ಮಧ್ವಾಚಾರ್ಯ

ಮಧ್ವಾಚಾರ್ಯ
ಶ್ರೀ ಮಧ್ವಾಚಾರ್ಯರ ಉಡುಪಿದ ಮೂರ್ತಿ
Personal
ಪುಟ್ಟು	ವಾಸುದೇವ ಕ್ರಿ.ಶ. ೧೧೯೯ (or 1238) ಪಾಜಕ, ಉಡುಪಿ ಜಿಲ್ಲೆ, ಕರ್ನಾಟಕ
ತೀರಿನ	c. 1278 (or 1317)
ಧರ್ಮ	ಹಿಂದೂ ಧರ್ಮ
Order	ವೇದಾಂತ
ಸ್ಥಾಪಕೆರ್	ಉಡುಪಿ ಶ್ರೀ ಕೃಷ್ಣಮಠ
Philosophy	Tattvavada (Which later popularly came be known as Dvaita Vedanta)
Senior posting}
ಗುರು	ಅಚ್ಯುತ ಪ್ರೇಕ್ಷ
ಬರೆತಿನ ಬೂಕುಲು	Sarvamula Granthas
Honors	Pūrṇa-prajña Jagadguru

ಮಧ್ವಾಚಾರ್ಯೆರ್ ಒರಿ ಭಾರತದ ತತ್ವಜ್ಞಾನಿ ಬೊಕ್ಕ ದ್ವೈತ ಸಿದ್ಧಾಂತದ ಪ್ರತಿಪಾದಕೆ. ಉಡುಪಿಡ್ ಕೃಷ್ಣಮಠತ ಪೂಜೆ ಮಲ್ಪರೆಗಾದ್ ಎಣ್ಮ ಸನ್ಯಾಸಿಲೆಗ್ ಅಧಿಕಾರ ಕೊರಿನಾರ್. ಶಾಸ್ತ್ರ ಧಾರ್ಮಿಕತೆ ಬೊಕ್ಕ ತತ್ವಜ್ಞಾನದ ವಿಸಯೊಲೆನ್ ಬೇತೆ ಬೇತೆ ಜನಕುಲು ಅಕಲ್ನ ಮನಸ್‍ಗ್ ಬತ್ತಿಲೆಕ ಬೋಧನೆ ಮಲ್ತೊಂದಿಪ್ಪುನ ಪೊರ್ತುಗು, ಮಧ್ವಾಚಾರ್ಯೆರ್ ಐಕೊಂಜಿ ನಿರ್ದಿಷ್ಟವಾಯಿನ ರೂಪ ಕೊರ್ದು, ಬೊಕ್ಕ ಆ ಬೋದನೆಲೆಡ್ ಇತ್ತಿನ ಸುಮಾರ್ ತಪ್ಪುಲೆನ್ ಸರಿಮಲ್ತ್‌ದ್ ಜನಕುಲೆಗ್ ನಿಜವಾಯಿನ ಜ್ಞಾನದ ಬೊಲ್ಪುನು ತೋಜಾಯೆರ್. ಸ್ವತಃ ವಾಯುದೇವೆರೇ ಮಧ್ವಾಚಾರ್ಯೆರೆನ ರೂಪೊಡು ಭೂಮಿಗ್ ಬತ್‍ದ್ ಪುಟ್ಟಿಯೆರ್ ಪನ್ಪಿನ ನಂಬಿಕೆ ಉಂಡು.

