மனித அணுமாற்று நுரையீரல் வைரசு
மனித அணுமாற்று நுரையீரல் வைரசு அல்லது மனித மெட்டாநியுமோ வைரசு (ஆங்கிலத்தில் Human metapneumovirus அல்லது HMPV அல்லது hMPV) என்பது சுவாச நோய்களை ஏற்படுத்தும் ஒரு தீநுண்மி ஆகும். இது குறிப்பாக குழந்தைகள், முதியவர்கள், நோய் எதிர்ப்பு சக்தி குறைவாக உள்ளவர்களில் சுவாச நோய்த்தொற்றுகளை ஏற்படுத்தும். பொதுவாக 6-12 மாத குழந்தைகள் இந்த தீநுண்மியினால் அதிகம் பாதிக்கப்படுகின்றனர். இது சுவாசக்குழாய் அழற்சி, நுரையீரல் அழற்சி, மூச்சுக்குழாய் அழற்சி போன்ற பல்வேறு சுவாச நோய்களை ஏற்படுத்தும்.
வரலாறு
[தொகு]இது 2001ஆம் ஆண்டில் நெதர்லாந்தில் முதன்முதலில் கண்டுபிடிக்கப்பட்டது.[1][2][3][4] பல ஆண்டுகளாக மனிதர்களை பாதித்து வந்த இந்த தீநுண்மி, இதன் முறையான கண்டுபிடிப்பிற்கு முன்பே ஐம்பது ஆண்டுகளுக்கு மேலாக இருந்தது என்று ஆராய்ச்சியாளர்கள் தெரிவிக்கின்றனர்.[1][2][5] இடச்சு ஆய்வாளர்கள் குழந்தைகளின் சுவாச நோய்களை ஆராய்ந்த போது இந்த தீநுண்மியைக் கண்டறிந்தனர். இது பாரமிக்சோவிரிடே குடும்பத்தைச் சேர்ந்த தீநுண்மி ஆகும். இதே குடும்பத்தைச் சேர்ந்த மனித சுவாசநுண்குழல் அழற்சி வைரசுடன் இது நெருங்கிய தொடர்பு கொண்டுள்ளது.[6]
நோய் பரவும் விதம்
[தொகு]இந்த திநுண்மி முக்கியமாக சுவாச துளிகள் மூலம் பரவுகிறது. நோய் தொற்று உள்ள நபர் இருமும் போதோ அல்லது தும்மும் போதோ வெளியேறும் நுண்துளிகள் மூலம் மற்றவர்களுக்கு இந்நோய்ப் பரவுகிறது. மாசுபட்ட மேற்பரப்புகளை தொட்டு பின் முகத்தை தொடுவதன் மூலமும் இந்த தீநுண்மி பரவக்கூடும்.[7]
நோய் அறிகுறிகள்
[தொகு]இந்த தீநுண்மி தொற்று ஏற்பட்ட 3-7 நாட்களுக்குள் நோய் அறிகுறிகள் தோன்றத் தொடங்கும். பொதுவான அறிகுறிகளில் மூக்கு ஒழுகுதல், இருமல், தொண்டை வலி, காய்ச்சல் ஆகியவை அடங்கும். சில நேரங்களில் மூச்சு விடுவதில் சிரமம் ஏற்படலாம். பெரும்பாலான நேரங்களில் லேசான சளி காய்ச்சல் போன்ற அறிகுறிகளுடன் நோய் சரியாகிவிடும்.
பாதிக்கப்படக்கூடிய குழுக்கள்
[தொகு]குழந்தைகள், முதியவர்கள், நோய் எதிர்ப்பு சக்தி குறைந்தவர்கள் இந்த தீநுண்மி அதிகம் பாதிக்கப்படக்கூடியவர்கள். குறிப்பாக ஐந்து வயதிற்குட்பட்ட குழந்தைகளில் இந்த நோய்த்தொற்று அதிகம் காணப்படுகிறது.
