Kunci
Temu kunci | |
---|---|
![]() | |
Klasifikasi ilmiah | |
Karajaan: | |
Divisi: | |
Kelas: | |
Ordo: | |
Kulawarga: | |
Génus: | |
Spésiés: | B. rotunda
|
Ngaran binomial | |
Boesenbergia rotunda (L.) Mansf.
|
Kunci atawa nu dipikawanoh minangka temu kunci nyaéta ngaran tutuwuhan anu kaasup kana bungbu dapur tur bisa dimangpaatkeun pikeun dijadikeun ubar.[1] Watang aslina aya dina jero taneuh anu disebut beuti, warnana konéng semu coklat, seungit, kandelna 5-30 x 0,5–2 cm, watang anu di luhur beungeut taneuh nyaéta watang tipu (palapah daun).[2] Umumna miboga 2 nepi ka 7 lambar, daun handap mangrupa palapah daun warnana beureum, palapah daun mindeng sarua panjangna jeung tangkai daun; daunna ajeg, wangun lansét rubak atawa rada seukeut, tungtung daunna seukeut, beungeut daunna lemes tapi bagian handap rada aya buluan, daunna aya keliran warna héjo ngora, rubakna 5–11 cm. Kunci biasana tumuwuh di wewengkon tropis di dataran handap, biasana kembangan dina bulan Januari nepi ka Pebruari sarta bulan April nepi ka bulan Juni.[2] Alus tumuwuh dina taneuh nu beueus ogé subur kalayan tukeurna hawa sarta tata cai anu alus.[2] Dina taneuh anu kurang boh tata caina atawa mindeng kakeueum ku cai prosés tumuwuhna baris kaganggu sarta beutina gancang buruk.[2] Salian ti mangpaat pikeun bungbu dapur, kunci ogé bisa dimangpaatkeun pikeun dijadikeun ubar, di antarana nyaéta ubar batuk, ubar hésé hitut, nambahan napsu dahar, sariawan, nambahan ASI,[2] pikeun ubar kanker,[1] sarta mangrupa resép kageulisan wanoja Sunda.[3]
![](http://upload.wikimedia.org/wikipedia/commons/thumb/4/46/Boesenbergia_rotunda.jpg/220px-Boesenbergia_rotunda.jpg)
Referensi
[édit | édit sumber]- ↑ a b Temu Kunci Obat Kanker (id) (Diakses ping 31 Oktober 2011)
- ↑ a b c d e Temu Kunci Archived 2011-10-26 di Wayback Machine (id) (Diakses ping 31 Oktober 2011)
- ↑ Tanaman Temu Kunci Rahasia Kecantikan Perempuan Sunda (id) (Diakses ping 31 Oktober 2011)