ಮಧ್ವಾಚಾರ್ಯೆರ್‌ನ ಪುಟ್ಟು ಬೊಕ್ಕ ಜೀವನ

ಮಧ್ವೆರ್ ಒಡಿಪುದ ಕೈತಲ್‌ದ ಪಾಜಕ ಪನ್ಪಿ ಊರುಡು, ೧೨೩೮ನೇ ಇಸವಿಡ್ ಪುಟ್ಟಿಯೆರ್(ಶಾಸ್ತ್ರೀಯ ಪಂಚಾಂಗದ ಪ್ರಕಾರ, ಶಾಲಿವಾಹನ ಶಕ ೧೧೬೦, ವಿಳಂಬಿ ಸಂವತ್ಸರದ ಅಶ್ವೀಜ ಶುದ್ಧ ದಶಮಿ). ಅಮ್ಮೆರ್ ಮಧ್ಯಗೇಹ ಭಟ್ಟ, ಅಪ್ಪೆ ವೇದಾವತಿ. ಕಿನ್ಯೊಡು ಮಧ್ವೆರೆಗ್ ವಾಸುದೇವ ಪಂಡ್‌ದ್ ಪುದರ್ ಇತ್ಂಡ್. ಕಿನ್ಯಡಿಪ್ಪನಗ ವಾಸುದೇವೆ ಅಸಾಧಾರಣ ಪ್ರತಿಭೆನ್ ತೋಜಾವೊಂದಿತ್ತೆ. ಐನ್‍ನೇ ಪ್ರಾಯೊಡು ವಾಸುದೇವಗ್ ಅಕ್ಷರಾಭ್ಯಾಸ ಬೊಕ್ಕ ಉಪನಯನ ಆಂಡ್. ವಾಯುನ ಅವತಾರ ಆಯಿನೆಡ್ದಾವರ ಕಿನ್ಯೋಡೇ ಮಧ್ವೆರೆಗ್ ಮಾತಾ ಶಾಸ್ತ್ರೊಲೆನ ಜ್ಞಾನ ಇತ್ಂಡ್. ೧೦ನೇ ಪ್ರಾಯೊಗು ಗುರುಕುಲ ಶಿಕ್ಷಣ ಮುಗಿತ್‍ದ್, ವಾಸುದೇವೆ ೧೧ನೇ ಪ್ರಾಯೊಡು ತನ್ನ ಗುರುಕುಲಾಯಿನ ಅಚ್ಯುತ ಪ್ರೇಕ್ಷೆರೆಡ್‌ದ್ ಸನ್ಯಾಸತ್ವನ್ ಸ್ವೀಕರಿಸಾಯೆರ್. ಗುರುಕುಲವಾಸದ ಸಂದರ್ಭೊಡು ತೋಜಾಯಿನ ಅಸಾಧಾರಣ ಬುದ್ಧಿಶಕ್ತಿಡ್‌ದಾವರ ವಾಸುದೇವಗ್ ಗುರುಕುಲು ಪೂರ್ಣಪ್ರಜ್ಞಾಚಾರ್ಯ ಪಂಡ್‍ದ್ ಪುದರ್ ದೀಯೆರ್.

ಪೂರ್ಣಪ್ರಜ್ಞ-ಆನಂದತೀರ್ಥ-ಮಧ್ವ-ಸರ್ವಜ್ಞ

• ವಾಸುದೇವೆ ಕಿನ್ಯ ಆಣ್ ಆದಿಪ್ಪುನಗನೆ ಅಸಾಧಾರಣ ಪ್ರತಿಭೆ ಇತ್ತ್ಂಡ್. ಅಯನ ೧೧ ವರ್ಸೊದು ಉಡುಪಿಡುಪ್ಪುನ ಅಚ್ಯುತ ಪ್ರೇಕ್ಷೆರೆಡ್ದ ಸಂನ್ಯಾಸ ದೀಕ್ಷೆನ್ ಸ್ವೀಕಾರ ಮಲ್ತೆರ್‍. ಆರ್‍ ಅಯಗ ಸಂನ್ಯಾಸ ದೀಕ್ಷೆ ಕೊನ೯ಗ ಪೂರ್ಣಪ್ರಜ್ಞ ಪನ್ಪಿ ಪುದರ್‍ ದೀಯೆರ್‍.

ಆರ್‍ ಸಂನ್ಯಾಸ ದೀಕ್ಷೆ ದೆತೊಂದು ಒಂಜಿ ತಿಂಗೊಳುಡ್ದು ಬೊಕ್ಕ ಪಂಡಿತೋತ್ತಮರೆನ್ ವೇದಾಂತ ತಕೊ೯ಡು ಸೋಲ್ಪಾದೆರ್‍. ಅವೆನ ತೂದು ಅಚ್ಯುತಪ್ರೇಕ್ಷೆರ್‍ ಆರೆಗ್ ವೇದಾಂತ ಸಾಮ್ರಾಜ್ಯದ ಚಕ್ರವರ್ತಿ ಪಂದ್ ಆನಂದತೀರ್ಥ ಪನ್ಪಿ ಬಿದ್೯ ಕೊರಿಯೆರ್‍.

