நசீம் பானு
நசீம் பானு | |
---|---|
![]() புக்கார் திரைப்படத்தில் 1939 | |
பிறப்பு | ரோஷன் அரா பேகம் 4 சூலை 1916 தில்லி, பிரித்தானிய இந்தியா |
இறப்பு | 18 சூன் 2002 மும்பை, மகாராட்டிரம், இந்தியா | (அகவை 85)
பணி | நடிகை |
செயற்பாட்டுக் காலம் | 1935–1957 |
குறிப்பிடத்தக்க படைப்புகள் | புக்கார் 1939 |
வாழ்க்கைத் துணை | எஹ்சன்-உல்-ஹக் |
பிள்ளைகள் | சாய்ரா பானு (மகள்) சுல்தான் அகமது (மகன்) |
நசீம் பானு (Naseem Banu) (பிறப்பு: 1916 சூ 4 - 2013; இறப்பு: 2002 சூன் 18 ) இவர் ஓர் இந்திய திரைப்பட நடிகையாவார். இவர் நசீம் என்றும், "பியூட்டி குயின்" என்றும், இந்தியத் திரைப்படயுலகின் "முதல் பெண் உச்சநட்சத்திரம்" என்றும் அழைக்கப்பட்டார். 1930களின் நடுப்பகுதியில் தனது நடிப்பு வாழ்க்கையைத் தொடங்கிய இவர் 1950களின் நடுப்பகுதி வரை தொடர்ந்து நடித்திருந்தார். இவரது முதல் படம் சோன்ராப் மோடியுடன் கூன் கா கூன் (ஹேம்லெட்) (1935), அதன் மினெர்வா மூவிடோன் பேனரின் கீழ் இவர் பல ஆண்டுகளாக நடித்து வந்தார். மோடியின் புக்கார் (1939) படத்துடன் இவரது நடிப்பு உச்சத்தை வந்தது. அதில் இவர் பேரரசி நூர் ஜஹான் வேடத்தில் நடித்திருந்தார்.[1] இவர் பிரபல நடிகை சாய்ரா பானுவின் தாயும், பிரபல நடிகர் திலீப் குமாருக்கு மாமியாரும் ஆவார்.
ஆரம்ப ஆண்டுகளில்
[தொகு]நசீம் பானு இந்தியாவின் பழைய தில்லியில் ரோஷன் அரா பேகம் என்ற பெயரில் கலைஞர்கள் மற்றும் பொழுதுபோக்கு கலைஞர்களின் சமூகத்தில் பிறந்தார். இவரது தாயார், சாமியன் பாய் என்றும் அழைக்கப்படும் ஷம்ஷாத் பேகம்.[2] அந்த நாட்களில் பிரபலமான மற்றும் நன்கு சம்பாதித்த பாடகர் ஆவார். பல வருடங்கள் கழித்து, நசீம் வெற்றி பெற்ற நடிகையாக இருந்தபோது, ₹ 3500 சம்பளம் சம்பாதித்தபோது, தனது தாயார், அந்த நேரத்தில் தனது வயதான காலத்தில் கூட, தன்னை விட அதிகமாக சம்பாதித்தார் என்று கூறினார்.[3] நசீமின் தந்தை ஒரு செல்வந்தர். நிலம் வைத்திருந்த, பிரபுத்துவ குடும்பத்தின் தலைவராக இருந்தார். அரச பரம்பரையிலிருந்து வந்தவர். அவர் ஹசன்பூரைச் சேர்ந்த நவாப் அப்துல் வாகீத் கான் ஆவார்.