நோய் கண்டறிதல்
[தொகு]மருத்துவர்கள் நோயாளியின் அறிகுறிகளை ஆய்வு செய்து, மூக்கு அல்லது தொண்டையில் இருந்து எடுக்கப்படும் மாதிரிகளை பரிசோதனை செய்வதன் மூலம் இந்த தீநுண்மி தொற்றை கண்டறிகின்றனர்.
சிகிச்சை முறைகள்
[தொகு]பொதுவாக அறிகுறிகளை குறைக்கும் வகையில் சிகிச்சை அளிக்கப்படுகிறது.[8] போதுமான ஓய்வு, அதிக அளவு நீர் மற்றும் திரவங்களை உட்கொள்ளுதல், காய்ச்சலை கட்டுப்படுத்தும் மருந்துகள் ஆகியவை அடங்கும். கடுமையான நோயாளிகளுக்கு மருத்துவமனையில் சிகிச்சை தேவைப்படலாம்.
தடுப்பு முறைகள்
[தொகு]அடிக்கடி சோப்பு மற்றும் தண்ணீர் கொண்டு கை கழுவுதல், நெரிசலான இடங்களில் முகக்கவசம் அணிதல், நோயாளிகளுடன் நெருங்கிய தொடர்பை தவிர்த்தல் போன்ற அடிப்படை சுகாதார நடைமுறைகளை பின்பற்றுவதன் மூலம் இந்த தீநுண்மி தொற்றை தடுக்க முடியும்.[9]
ஆராய்ச்சி மற்றும் எதிர்காலம்
[தொகு]தற்போது இந்த தீநுண்மிக்கு எதிரான தடுப்பூசி இல்லை. ஆனால் உலகெங்கிலும் உள்ள ஆராய்ச்சியாளர்கள் தடுப்பூசி மற்றும் சிறந்த சிகிச்சை முறைகளை உருவாக்க ஆராய்ச்சியில் ஈடுபட்டுள்ளனர்.
மேற்கோள்கள்
[தொகு]- ↑ 1.0 1.1 Kahn, Jeffrey S. (July 2006). "Epidemiology of Human Metapneumovirus". Clinical Microbiology Reviews 19 (3): 546–557. doi:10.1128/cmr.00014-06. பப்மெட்:16847085.
- ↑ 2.0 2.1 "Human Metapneumovirus". Centers for Disease Control and Prevention. 13 April 2023.
- ↑ "Human Metapneumovirus (HMPV): Causes & Treatment". Cleveland Clinic.
- ↑ Schildgen, Verena; Van Den Hoogen, Bernadette; Fouchier, Ron; Tripp, Ralph A.; Alvarez, Rene; Manoha, Catherine; Williams, John; Schildgen, Oliver (Oct 2011). "Human Metapneumovirus: Lessons Learned over the First Decade". Clinical Microbiology Reviews 24 (4): 734–754. doi:10.1128/cmr.00015-11. பப்மெட்:21976607.
- ↑ Uddin, Sanaa; Thomas, Meagan (July 18, 2022). "Human Metapneumovirus". StatPearls [Internet]. பப்மெட்:32809745. https://www.ncbi.nlm.nih.gov/books/NBK560910/.
- ↑ van den Hoogen, Bernadette G.; Bestebroer, Theo M.; Osterhaus, Albert D. M. E.; Fouchier, Ron A. M. (2002-03-30). "Analysis of the genomic sequence of a human metapneumovirus". Virology 295 (1): 119–132. doi:10.1006/viro.2001.1355. பன்னாட்டுத் தர தொடர் எண்:0042-6822. பப்மெட்:12033771. http://repub.eur.nl/pub/3864.
- ↑ "Human Metapneumovirus (hMPV)". Centers for Disease Control and Prevention. பார்க்கப்பட்ட நாள் 2023-12-07.
- ↑ "Treatment options for hMPV". Pulmonary Medicine. 2023. https://pubmed.ncbi.nlm.nih.gov/34323488/.
- ↑ Boonacker, Tom (2020). "Overview of human metapneumovirus". Journal of Infectious Diseases 35: 18-23. doi:10.1093/infdis/jiz568.