• ಅವೆಡ್ದ್ ಬೊಕ್ಕ ‌ಆರ್‍ ವೇದದ ಬಲಿಷ್ಟ ಸೂಕ್ತೊಡುಪ್ಪುನ ಮಧ್ವ ಪುದರ್‍ ನ್ ಆಯ್ಕೆ ಮಲ್ತದ್ ಆ ಪುದರ್‍ ಡ್ ಗ್ರಂಥ ರಚನೆ ಮಲ್ತದ್, ಮಧ್ವಾಚಾರ್ಯರ್‍ಂದ್ ಖ್ಯಾತಿ ಆಯೆರ್‍. ಆರ್‍ ಪ್ರಚಾರ ಪಡಿಸದಿನ ದ್ವೈತ ಸಿದ್ಧಾಂತ ತತ್ವವಾದ ಅತ್ತ್ಂಡ ದ್ವೈತ ಮತ ಪಂದ್ ಪ್ರಸಿದ್ದಿಯಾಂಡ್.

ತೆನ್ಕಾಯಿ ಭಾರತ ಯಾತ್ರೆ

• ಆರ್‍ ದಕ್ಷಿಣ ಭಾರತ ಪ್ರವಾಸ ಮಲ್ತದ್ ಅನಂತಶಯನ, ಶ್ರೀರಂಗಂ ಇಂಚಿತ್ತಿ ಕಡೆಟ್ ತನ್ನ ತತ್ವವಾದೊನು ಪ್ರಚಾರ ಮಲ್ತೆರ್‍. ಸಂಪ್ರದಾಯವಾದಿಲೆಡ್ದ್ ಉಂದೆಕ್ ಪ್ರಬಲ ವಿರೋಧ ತೋಜಿದ್ ಬತ್ತಂಡ್. ಮಧ್ವೆರ್‍ ಅವೆಕ್ ಜಗ್ಗಂದೆ ತಂಕುಲೆನ ವಾದೊನು ಸಮರ್ಥನೆ ಮಲ್ತೆರ್‍. ಬೊಕ್ಕ ಉಡುಪಿಗೆ ಪಿರ ಬತ್ತ್ ದ್ ಅಲ್ಪ ಆರ್‍ ಗೀತೆಗೆ ಪೊಲಬುನು(ಪರಿಚಯ) ಬರೆಯೆರ್‍ . ತತ್ವವಾದ ಸಿದ್ಧಾಂತದ ಆಧಾರದ ಮಿತ್ತ್ ೩೭ ಗ್ರಂಥೊಲೆನ್ ಬರೆಯೆರ್‍. ಅವೆನ್ ಸರ್ವ ಮೂಲಗ್ರಂಥೊಲು ಪನ್ಪೆರ್‍. ಈ ಗ್ರಂಥೊಲೆನ ಬಗೆಟ್ ಬೊಕ್ಕ ತತ್ವವಾದದ ಬಗೆಟ್ ಇಡಿ ಭಾರತೊಡೆ ಭಾರಿ ಚರ್ಚೆ ನೆಡತ್ಂಡ್. ಮಧ್ವಚಾಯೆ೯ರ್‍ ತಂಕುಲೆನ ವಾದೊಗು ಮೂಜಿ ಬಗೆತ ಪ್ರಮಾಣೊಲೆನ್ ಆಧಾರವಾದ್ ದೆತೊಂದೆರ್‍. ಅವು ಪ್ರತ್ಯಕ್ಷ, ಅನುಮಾನ [ತಾರ್ಕಿಕ], ಬೊಕ್ಕ ಆಗಮ.

