டெட்பூல் & வால்வரின்
டெட்பூல் & வால்வரின் | |
---|---|
![]() | |
இயக்கம் | சவுன் அடம் இலெவி |
தயாரிப்பு |
|
கதை |
|
இசை | ராப் சைமன்சன் |
நடிப்பு |
|
ஒளிப்பதிவு | ஜார்ஜ் ரிச்மண்ட் |
படத்தொகுப்பு | ஷேன் ரெய்டு |
கலையகம் |
|
விநியோகம் | வால்ட் டிஸ்னி ஸ்டுடியோஸ் மோஷன் பிக்சர்ஸ் |
வெளியீடு | சூலை 26, 2024 |
நாடு | ஐக்கிய அமெரிக்கா |
மொழி | ஆங்கிலம் |
ஆக்கச்செலவு | $200 மில்லியன் |
டெட்பூல் & வால்வரின் (ஆங்கில மொழி: Deadpool 3) என்பது 2024 ஆம் ஆண்டு திரைக்கு வந்த அமெரிக்க நாட்டு மீநாயகன் திரைப்படம் ஆகும். இது மார்வெல் வரைகதையில் தோன்றும் டெட்பூல் என்ற கதாபாத்திரத்தை மையமாக வைத்து மார்வெல் ஸ்டுடியோஸ் மற்றும் மாக்ஸிமும் எபர்ட் ஆகிய நிறுவங்கள் இணைந்து தயாரிக்க, வால்ட் டிஸ்னி ஸ்டுடியோஸ் மோஷன் பிக்சர்ஸ் என்ற நிறுவனம் விநியோகம் செய்கிறது. இது மார்வல் திரைப் பிரபஞ்சத்தின் முப்பத்தி நான்காவது திரைப்படமும், டெட்பூல் (2016) மற்றும் டெட்பூல் 2 (2018) ஆகியவற்றின் தொடர்ச்சியாகவும்.
இந்த படத்தை ரெட் ரீஸ், பால் வெர்னிக்கு, ஜெப் வெல்சு, ரையன் ரெனால்ட்சு மற்றும் சவுன் அடம் இலெவி ஆகியோரின் எழுத்தில், ஷாவன் லெவி என்பவர் இயக்குகிறார். இந்த படத்தில் ரையன் ரெனால்ட்சு, ஹியூ ஜேக்மன். மொரேனா பாக்கரின், பிரியானா ஹில்டெப்ராண்ட் மற்றும் ஜெனிபர் கார்னர் ஆகியோர் நடித்துள்ளார்கள். நடிகர் ஜாக்மேன் ஆகஸ்ட் 2022 இல் எக்ஸ்-மென் படங்களில் இருந்து வால்வரின் பாத்திரத்தை மீண்டும் நடிக்க முடிவு செய்தார், அதைத் தொடர்ந்து 2023 இன் தொடக்கத்தில் கூடுதல் நடிகர்கள் தேர்வு நடந்தது.
டெட்பூல் & வால்வரின் மார்வெல் திரைப் பிரபஞ்சத்தின் ஐந்தாம் கட்டத்தில் ஒரு பகுதியாக ஜூலை 26, 2024 அன்று அமெரிக்கா மற்றும் உலகளவில் வெளியாகி பொதுவாக விமர்சகர்களிடமிருந்து நேர்மறையான விமர்சனங்களைப் பெற்றது.
நடிகர்கள்
[தொகு]- ரையன் ரெனால்ட்சு - டெட்பூல் / வேட் வில்சன்
- ஒரு புத்திசாலித்தனமான நகைச்சுவையான கூலிப்படை, விரைவாக குணமடையும் உடலமைப்பு கொண்டுள்ளார் அத்துடன் வாழ் வீச்சில் மிகவும் தேர்ச்சிபெற்றுள்ளார். இவர் முன்பு புற்றுநோய்க்கு சிகிச்சையளிப்பதற்கான பரிசோதனை மீளுருவாக்கம் மாற்றத்தை மேற்கொண்ட பிறகு, அவரது உடலில் கடுமையான வடுக்கள் மற்றும் உடல் முழுவதும் எரித்து காணப்படும்.
- ஹியூ ஜேக்மன் - வால்வரின்
- விலங்கினத்திற்குரிய நுட்பமான உணர்ச்சிகளும், அதீதமான மாமிச உடல் திறமைகளும், விரல் நடுவில் இருந்து வரக்கூடிய கூர்மையான கத்தி, மிக விரைவாகக் குணப்படுத்திக் கொள்ளும் ஆற்றல் கொண்டவர்.
