Христиан фон Волф

Христиан фон Волф
олмонӣ: Christian von Wolff
Таърихи таваллуд	24 январ (3 феврал) 1679[…]
Зодгоҳ	Вротслав, Lands of the Bohemian Crown[d], Имперотурии Муқаддаси Рум[d]
Таърихи даргузашт	9 апрел 1754(1754-04-09)[…] (75 сол)
Маҳалли даргузашт	Halle[d], Подшоҳии Пруссия[d], Имперотурии Муқаддаси Рум[d]
Кишвар	Подшоҳии Пруссия[d]
Фазои илмӣ	риёзиёт, фалсафа, ҳақшиносӣ, метафизик, philosophical logic[d] ва системаи таълим[d]
Ҷойҳои кор	Донишгоҳи Лейпзиг[d] Донишгоҳи Марбург[d] Донишгоҳи Ҳолле-Виттенберг[d]
Дараҷаи илмӣ:	доктори фалсафа[d] (1703)
Алма-матер	Донишгоҳи Йено[d] Донишгоҳи Лейпзиг[d]
Роҳбари илмӣ	Готфрид Лейбнитс, Ehrenfried Walther von Tschirnhaus[d] ва Christoph Pfautz[d]
Шогирдон	Ewald Friedrich von Hertzberg[d], Михаил Ломоносов, Joachim Georg Darjes[d], Samuel Klingenstierna[d] ва Jakob Carpov[d]
Ҷоизаҳо	ҳамкори Анҷумани салатанатӣ[d]
Парвандаҳо дар Викианбор

Хри́стиан фон Волф (олмонӣ: Christian von Wolff; 24 январи 1679, Бреслау, Силезия, Империяи Руми Муқаддас — 9 апрели 1754, Галле, Саксония, Империяи Руми Муқаддас) — риёзидон, физикдон, файласуф, ҳуқуқшинос, қомуснигор ва рӯҳшиноси олмонӣ. Узви АИ Берлин, узви фахрии АИ Петербург (аз соли 1725). Шогирди Г. В. Лейбнис.

Зиндагинома

Риёзиёт ва фалсафаро дар Университети Йен омӯхтааст. Солҳои 1703-05 дар Университети Лейпсиг кор кардааст. Солҳои 1706-23 ва 1741-54 профессор Университети Галла (аз соли 1743 канслери донишгоҳ). Соли 1723—1740 барои озодфикрӣ аз Пруссия ронда шуд. Дар ҳамон солҳо дар Университети Марбург дарс додааст ва дар он ҷо М. В. Ломоносов аз дарсҳои вай баҳра бардоштааст. Барои таъсиси АИ Петербург ва даъват намудани олимони маъруф, аз ҷумла Николай ва Даниил Бернулли, Я. Герман мусоидати бевосита кардааст. Муаллифи асарҳои илмӣ ва таълимӣ дар соҳаҳои физика ва риёзиёт. Асари чорҷилдии Христиан фон Волф «Асосҳои илмҳои риёзӣ» борҳо такроран чоп шудааст. Ӯ нуқтаро чун аломати зарб ва дунуқтаро чун аломати тақсим дар риёзиёт ҷорӣ карда, дар соҳаи назарияи қаторҳо низ таҳқиқот анҷом додааст. Христиан фон Волф оид ба риёзиёт якчанд асар навиштааст, ки ба ташкили таълими он дар Олмон ва Русия таъсири зиёд расонидаанд. Хусусан «Луғати риёзӣ», ки соли 1716 дар Лейпсиг ба табъ расид, яке аз аввалин луғатҳои риёзӣ буда, дар равияи донишномаҳо навишта шудааст. Христиан фон Волф намояндаи ҳуқуқи табиӣ ва бунёдгузори аксарияти мафҳумҳои ҳуқуқии садаи XIX буд. Ӯ асосҳои мафҳумҳои фалсафии забони олмониро гузошт, ки бисёри онҳо то ҳол мавриди истифода қарор доранд.

Адабиёт

• Жучков В. А. Из истории немецкой философии XVIII в. Предклассический период. От вольфовской школы до раннего Канта. М., 1996.

Сарчашма

• Волф Христиан // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.