Nazi
![](http://upload.wikimedia.org/wikipedia/commons/thumb/6/68/%22WHAT_NAZIS_THINK_OF_GERMAN-AMERICANS%22_-_NARA_-_513827.jpg/250px-%22WHAT_NAZIS_THINK_OF_GERMAN-AMERICANS%22_-_NARA_-_513827.jpg)
Nazi is maasttieds aan Kuut-Begriep foar Ounhongere fon dän Nasjonoal-Sosjoalismus, besunners foar Fertreedere fon ju NS-Diktoatuur unner Adolf Hitler.
Uurspröängelk waas deer die Nasjonoal-sosjoale Fereen (Nazionalsozialer Verein) unner Friedrich Naumann twiske 1896 un 1903 meend, die niks mäd do leetere Nasjonoal-Sosjoalisten tou dwoon hiede. Sänt 1923 belukt sik die Uutdruk definitiv ap ju NSDAP. Däälich unnerskat me twiske Oold-Nazis, do in ju NS-Diktoatuur däidich wieren un Neo-Nazis, do in een leetere Tied moanskenfäindelke un rassistiske Thesen fertreede, do ju NS-Ideologie äntspreeke of touminst naikuume. In ju Politik fon däälich wäide Ounhongere fon ju NPD, man toumäts uk fon ju AfD as Nazis beteekent, uumdät jo sukke moanskenfäindelke un rassistiske Thesen fertreede un deelwiese Oold-Nazis ferdäägenje un hiere Rhetorik bruuke.