- எம்மா கொரின் - கசாண்ட்ரா நோவா
- மனதை அறியக்கூடிய மற்றும் கட்டுப்படுத்தும் சக்திகள் கொண்ட வெற்றிடத்தில் உள்ள ஒரு விகாரி, பிற உலகில் சார்லஸ் சேவியரின் இரட்டை சகோதரி.
- மொரேனா பாக்கரின் - வனேசா: வில்சனின் வருங்கால மனைவி
- ராப் டிலானி - பீட்டர் விஸ்டம்
- வில்சனுடன் ஒரு கார் விற்பனையாளர் மற்றும் வில்சனின் எக்சு-போர்சு குழுவின் ஒரு உறுப்பினர்.
- லெஸ்லி உக்காம்சு - பிளிட் ஐ
- வில்சனின் பார்வையற்ற வயதான அறை தோழி.
- ஆரோன் ஸ்டான்போர்ட் - ஜான் அலர்டைஸ் / பைரோ
- வெற்றிடத்தில் உள்ள ஒரு விகாரி, நெருப்பைக் கையாளும் திறனுடன் நோவாவுக்கு கீழ் வேலை செய்கிறார்.
- மத்தேயு மக்பேடியன் - மிஸ்டர். பர்டோஸ்
- டைம் வேரியன்ஸ் அத்தாரிட்டி (டிவிஏ) ஏஜென்ட், எர்த்-10005 இன் மரணத்தை விரைவுபடுத்தும் திட்டத்தை மேற்பார்வையிடும் "டைம் ரிப்பர்" என்ற இயந்திரம், இது காலக்கெடுவைக் கொல்லும். டி.வி.ஏ.வின் தலைவராவதற்கு இதன் மூலம் தன்னை நிரூபிப்பிக்க விரும்புகின்றார்.
- பிரியானா ஹில்டெப்ராண்ட் - நெகாசோனிக் டீனேஜ் வார்ஹெட்
- எக்ஸ்-மென் குழுவின் உறுப்பினர் தனது உடலில் இருந்து அணு வெடிப்புகளை வெடிக்கச் செய்யும்சக்தி கொண்டுள்ளார்.
- ஜெனிபர் கார்னர் - எலெக்ட்ரா
- கிரேக்க வம்சாவளியைச் சேர்ந்த ஒரு கொலையாளி, அவர் ஒரு ஜோடி திரிசூலம் போன்ற கூர்மையான கத்தியை பயன்படுத்துகிறார்.
உருவாக்கம்
[தொகு]இந்த டெட்பூல் திரைப்படத்தின் மூன்றாவது உருவாக்கம் நவம்பர் 2016 இல் 20ஆம் சென்சுரி பாக்ஸ் நிறுவனத்தால் தொடங்கியது, ஆனால் மார்ச் 2019 இல் இசுடியோவை டிஸ்னி கையகப்படுத்திய பிறகு நிறுத்தி வைக்கப்பட்டது. பின்னர் கதாபாத்திரத்தின் கட்டுப்பாடு மார்வெல் ஸ்டுடியோசுக்கு மாற்றப்பட்டது, இதனால் நடிகர் ரையன் ரெனால்ட்சுடன் ஒரு புதிய படத்தை உருவாக்க வழிவகுத்தது. மேலும் இது டெட்பூலை மார்வல் திரைப் பிரபஞ்சத்துடன் ஒருங்கிணைக்கிறது மற்றும் முந்தைய படங்களின் ஆர்-மதிப்பீட்டைத் தக்கவைத்துக்கொள்ளும் என்று எதிர்பார்க்கப்படுகிறது, அத்துடன் ஆர்-மதிப்பீட்டை பெற்ற முதல் மார்வல் திரைப் பிரபஞ்சத் திரைப்படம் இது என்பது குறிப்பிடத்தக்கது.
இயக்குனர் சவுன் அடம் இலெவி என்பவர் 2022 ஆம் ஆண்டு மார்ச் மாதம் இப்படத்தை இயக்குவதாகத் தெரியவந்துள்ளது, இதற்கு முன்பு பிரீ காய் மற்றும் தி ஆடம் ப்ராஜெக்ட் (2022) ஆகிய படங்களில் நடிகர் ரையன் ரெனால்ட்சுடன் இணைந்து பணிபுரிந்துள்ளார்.
