Aleksander II
![](http://upload.wikimedia.org/wikipedia/commons/thumb/f/fd/Alexander_II_1870_by_Sergei_Lvovich_Levitsky.jpg/220px-Alexander_II_1870_by_Sergei_Lvovich_Levitsky.jpg)
Aleksander II (29. cuáŋuimáánu 1818 Moskova, Ruošâ kiäisárkodde – 13. njuhčâmáánu 1881 Pietari, Ruošâ kiäisárkodde) lâi Ruošâ kiäisár, Puola kunâgâs já Suomâ stuorrâfurstâ iivij 1855–1881.
Aleksander šoodâi cuáŋuimáánu 29. peeivi 1818 Moskovast. Suu vaanhimeh láin kiäisár Nikolai I já kiäisárroonnig Aleksandra Fjodorovna. Aleksander pajanij vááldán eejis jäämmim maŋa ive 1855 kuovâmáánust. Kiäisárin suu tergâdumos uđâsmittem lâi eennâmuárjivuođâ lopâttem ive 1861.[1] Aleksander II lâi pivnohis haldâšeijee Suomâst. Suu väldipaajeest Suomâ jiešhaldâšem nanosmij, staatâpeeivih algii oppeet čokkâniđ, suomâkielâ uážui virgálâš sajattuv, aalmugškovlâlájádâs vuáđudui já Suomâ uážui jieijâs vaaluut, määrhi. Aleksander morhedui njuhčâmáánu 13. peeivi 1881 Pietarist.[2]
Käldeeh
[mute | mute käldee]- ↑ Britannica Čujottum 17.10.2021 (eŋgâlâskielân)
- ↑ Itsenäisyys100.fi Čujottum 17.10.2021 (suomâkielân)
|