ಬಡೆಕಾಯಿ ಭಾರತದ ಯಾತ್ರೆ

• ಅರ್‍ ಕೆಲವು ಸಮಯೊಡ್ದು ಬೊಕ್ಕ ತತ್ವವಾದ ಪ್ರಚಾರೊಗು ಬೋಡಾದ್ ಉತ್ತರ ಭಾರತೊಗು ಯಾತ್ರೆ ಪೋಪೆರ್‍. ಆರ್‍ ಬದರಿಕಾಶ್ರಮೊಗು ಪೋದು ಅಲ್ಪ ವೇದ ವ್ಯಾಸರೆ ಆಶ್ರಮೊಡು ವ್ಯಾಸಮಹರ್ಷಿಲೆನ್ ತೂದು ಆರೆಗ್ ತನ್ನ ಗೀತೆದ ಪೊಲಬುನು ತೋಜಾದ್ ಅರೆನ ಮೆಚ್ಚುಗೆನ್ ಪಡೆತೆರ್‍ ಗೆ. ಆರ್‍ ಗೀತಾ ಪೀಠಿಕೆಡ್ ಒಂಜಿವಾಕ್ಯನು ಮಾತ್ರಾ ಬದಲಾವಣೆ ಮಲ್ತನೆ ಪನ್ಪೆರ್‍. ಯಾನ ಆಯನ (ದೇವನ) ಪೂರ್ಣ ಸಾಮರ್ಥ್ಯ ಉಪಯೋಗ ಮಲ್ತ ದ್ ಬರೆತೆ ಪನ್ಪುನೆನ್, ಯಾನ ಆಯನ (ದೇವನ) ಒಂತೆ ಸಾಮರ್ಥ್ಯ ಉಪಯೋಗ ಮಲ್ತ ದ್ ಬರೆತಿನಿಂದ್ ಬದಲಾವಣೆ ಮಲ್ತನೆಂದ್ ಪನ್ತೆರ್‍.
• ಆರ್‍ ಬದರಿಡ್ದ್ ಪಿರ ಬತ್ತಿ ಬೊಕ್ಕ ಬ್ರಹ್ಮ ಸೂತ್ರ ಭಾಷ್ಯೊನು ಬರೆಯೆರ್‍.ಅವೆಡ್ದ ಬೊಕ್ಕ ಮಸ್ತ್ ಗ್ರಂಥೊಲೆನ್ ರಚನೆ ಮಲ್ತೆರ್‍, ಅವೆನ್ ಓಲೆಗರಿತ ಗ್ರಂಥೊಡು ಲಿಪಿಕಾರೆರಾದ್ ಬರೆತಿನಾರ್‍ ಅರೆನ ಶಿಷ್ಯರಾಯಿನ ಸತ್ಯ ತೀಥೆ೯ರ್‍. ಅವೆಡ್ದ ಬೊಕ್ಕ ಅರೆನ ಪುದರ್‍ ದೇಶ ಇಡಿ ಪರಡ್ ದ್ ಮಸ್ತ ಜನ ಅರೆನ ಶಿಷ್ಯರಾಯೆರ್‍. ಮಸ್ತ್ ಜನ ಅಕುಲೆಡ್ದ್ ಸಂನ್ಯಾಸ ಸ್ವೀಕಾರ ಮಲ್ತೆರ್‍.

ಉಡುಪಿಡ್

• ಬದರಿಡ್ದ್ ಬತ್ತಿನಾರ್ ಉಡುಪಿಡ್ ನೆಲೆಯಾದ್ ದಶ ಉಪನಿಷತ್ತ್‌ಲೆಗ್ ಪೊಲಬುನು ಬರೆಯೆರ್. ಋಗ್ವೇದದ ೪೦ ಸೂಕ್ತೊಲೆಗ್ ಟೀಕೆನ್ ಬರೆಯೆರ್. ಭಾಗವತ (ಮಹಾಭಾರತ ?) ತಾತ್ಪರ್ಯ ನಿರ್ಣಯೊನು ಬರೆಯೆರ್. ಪಶ್ಚಿಮ ಸಮುದ್ರ ಬರಿಟ್ ತಿಕ್ಕಿನ ಶ್ರೀ ಕೃಷ್ಣನ ಮೂರ್ತಿನ್ ಉಂದೆ ಸಮಯೊಡು ಪ್ರತಿಷ್ಟಾಪನೆ ಮಲ್ತೆರ್. ಪಿರ ರಡ್ದ್‌ನೆ ಸರ್ತಿ ಬದರಿಗ್ ಯಾತ್ರೆ ಮಲ್ತೆರ್.

