Delaware

Sehemu ya Jimbo la Delaware

Delaware
Bendera Nembo
Nchi	Marekani
Mji mkuu	Dover
Eneo
- Jumla	6,447 km²
- Kavu	5,060 km²
- Maji	1,387 km²
Tovuti:  http://delaware.gov/

Ramani ya Delaware

Delaware ni jimbo la kujitawala la Maungano ya Madola ya Amerika au Marekani. Iko kwenye pwani ya Atlantiki upande wa mashariki wa Marekani bara. Imepakana na majimbo ya Pennsylvania, Maryland na kwa kilomita chache pia na New Jersey.

Mji mkuu ni Dover lakini mji mkubwa ni Wilmington.

Jina la jimbo linatokana na mto Delaware na hori ya Delaware ambavyo vyote viliitwa kwa heshima ya kabaila Mwingereza De La Warr mnamo mwaka 1600.

Delaware ni jimbo dogo lenye eneo la km² 6,452 na wakazi 783,600 pekee. Kati ya majimbo ya Marekani ni jimbo lenye mapato ya juu kwa kila raia. Sheria zake za kodi ya mapato ni nafuu, hivyo makampuni mengi yamepeleka ofisi zake hapa. Vinginyevyo uzalishaji ni hasa mazao ya kilimo pamoja na ufugaji wa kuku.

Historia

Ilianzishwa kama kituo cha biashara cha Uswidi mwaka 1638 iliyovamiwa na Uholanzi na kuwa baadaye koloni la Uingereza tangu mwaka 1664. Delaware ilikuwa koloni la kwanza kukubali katiba mpya ya Maungano ya Madola ya Amerika baada ya uasi wa makoloni 13 ya Uingereza katika Amerika ya Kaskazini.

Viungo vya nje

Wikimedia Commons ina media kuhusu:

Delaware

Makala hii kuhusu maeneo ya Marekani bado ni mbegu. Je unajua kitu kuhusu Delaware kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.