Kaswari
Kaswari | |
---|---|
![]() | |
Manuk Kaswari | |
Klasifikasi ilmiah | |
Karajaan: | |
Filum: | |
Kelas: | |
Ordo: | |
Kulawarga: | Casuaridae Brisson, 1760
|
Subfamily | |
Kaswari mangrupa manuk nu miboga ngaran ilmiah Casuarius nu masih kagolong dina kelompok jenis manuk nu teu bisa hiber.[1] Manuk kaswari mangrupa jenis manuk nu kiwari kaancam punah.[1] ku sabab rusakna lingkungan tempat hirupna kaswari.[1] Kaswari téh jadi fauna has nu jadi ciri Provisi Papua Kulon. [1] Kalumangsungan hirup manuk kaswari ditangtayungan ku undang-undang, pikeun nyingkahan sagala kamungkinan nu ngabalukarkeun tumpurna ieu spesies.
Deskripsi sarta ciri Kaswari
[édit | édit sumber]Bikang na leuwih gedé jeung miboga warna nu leuwih cerah tibatan jalu.[1] Kasuari n geus sawawa miboga jangkung 1,5 nepi ka 1,8 m (4.9-5.9 suku), sanajan sababaraha bikang bisa nepi ka 2 m (6.6 suku), jeung beurat 58,5 kg (129 lb).[1] Kaswari miboga bulu nu diwangun tina poros jeung barbules nu logor, teu miboga retrices (bulu buntut) atawa kelenjar preen.[1] Kaswari boga jangjang leutik kalayan 5-6 bulu badag.[1] Ieu diréduksi jadi hiji dasi kaku, keratinous, kawas landak, tanpa hiji hateup. Cakar aya dina unggal ramo kadua. Furcula jeung coracoid morosot, jeung tulang palatal sarta sphenoid tulang silih antel. Awak nu wangunna baji, dianggap salaku adaptasi pikeun nyingkahan cucuk, jeung daun nu ngarambat, nu bisa ngarojong kaswari pikeun lumpat gancang di leuweung hujan.[1] Kaswari maké suku maranéhanana salaku pakarang.[1] Miboga tilu ramo suku kalayan cakar nu seukeut.[1] Ramo suku kadua, bagian jero dina posisi medial, cakar kawas péso anu panjangna 125 mm (5 inch).[1] Cakar ieu kacida pikasieuneun ku sabab teu jarang kaswari maké sukuna pikeun najong sato lain atawa manusa.[1] Kaswari bisa leumpang nepi ka 50 km / h (31 mph) ngaliwatan leuweung geledegan jeung bisa luncat nepi ka 1,5 m (4.9 suku).[1] Sarta kaswari mnagrupakun sato nu bisa ngojay pikeun meuntasan walungan atawa ngojay dilaut.[1]
Jenis Kaswari
[édit | édit sumber]Kaswari miboga tilu spesiés nyaéta
Kasuari Gelambir Tunggal (Casuarius unappendiculatus)
[édit | édit sumber]Miboga ciri bulu nu warnana hideung sarta heuras. Sirahna biru caang, tandukna segitilu kandel sarta jangkung.[2] Beuheungna beureum atawa konéng ngalgalambir tunggal leutik warna na beureum atawa biru.[2] Sukuna gedé sarta kuat, miboga tilu ramo kalayan cakar nu seukeut.[2] Anakan garis-garis ppolos lila kalilaan robah jadi warna ccoklat polos, leuwih pucet tibatan spsiés séjénna.[2]
Habitat manuk kaswari gelambir tunggal sumebar diwewengkon Papua bagéan timur, Daérah Kepala Burung nepi ka S. Ramu, jeung Pulo Yapen, Pulo Batanta, sarta Pulo Salawati, ti luhureun laut nepi ka 700 m.[2] Aya 4 subspesies ni dipiwanoh sacara lokal (unappendiculatus, occipitalis, aurantiacus jeung philipi) tapi bukti ilmiah ngeunaan bédana subspesies éta masih kurang.[2] Di leuweung bisa kanyahoan ayana Kaswari ku tapak sukuna.[2]
Kasuari Gelambir Ganda (Casuarius casuarius)
