Klavier
Dät Klavier is n Musikinstrument mäd ne Tastatuur un Säiden, do truch Hoomere ansloain wäide.
-
N gans Instrument
-
Tastatuur
-
Säiden
-
Mechanik
Geschichte
[Beoarbaidje | beoarbaidje Wältext]![](http://upload.wikimedia.org/wikipedia/commons/thumb/b/b1/Monocordiodiapason20060323.png/200px-Monocordiodiapason20060323.png)
![](http://upload.wikimedia.org/wikipedia/commons/thumb/0/09/Zell_Cembalo.jpg/200px-Zell_Cembalo.jpg)
![](http://upload.wikimedia.org/wikipedia/commons/thumb/0/07/De_Pianoles_door_Henri%C3%ABtte_Ronner-Knip.jpg/220px-De_Pianoles_door_Henri%C3%ABtte_Ronner-Knip.jpg)
Al Pythagoras hiede so'wät 500 f. Chr. n Monochord. Dät hiede bloot een Säide, ju plukked wuude as däälich do Säiden fon ne Gitarre. Deermäd unnersäikede hie do Intervalle. Leeter moakede me sukke Instrumente mäd moorere Säiden. So äntstuude, ieuwenske gjucht fuul uur Instrumente, uk dät Klavichord. Deerbie häd me ap ne Taste drukked un dan wuude mäd Hälpe fon ne Heeuwelte fon unnern mäd n plat blikken Ding ansloain. Dät Probleem bie sukke allere Klavichorde waas, dät een Säide, fon ferskeedene Tasten uut ansloain, wült jo ferskeeden loange klingende Deele hiede, moorere Toone moakje kuude, as dät Monochord uk. Un do ferskeedene Toone fon een Säide kuude me nit tou de glieke Tied anslo. Eerste in dät 17. Jierhunnert roate dät Klavichorde, wier tou älke Taste aan Säidenchor heerde. Do hieden düt Probleem dan nit moor. Man dät Klavichord waas fuuls tou liesken foar n grooten Konzertsoal. Dät Cembalo uut dät 15. Jierhunnert, wät däälich uk noch mongs tou heeren is, kuude sien Säiden mäd Fuggenkiele plukje. Bartolomeo Cristofori baude as eersten n Klavier, as et dät so äänelk uk däälich noch rakt, deermäd kuude me luud un liesken spielje. Hie naamde dät "Gravicembalo col piano (liesken) e forte (luud) ", uk däälich is n uur Noome foar dät Klavier "Pianoforte" af kuut "Piano".
Wällen
[Beoarbaidje | beoarbaidje Wältext]- Carl-Johan Forss: Piano- und Flügelreparatur Verlag Erwin Bochinsky ISBN 3-923639-43-0