அப்போது ரோஷன் அரா பேகம் என்று பெயரிடப்பட்ட நசீம், தில்லியின் குயின் மேரி உயர்நிலைப்பள்ளியில் படித்தார். இவரது தாயார் ஷம்ஷாத் பேகம் இவர் ஒரு மருத்துவராக வேண்டும் என்று விரும்பினார்.[4] நசீம் படங்களில் ஆர்வமாக இருந்தார். மேலும் நடிகை சுலோச்சனாவின் படத்தைப் பார்த்ததிலிருந்தே அவரால் ( ரூபி மியர்சு ) ஈர்க்கப்பட்டார். ஆனால் அவரது தாயார் இவரது திரைப்பட யோசனைக்கு எதிரானவராக இருந்தார். மும்பைச் சென்றபோது, படப்பிடிப்புகளைப் பார்க்க நசீம் ஆர்வம் காட்டினார். மேலும் ஒரு படப்பிடிப்பு அரங்கத்தில் சோஹ்ராப் மோடியால் அவரது ஹேம்லெட் படத்தில் ஓபிலியாவாக நடிக்க அணுகப்பட்டார். இவரது தாயார் இதற்கு அனுமதி மறுத்துவிட்டார். இவரது தாயார் ஒப்புக்கொள்ளும் வரை நசீம் உண்ணாவிரதம் இருந்தார். பாத்திரத்தில் நடித்ததால், படங்களில் நடித்ததைக் கண்டு இவர் படித்த பள்ளி அதிர்ச்சியடைந்தது. அந்தக் காலத்தில் நடிப்பு ஒரு தாழ்ந்த தொழிலாகக் கருதப்பட்டதால், நசீம் தனது கல்வியைத் தொடர முடியவில்லை.[5]
தொழில்
[தொகு]நசீம் மும்பைக்குத் திரும்பி சோஹ்ராப் மோடியின் கூன் கா கூன் (ஹேம்லெட்) (1935) படத்துடன் தனது திரை வாழ்க்கையைத் தொடங்கினார். மேலும் மினெர்வா மூவிடோன் பதாகையின் கீழ் மோடியுடன் பல படங்களைத் தயாரித்தார். "கான் பகதூர்" (1937), தலாக் (விவாகரத்து) (1938), மீதா ஜஹார் மற்றும் வசந்தி (1938) போன்ற படங்களில் நடித்த பிறகு, நூர் ஜஹான் கதாபாத்திரத்தில் தனது மிகவும் பிரபலமான படமான புக்கார் என்றப் படத்தில் நடிக்கத் தொடங்கினார். படத்திற்குத் தயாராவதற்காக இவர் தினமும் சவாரி செய்து பாடுவதைக் கற்றுக்கொண்டார். படம் முடிவடைய ஒரு வருடம் ஆனது. மேலும், நசீமை ஒரு அற்புதமான முறையில் பிரபலப்படுத்தியது.[6] இவரது பாடல்களில் ஒன்று, "ஜிந்தகி கா சாஸ் பி க்யா சாஸ் ஹை" பார்வையாளர்களிடையே பிரபலமானது. இந்த படத்தின் விளம்பரம் இவரது அழகுக்காக இவரது "அழகு ராணி" மற்றும் "பரி செஹ்ரா" என்று அழைக்கப்பட்டார். இந்தப் பெயர் இவரது மகள் சாயிரா பானுவுக்கு செல்வதற்கு முன்பு பல ஆண்டுகளாக தாங்கக்கூடிய ஒரு பெயராக இருந்தது.
![](http://upload.wikimedia.org/wikipedia/commons/thumb/b/b9/Portrait_Naseem_Banu.jpg/220px-Portrait_Naseem_Banu.jpg)
தனிப்பட்ட வாழ்க்கை
[தொகு]நசீம் தனது குழந்தை பருவ நண்பரான ஒரு கட்டிடக் கலைஞரான மியான் எஹ்சன்-உல்-ஹக்கை மணந்தார். அவருடன் தாஜ்மஹால் பிக்சர்ஸ் என்ற திரைப்படத் தயாரிப்பு நிறுவனத்தைத் தொடங்கினார். இவர்களுக்கு இரண்டு குழந்தைகள், ஒரு மகள் சாய்ரா பானு [7] மற்றும் ஒரு மகன், மறைந்த சுல்தான் அகமது (1939 - 2016). நசீமின் கணவர் இந்தியப் பிரிவினையைத் தொடர்ந்து இந்தியாவை விட்டு பாக்கித்தானில் குடியேற விரும்பினார். நசீம் தனது குழந்தைகளுடன் இந்தியாவிலே தங்கியிருந்தார். பாக்கித்தானில் படங்களை வெளியிடும் பொறுப்பை எஹ்சன் எடுத்துக் கொண்டார். நசீம் இங்கிலாந்துக்குச் சென்று, தனது மகன் மற்றும் மகள் இருவரும் சிறிது காலம் அங்கேயே தங்கியிருந்தார்.
இறப்பு
[தொகு]நசீம் 2002 சூ ன் 18 அன்று மும்பையில் தனது 85ஆவது வயதில் இறந்தார்.[8]
குறிப்புகள்
[தொகு]- ↑ Khubchandani, Lata. "They called her Pari Chehra Naseem". rediff.com. Rediff.com. பார்க்கப்பட்ட நாள் 10 October 2014.
- ↑ "Naseem Banu". StreeShakti. பார்க்கப்பட்ட நாள் 10 October 2014.
- ↑ "Naseem Banu Stardust interview from 1971". Cineplot. பார்க்கப்பட்ட நாள் 10 October 2014.
- ↑ Patel, Sushila Rani Baburao (1952). Stars of the Indian Screen. India: Parker &Sons Limited. p. 15.
- ↑ Pandya, Haresh (4 September 2002). "Naseem Banu First female superstar of Indian Cinema". Guardian News and Media Limited.
- ↑ Malik, Saeed. "Naseem Bano". cineplot.com. Cineplot.com. பார்க்கப்பட்ட நாள் 10 October 2014.
- ↑ However, according to some sources, Saira Banu was the love-child of Naseem and her lover Nawab Sir Liaqat Hayat Khan, former Prime Minister of Patiala State
- ↑ Pandya, Haresh (4 September 2002). "Naseem Banu First female superstar of Indian Cinema". The Guardian. Guardian News and Media Limited. https://www.theguardian.com/news/2002/sep/04/guardianobituaries.filmnews. பார்த்த நாள்: 10 October 2014.