ಬದರಿಗ್ ರಡ್ಡ್‌ನೆ ಯಾತ್ರೆ

• ಬದರಿದ ರಡ್ಡ್‌ನೆ ಯಾತ್ರೆಡ್ ಗಂಗಾನದಿನ್ ದಾಂಟ್‌ದ್ ಮುಸ್ಲಿಮರೆ ದೊರೆ ಇತ್ತಿನ ರಾಜ್ಯದ ಮುಖಾಂತರ ಪೋವೊಡಿತ್ತ್ಂಡ್.ಅಂಚನೆ ಗಂಗೆನ್ ದಾಂಟ್‌ದಾನಗ ರಾಜ ಭಟೆರ್ ಅರೆನ್ ಮುಸ್ಲಿ ದೊರೆನ ಎದುರ ಒಯ್ಯಿತೊಂದು ಪೋಯೆರ್.ಆಂಡಲ ಆರ್ ಚೂರುಲ ಪೋಡಿಜೆರ್ . ಅದಗ ಆ ದೊರೆ ಮೆರೆನ ಧೈರ್ಯೊನು ತೂದು ಆಚೀರಾಯೆರ್ , ವಿಶ್ವೊನು ಬೆಳಗುನ ಆ ದೇವರೆನ್ ಈ ಪೂಜೆ ಮಲ್ಪುವ ಅಂಚನೆ ಯಾನ್‌ಲ ಪೂಜೆ ಮಲ್ಪುವೆ ಎಂಕ್ ದಾಯೆ ಪೋಡಿಗೆ ಪನ್ಪೆರ್, ಅ ದೊರೆ ಮೆರೆನ ಪಾತೆರೊಗು ಮೆಚ್ಚಿದ್ ಮಸ್ತ್ ಬಹುಮಾನೊಲೆನ್ ಕೊರ್ಪೆ. ಆಂಡ ಅವೆನ್ ಮಾತ ತಿರಸ್ಕಾರ ಮಲ್ತ್‌ದ್ ಬದರಿಗೆ ಕಡೆಕ್ ಪೋಪೆರ್ .ಅಲ್ಪ ಆರ್ ಪಿರೊರ ವ್ಯಾಸರೆನ ನಾರಾಯಣನ ದರ್ಶನ ಮಲ್ತ್‌ದ್ ಪಿರ ಬರ್ಪೆರ್. ತಾದಿಡ್ ಕಾಶಿಗ್ ಪೋದು ಅಲ್ಪ ಅಮರೇಂದ್ರ ಪುರಿ ಪನ್ಪಿ ಅದ್ವೈತಿನ್ ವಾದೊಡು ಸೋಳ್ಪಾವೆರೆ.
• ಅಲ್ಪಡ್ದ್ ಕುರುಕ್ಷೇತ್ರೊಗು ಬತ್ತೆರ್. ಅಲ್ಪ ನಡತಿನ ಒಂಜಿ ಕಥೆ ಉಂಡು. ಆರ್ ಒಂಜಿ ಜಾಗೆಡ್ ಶಿಷ್ಯೆರೆಡ ಗರಿಪೆರೆ ಪನ್ಪೆರ್ ಅಂಚನೆ ಗರಿತ್‌ದಾನಗ ಅಲ್ಪ ಒಂಜಿ ಮಲ್ಲ ಗದೆ ತೋಜಿದ್ ಬರ್ಪುಂಡು. ಅವು ದ್ವಾಪರೊಡು ಭೀಮೆ ಉಪಯೋಗ ಮಲ್ತಿನ ಗದೆ ಪಂದ್ ತೆರಿಪಾದ್ ಆವೆನ್ ಪಿರ ಅಂಚನೆ ಮಣ್ಣ್‌ಡ್ ಮುಚ್ಚಾವೆರ್. ಬೊಕ್ಕ ಗೋವಾಗ್ ಬತ್ತ್‌ದ್ ಉಡುಪಿಗ್ ಪಿರ ಬರ್ಪೆರ್. ಅದಗ ಆರ್ ತನ್ನ ವಿದ್ವತ್ಪೂರ್ಣ ಸಂಗೀತೊ‌ಡ್ದು ಜನೊಕುಲೆನ್ ಮನೋರಂಜನೆ ಮಲ್ಪಾವೆರ್.

