Kōmputrowy szpil
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
![](http://upload.wikimedia.org/wikipedia/commons/thumb/b/b0/Atari_Pong_arcade_game_cabinet.jpg/220px-Atari_Pong_arcade_game_cabinet.jpg)
Kōmputrowy szpil (szpil wideo[1], ang. video game) – zorta kōmputrowego softwaru przeznaczōnego do cwekōw szpasowych bydź edukacyjnych (interaktywny szpas) a wymŏgajōncego ôd używŏcza (grŏcza) rozwiōnzowaniŏ auftragōw (bp. logicznych abo zręcznościowych). Szpile kōmputrowe mogōm być sztartowane na ôsobistych kōmputrach, autōmatach, kōnsolach do szpilu, telewizōrach, mobilniokach a inkszych mobilnych maszinach, nazywanych cuzamyn sprzyntowymi platformami. Auftragi stawiane przed grŏczym we szpilach kōmputrowych rōżniōm sie we znŏleżności ôd zorty a mogōm polygać na przikłŏd na rozwiōnzaniu auftragu logicznego, eliminacyji wirtualnych ôpacznikōw eli tyż rywalizacyje ze sztucznõ inteligyncyjōm bydź inkszymi grŏczami (wieloôsobowy szpil). Interaktywny szpas w cylach fachowych nosi miano elektrōnicznego szportu (ang. esports).
Historyjŏ
[edytuj | edytuj zdrzōdło]Kōmputrowe szpile wywodzōm sie ze planszowych, kamrackich, fabularnych szpilōw jak tyż roztōmajtych szportowych dyscyplin. Zaczōntki elektrōnicznego softwaru przeznaczōnego do cwekōw szpasu wiōnzać przinŏleży ze prototypami kōnstruowanymi na amerykōńskich uczelniach. Kōmputrowe szpile stały sie produktym masowym za sprawōm hyrskości telewizyjnych kōnsolōw a autōmatōw we latach 70. XX stoleciŏ. Społym ze postympujōncõ miniaturyzacyjōm platform jak tyż nastōniym przenośnych maszin do graniŏ, zyskiwały ône corŏz srogszõ hyrskość. Specjalistyczne podszukowaniŏ tykajōnce szpilōw (ludologia) skazujōm na znaczōncy jejich wpływ na psychikã grŏcza – tak pozytywny, jak i negatywny. Kontrowersje tykajōm tyż klasyfikowaniŏ interaktywnego szpasu za dōmyny kōnsztu.
Zorty
[edytuj | edytuj zdrzōdło]![](http://upload.wikimedia.org/wikipedia/commons/thumb/9/96/Retribution_Engine_Screenshot_120807.jpg/220px-Retribution_Engine_Screenshot_120807.jpg)
Wyrōżniōmy mocka zort kōmputrowych szpilōw, miyndzy inkszymi:
- grajfkowe
- symulatōry
- wyścigowe
- logiczne
- RPG
- turowŏ strategijŏ
- strategijŏ realnegŏ czasu
- stawiyaniyŏ miastã
- wizualny rōman
- FPS
Przipisy
- ↑ Ôba ôkryślyniŏ interaktywnego szpasu, „szpil wideo” a „kōmputrowy szpil”, sōm pasowane zamiennie we naukowyj terminologiji.