நடிகர்களின் தேர்வு
[தொகு]பல ஆண்டுகளாக வால்வரின் பதவியில் இருந்து ஓய்வு பெறுவதற்கான தனது முடிவில் திருப்தியடைந்த ஹியூ ஜேக்மன், ஆகஸ்ட் 2022-ன் நடுப்பகுதியில் மனம் மாறினார், மேலும் நடிகர் ரையன் ரெனால்ட்சுடன் இணைந்து படம் எடுப்பது மிகவும் வேடிக்கையாக இருக்கும் என்று கூறினார். இவர் இந்த படத்தில் நடிப்பது செப்டம்பரில் உறுதிசெய்யப்பட்டது.
நடிகை ஜெனிபர் கார்னர் என்பவர், டேர்டெவில் (2003) மற்றும் எலெக்ட்ரா (2005) ஆகிய படங்களில் இருந்து 'எலெக்ட்ரா' என்ற தனது பாத்திரத்தில் மீண்டும் நடிக்க தேர்வு செய்யப்பட்டுள்ளார். முந்தைய டெட்பூல் படங்களில் இருந்து வில்சனின் பார்வையற்ற முதியோர் மற்றும் அறை தோழியாக நடித்த நடிகை லெஸ்லி உக்காம்ஸ் மற்றும் வில்சனின் உண்மையான ஓட்டுநராக பணியாற்றும் வில்சனின் அபிமானி மற்றும் டாக்சி ஓட்டுநரான டோபிண்டராக நடிகர் கரண் சோனி என்பவரும் நடித்துள்ளார்.
படப்பிடிப்பு
[தொகு]மே மாதம் லண்டன் மற்றும் இங்கிலாந்தின் பக்கிங்ஹாம்ஷையரில் உள்ள பைன்வுட் ஸ்டுடியோவில் நார்போக்கில் கூடுதல் படப்பிடிப்புடன் படப்பிடிப்பு தொடங்கியது. ஆனால் 2023 எழுத்தாளர்கள் வேலைநிறுத்தம் காரணமாக இது ஜூலையில் இடைநிறுத்தப்பட்டது, மேலும் வேலைநிறுத்தம் முடிவடைந்ததைத் தொடர்ந்து நவம்பர் இறுதியில் மீண்டும் படப்பிடிப்பு தொடங்கியது.
இசை
[தொகு]இந்த படத்திற்கு இசையமைப்பாளர் ராப் சைமன்சன் என்பவர் ஸ்ட்ரேஞ்சர் திங்க்ஸ் தொடரின் நான்காவது பருவத்தில் ஷான் லெவியுடன் பணிபுரிந்த பிறகு, படத்தின் இசையமைப்பாளராக ஜூலை 2023 நடுப்பகுதியில் பணியமர்த்தப்பட்டார்.[1]
வெளியீடு
[தொகு]இந்த படத்தின் வெளியிட்டு திகதி 2024 ஆம் ஆண்டில் செப்டம்பர் 6, நவம்பர் 8, பின்னர் மே 3 போன்று பலமுறை மாற்றப்பட்டு,[2][3] பின்னர் ஜூலை 26, 2024 அன்று அமெரிக்காவில் வெளியானது.[4] இது மார்வெல் திரைப் பிரபஞ்சத்தின் ஐந்தாம் கட்டத்தில் ஒரு பகுதியாகும்.
மேற்கோள்கள்
[தொகு]- ↑ "Rob Simonsen to Score Shawn Levy's 'Deadpool 3'". Film Music Reporter. July 10, 2023. Archived from the original on July 10, 2023. பார்க்கப்பட்ட நாள் July 10, 2023.
- ↑ D'Alessandro, Anthony (September 27, 2022). "Hugh Jackman Returning As Wolverine In 'Deadpool 3', Pic Sets Fall 2024 Release". Deadline Hollywood. Archived from the original on September 27, 2022. பார்க்கப்பட்ட நாள் September 27, 2022.
- ↑ Couch, Aaron (October 11, 2022). "Marvel Shifts Dates for 'Avengers: Secret Wars,' 'Deadpool 3', 'Fantastic Four' and 'Blade'". The Hollywood Reporter. Archived from the original on October 11, 2022. பார்க்கப்பட்ட நாள் October 11, 2022.
- ↑ D'Alessandro, Anthony (November 9, 2023). "Marvel's 'Deadpool 3' Moves To July 2024 & 'Captain America: Brave New World' To 2025 As Disney Shakes Up Schedule Due To Actors Strike". Deadline Hollywood. Archived from the original on November 10, 2023. பார்க்கப்பட்ட நாள் November 9, 2023.