Derbin e qytetit KF Feronikeli e zhvillon kunder KF Drenasit.
Klubi historikisht ka qenë i lidhur ngushtë me Ndërmarrjen e Re Xehetaro - Metalurgjike "Ferronikeli", pasi impianti në fjalë është ndërtuar në vitin 1984.[3][4]
Klubi luanë lojërat si nikoqir në Stadiumin Rexhep Rexhepi në Drenas, i cili ka një kapacitet prej 6000 spektatorësh. Stadiumi është emërtuar me emrin e ish-lojtarit dhe kapitenit të klubit Rexhep Rexhepi, i cili ra dëshmor duke luftuar për lirinë e Kosovës, si pjestar i Ushtrisë Çlirimtare të Kosovës, dhe u vra më 12 shkurt të vitit 1999 nga forcat Serbe.[5] Në dhjetor të vitit 2012, filloi puna në terren, në mënyrë që tër renovohej stadiumi i vetëm në Drenas, me fonde të Ministrisë së Kulturës, Rinisë dhe Sporteve. Në janar të vitit 2014 udhëheqja komunale, filloi të kërkojë investime nga qeveria qendrore dhe Ministria e Kulturës, Rinisë dhe Sporteve për të përfunduar renovimin e plotë të stadiumit. Kjo u arrit më 23 maj të vitit 2014, kur Ministria e Kulturës, Rinisë dhe Sporteve së bashku me udhëheqjen komunale të Drenasit nënshkruan marrëveshjen për të investuar €100,000 në tre faza të procesit të rinovimit të stadiumit.[6] E gjithë kostoja totale e projektit ishte €200,000, dhe etapa e dytë u përfundua gjatë sezonit 2014-15, ndërsa faza e tretë ka përfunduar pas përfundimit të sezonit në verën e vitit 2015.[7]