[édit | édit sumber]Kaswari gelambir-ganda atawa dina basa ilmiana Casuarius casuarius nyaéta salah sahiji manuk ti tilu speciés Kaswari.[3] Manuk nu geus sawawa ukuranna gedé, miboga jangkung nepi ka 170 cm, sarta miboga bulu warnana hideung jeung heuras.[3] Kulit beuheungna warna biru jeung aya dua gelambir warna beureum dina beuheungna.[3] Di luhur sirahna aya dua tanduk nu panjang warnana semu coklat.[3] Manuk bikangna ampir méh sarua jeung jalu sarta biasana ukurana leuwih gedé jeung leuwi loba tibatan jalu.[1][3]
Populasi Kaswari Gelambir-ganda sumebar di leuweung dataran handap di Australia, pulau Irian jeung pulau Seram di provinsi Maluku.[1] Spesiés ini mangrupa hiji-hijina manuk di marga Casuarius nu aya di benua Australia.[1] Kadaharan manuk Kaswari Gelambir-ganda nyaéta magrupa-rupa bubuahan nu murag kana taneuh di leuweung.[1]
Manuk Kaswari biasana hirup sorangan, papasangan mun keur usum jalangan. Anak manuk sisileungleuman ku manuk jalu.[1]
Kasuari Kerdil (Casuarius bennetti).
[édit | édit sumber]Saluyu jeung ngaranna, kaswari ieu mangrupa jenis kaswari nu pang leutikna dibandingkun jeung nu séjénna.[1] Gelambir teu gagantung dibeuheungna sakumaha nu séjén.[1] Buluna warna biru caang dina beuheung sarta hideung dibagéan awak lianna.[1] Tandukna gepéng jeug leutik teu siga kaswari lianna.[1] Miboga kamampuan keur luncat, ngojay sarta néjéh ka hareup kalayan kuat.[1]
Tempat hirupna, di pulau Papua nu sumbar di leuweunng sarta di bukit nepi ka jangkungna 3000 mdpl.[1] Aya 7 subspesiés (papuanus, goodfellowi, claudii, shawmayeri, hecki, bennetti sarta picticollis) nu sacara tradisional bisa katinggali.[1]
Populasi manuk Kaswari beuki turun.[1] Ku kituna IUCN Redlist ngabuskeun manuk Kasuari Gelambir Ganda (Casuarius casuarius) jeung Kasuari Gelambir Tunggal (Casuarius unappendiculatus) kana status konservasi Vulnerable (Rentan) ti taun 1994.[1] Sadengkeun Kaswari Kerdil (Casuarius bennetti) miboga status konservasi Néar Thréatened (ampir kaancam ).[1] Ancaman kapunahan manuk Kaswari alatan lobana jlma nu muru, boh diarah dagingna atawa buluna sarta endogna.[1]
Populasi
[édit | édit sumber]Spésiés ieu didugangurangan kacida gancangna sacara kasaluruhan dumasar kana kayakinann yén Kaswari geus ngurangan pisan di Australia salila tilu generasi panungtung. Ku kituna, jumlah spésiés sarua jeung 6.667-13.333 individu sawawa, atawa dibuleudkeun jadi 6000-15,000 individu sawawa.
Rujukan
[édit | édit sumber]![]() |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
- ↑ a b c d e f g h i j k l m n o p q r s t u v w x y z aa ab ac ad ae "3 Spesies Kasuari, Burung Paling Berbahaya di Dunia – Flora dan Fauna". www.faunadanflora.com (dalam en-US). Diakses tanggal 2017-12-21.
- ↑ a b c d e f g "Kasuari Gelambir Tunggal" (dalam bahasa en-US). Animal friends - id. 2017-02-16. https://animalfriends-id.com/2017/02/17/kasuari-gelambir-tunggal/. Diakses pada 2017-12-21 Archived 2017-02-17 di Wayback Machine
- ↑ a b c d e Jurnal UGM. Kaswari. Diaksés ping 21 Desember 2017