партияләрен башкаруда уңыш казана.
1896 елда ул беренче тапкыр Байрёйт фестивалендә катнаша, анда Брунгильда партиясен башкара. Бу чыгышы Гульбрансонга дөнья күләмендә танылу китерә, һәм ул Байройтта 1914 елга кадәр ел саен җырлавын дәвам итә. Концерт һәм опера җырчысы буларак гастрольләрдә йөри, Берлинда, Парижда, Амстердамда, Лондонда, Мәскәүдә чыгыш ясый.
1915 елда сәхнәдән киткәннән соң ул җыр укытучысы булып эшли. 1923 елдан Осло шәһәрендә укыта, Норвегия гражданлыгын ала. Аның иң билгеле укучыларының берсе — Эйде Норена. Гульбрансон 83 яшендә Осло шәһәрендә вафат була[7]. Вестре Гравлюнд зиратында җирләнгән.
Гаиләсе
[үзгәртү | вики-текстны үзгәртү]Эллен Гульбрансонның ире генерал-полковник Ханс Питер Френсис Гульбрансон, аларның кызы малкуар Ульф Стиренга кияүгә чыга[8].
Искәрмәләр
[үзгәртү | вики-текстны үзгәртү]- ↑ Record #13715061 // VIAF — [Dublin, Ohio]: OCLC, 2003.
- ↑ 2,0 2,1 Musikverkets auktoritetsdatabas — 2017.
- ↑ Nationalencyklopedin — 1999.
- ↑ https://nbl.snl.no/Ellen_Gulbranson
- ↑ Discogs — 2000.
- ↑ Гульбрансон Эллен // Музыкальная энциклопедия. Т. 2 (1974). Гондольера — Корсов
- ↑ Ellen Gulbranson. www.wagneropera.no.
- ↑ Steenstrup, Bjørn, ed (1973). "Styren, Ulf" (in Norwegian). Hvem er hvem?. Oslo: Aschehoug. p. 540. http://runeberg.org/hvemerhvem/1973/0540.html. Retrieved 12 June 2014.