ತೆನ್ಕಾಯಿ ಯಾತ್ರೆ

• ಆರ್ ಬೊಕ್ಕ ತೆನ್ಕಾಯಿ ಯಾತ್ರೆ ಮಲ್ತ್‌ದ್ ಕಾಸರಗೊಡುದ ಪದ್ಮ ತೀರ್ಥರೆನ್‌ಲ ಪುಂಡರೀಕ ಪುರಿಲೆನ್ ವಾದೊಡು ಸೋಲ್ಪಾದೆರ್. ಪದ್ಮತೀರ್ಥೆರ್ ಪೇಜತ್ತಾಯ ಶಂಕರ ಪಂಡಿತೆರೆ ಮುಖಾಂತರ ಮಧ್ವರೆ ಗ್ರಂಥೊಲೆನ್ ಅಪಹರಣ ಮಲ್ತೆರ್ಂದ್‌ಲ ಮಧ್ವರೊಟ್ಟಿಗೆ ವಾದ ಆಯಿ ಬೊಕ್ಕ ಆ ಗ್ರಂಥೊಲೆನ್ ಪಿರ ಕೊರಿಯೆರ್ಂದ್ ಪನ್ಪೆರ್. ಅಕುಲೆನ ವಾದ ಸಾರಾಂಶೊನು ವಾದ ಅತ್ತ್ಂಡ ತತ್ವೋದ್ಯೋತ ಗ್ರಂಥವಾದ್ ರಚನೆ ಮಲ್ತೆರ್ಂದ್ ತೆರಿದ್ ಬರ್ಪುಂಡು . ಅರ್ ಅವೆಡ್ದ್ ಬೊಕ್ಕ ಆಸ್ಥಾನ ಪಂಡಿತರಾಯಿನ ತ್ರಿವಿಕ್ರಮ ಪಂಡಿತೆರೆನ್ ೧೫ ದಿನೊ ಕಾಲ ವಾದ ಮಲ್ತ್‌ದ್ ಸೋಲ್ಪಾಯೆರ್ಂದ್ ಪನ್ಪೆರ್. ಅವೆಡ್ದ್ ಬೊಕ್ಕ ಮಧ್ವರ ಬ್ರಹ್ಮ ಸೂತ್ರೊಗು ಟೀಕೆನ್ ಬರೆಯೆರ್. ನಾಲ್ ಭಾಗೊಲಿಪ್ಪುನ ಉಂದೆನ್ ನಾಲ್ ಶಿಷ್ಯೆರೆಗ್ ಒಂಜೆ ಸರ್ತಿಡ್ ಮೆನೆಕೆಟ್ ಇಜ್ಜಾಂದೆ ಪಂಡ್‌ದ್ ಬರೆಪಾಯೆರ್ಂದ್ ಪನ್ಪೆರ್. ಅವ್ವೆ ಸಮಯೊಡು ನ್ಯಾಯವಿವಾರ್ಣವ ಪನ್ಪಿ ಗ್ರಂಥೊನು ರಚನೆ ಮಲ್ತ್‌ರ್ಂದ್ ಪನ್ಪೆರ್
• ಸುಮರು ೭೦ ವರ್ಷ ವಯಸ್ಸಾದ ಮಧ್ವೆರ್ ತನ್ನ ಸೋದರಗ್ ಸನ್ಯಾಸ ದೀಕ್ಷೆ ಕೊರ್ದು ಅರೆನ್ ಸೋದೆ ಮಠ ಬೊಕ್ಕ ಸುಬ್ರಹ್ಮಣ್ಯ ಮಠೊಗು ಅಧಿಪತಿಯಾದ್ ಮಲ್ತೆರ್

ಉಡುಪಿದ ಅಷ್ಟ ಮಠೊಕುಲು

ಉಂದೆ ಸಮಯಯೊಡು ಉಡುಪಿದ ಅಷ್ಟ ಮಠೊಕುಲೆಗ್ ತನ್ನ ಶಿಷ್ಯರೆಗ್ ದೀಕ್ಷೆ ಕೊರ್ದು ಮಠಾಧಿಪತಿ ಆದ್ ನೇಮಕ ಮಲ್ತೆರ್.

• ೧. ಹೃಷೀಕೇಶ ತೀರ್ಥ (ಫಲಿಮಾರು ಮಠ)
• ೨. ನರಸಿಂಹ ತೀರ್ಥ (ಆದಮಾರು ಮಠ)
• ೩. ಜನಾರ್ಧನ ತೀರ್ಥ (ಕೃಷ್ಣಾಪುರ ಮಠ)
• ೪. ಉಪೇಂದ್ರ ತೀರ್ಥ (ಪುತ್ತಿಗೆ ಮಠ)
• ೫. ವಾಮನ ತೀರ್ಥ (ಶಿರೂರು ಮಠ)
• ೬. ವಿಷ್ಣು ತೀರ್ಥ (ಸೋದೆ ಮಠ)
• ೭. ಶ್ರೀರಾಮ ತೀರ್ಥ (ಕಾಣಿಯೂರು ಮಠ)
• ೮. ಅಧೋಕ್ಷಜ ತೀರ್ಥ (ಪೇಜಾವರಮಠ)

ಮಧ್ವರೆನ ನನ ರಡ್ಡ್ ಪ್ರಸಿದ್ಧ ಶಿಷ್ಯೆರ್ - ೯. ಪದ್ಮನಾಭ ತೀರ್ಥ; ೧೦. ನರಹರಿತೀರ್ಥ.
ಬೊಕ್ಕ ಉಡುಪಿದ ಸುತ್ತ ಮುತ್ತ ಪೋದು ಉಜಿರೆದ ಬ್ರಾಣೆರೆನೊಟ್ಟುಗು ಚರ್ಚೆ ಮಲ್ತ್‌ದ್ ಪೂಜಾವಿಧಿಕ್ ಸಂಬಂಧಪಟ್ಟಿನಂಚಿನ ಕರ್ಮನಿಯಮ ರಚನೆ ಮಲ್ತೆರ್ ಇದು ಖಂಡಾರ್ಥ ನಿರ್ಣಯ ಪಂದ್ ಪುದರ್ ಪಡೆತ್ಂಡ್. ಬೊಕ್ಕ ಪರಂತಿಡುಪ್ಪುನ ಪಂಚಲಿಂಗೇಶ್ವರ ದೇವಾಲಯೊನು ಜೀರ್ಣೋದ್ಧಾರ ಮಲ್ತೆರ್.

ಮಧ್ವ ನವಮಿ

ತನ್ನ ೭೯ನೇ ಪ್ರಾಯೊಡು ಕಲಿ ೪೪೧೮ [ಕ್ರಿ.ಶ.೧೩೧೭]ಡ್ ಒರಿಯೆ ಬದರಿಕಾಶ್ರಮೊಗು ಪ್ರಯಾಣ ಮಲ್ತೆರ್. ಈ ದಿನೊನು ಮಧ್ವ ನವಮಿ ಪಂದ್ ಇತ್ತೆಲ ಆಚರಣೆ ಮಲ್ತೊಂದುಲ್ಲೆರ್.

• ಕಾಲಕ್ರಮೇಣ ಮೆರೆನ ತತ್ವವಾದ ಭಕ್ತಿ ಪಂಥೊಗು, ಹರಿದಾಸ ಪಂಥೊಗು ತಾದಿ ಮಲ್ತ್ ಕೊರ್ಂಡ್. ಸಂಗೀತದ ಪ್ರೋತ್ಸಾಹಗುಲ, ಕನ್ನಡೊಡು ದಾಸ ಪಂಥದ ಬುಳೆಚ್ಚಿಲ್‌ಗ್ ‍ಮೆರೆನ ದರ್ಶನ ಸ್ಪೂರ್ತಿಯಾಂಡ್. ಮೆರೆನ ಶಿಷ್ಯರಾಯಿನ ನರಹರಿ ತೀರ್ಥೆರ್ ಯಕ್ಷಗಾನ ಅಂಚನೆ ಕೂಚುಪುಡಿ ನೃತ್ಯ ಪ್ರಾಕಾರೊಲೆನ ಪಿರ ತಾಪನೆಗ್‌ಲ , ಬುಳೆಚ್ಚಿಲ್‌ಗ್ ಪ್ರೋತ್ಸಾಹ ಕೊರಿಯೆರ್.

ಕೃತಿಕುಲು

ಶ್ರೀ ಮಧ್ವಾಚಾರ್ಯೆರ್ ಮಸ್ತ್ ಕೃತಿಕ್‌ಲೆನ್ ಸಂಸ್ಕೃತೊಡು ಬರೆತೆರ್. ಅರೆನ ಗ್ರಂಥೊಲೆನ್ ಸರ್ವಮೂಲಗ್ರಂಥೊಲು ಪಂದ್ ಲೆಪ್ಪುವೆರ್. ಅವೆಟ್ ಇನಿಲ ತೂಯೆರೆ ತಿಕ್ಕುನಂಚಿನವು:

• ಗೀತಾಭಾಷ್ಯ
• ಗೀತಾತಾತ್ಪರ್ಯ
• ಬ್ರಹ್ಮಸೂತ್ರ ಭಾಷ್ಯ
• ಅನುವ್ಯಾಖ್ಯಾನ
• ನ್ಯಾಯವಿವರಣ
• ಅಣುಭಾಷ್ಯ
• ದಶೋಪನಿಷದ್ಭಾಷ್ಯೊಲು
• ಮಹಾಭಾರತತಾತ್ಪರ್ಯನಿರ್ಣಯ
• ಯಮಕಭಾರತ
• ದಶ ಪ್ರಕರಣೊಲು
• ತಂತ್ರಸಾರ ಸಂಗ್ರಹ
• ದ್ವಾದಶ ಸ್ತೋತ್ರ
• ಕೃಷ್ಣಾಮೃತಮಹಾರ್ಣವ
• ಸದಾಚಾರ ಸ್ಮೃತಿ
• ಜಯಂತೀ ನಿರ್ಣಯ
• ಪ್ರಣವ ಕಲ್ಪ
• ನ್ಯಾಸಪದ್ಧತಿ
• ತಿಥಿನಿರ್ಣಯ
• ಕಂದುಕಸ್ತುತಿ

ಶಿಷ್ಯರು

ಶ್ರೀ ಮಧ್ವಾಚಾರ್ಯೆರೆಗ್ ಶಿಷ್ಯವರ್ಗ ಅಪಾರವಾದಿತ್ತ್ಂಡ್. ಅವೆಟ್ ಪ್ರಮುಖರಾಯಿನ ಕೆಲವೆರ್ ಪಂಡ

• ಶ್ರೀ ಪದ್ಮನಾಭ ತೀರ್ಥರು
• ಶ್ರೀ ಸತ್ಯತೀರ್ಥರು
• ಉಡುಪಿದ ಅಷ್ಟಮಠೊಕುಲೆನ ಮೂಲಯತಿಕುಲು
• ಶಂಕರ ಪಂಡಿತಾಚಾರ್ಯ
• ತ್ರಿವಿಕ್ರಮ ಪಂಡಿತಾಚಾರ್ಯ
• ಜಯಸಿಂಹ ರಾಜ
• ನಾರಾಯಣಾಚಾರ್ಯ
• ಮಾಧವ ತೀರ್ಥರ್
• ಅಕ್ಷೋಭ್ಯ ತೀರ್ಥರ್

ಪ್ರಚಾರ

ಇಡಿ ಭಾರತೊಡು ದ್ವೈತಮತೊನು ಪ್ರಚಾರ ಮಲ್ತೆರ್. ರಡ್ಡ್ ಸರ್ತಿ ಬದರಿ ಯಾತ್ರೆ ಮಲ್ತ್‌ದ್ ವೇದವ್ಯಾಸ ರೂಪಿಯಾಯಿನ ಪರಮಾತ್ಮನ್ ತೂದು ,ಪರಮಾತ್ಮಡ್ದ್ ವೇದೊನು ಕಲ್ತ್‌ದ್ ಉಡುಪಿಗ್ ಪಿರ ಬತ್ತೆರ್. ಮಧ್ವಾಚಾರ್ಯೆರ್ ಒರ್ಂಬ ಜನೊಕುಲೆಗ್ ಸನ್ಯಾಸಿ ದೀಕ್ಷೆನ್ ಕೊರಿಯೆರ್ . ಕೃಷ್ಣ ಮಠೊಡು ಕೃಷ್ಣ ವಿಗ್ರಹೊನು ತಾಪನೆ ಮಲ್ತೆರ್. ಶ್ರೀ ಕೃಷ್ಣೆ ತನ್ನ ಮಾಮನ ಇಲ್ಲಾದಿತ್ತಿನ ಸಮುದ್ರೊಡ್ದು ಅಚಾರ್ಯೆರೆಗ್ ಗೊಪಿಯ ಉಂಡೆದುಲಯಿ ಕುಲ್ಲ್‌ದ್ ತಿಕ್ಕಿಯೆರ್