چین وِچ تِرِیمتاں
![](http://upload.wikimedia.org/wikipedia/commons/thumb/8/85/Girl_in_Muyuan_in_Jiangxi.jpg/220px-Girl_in_Muyuan_in_Jiangxi.jpg)
چین وِچ تِرِیمتاں دی حیاتیاں کُوں چنگ ٹَٻَّر دے عہد دے اَخِیر وِچ وسیع اصلاحات نے پوری طرح بَدَل ݙِتّا، جمہوری عہد، چینی خانہ جنگی اَتے عوامی جمہوریہ چین دے دورِ عروج وِچ عوامی سطح اُتے صنفی برابری کُوں مشتہر کِیتا ڳیا۔ تَرِیخی طور تے مرداں دے غلبے والے چینی سماج وِچ مزاحمت دے نال صنفی برابری کِیتے نویں کمیونسٹ حکومت کِیتے کوشِش کِیتی ڳئی۔ چین وِچ مکمل برابری دے حصول کِیتے تِرِیمتاں کُوں رَستے وِچ اَڑان٘داں دا سامھݨاں کرݨا پون٘دا ہِے۔
تِرِیمتاں دے خلاف جرائم
[لکھو | ماخذ وچ تبدیلی کرو]تفصیلی مضون کِیتے بندش پاء ݙیکھو۔
بندش پاء چین دی ہِک رِیت ہئی جین٘دے وِچ نوخیز ٻالڑیاں دے پیراں کُوں کَس تے ٻَدّھ ݙِتّا وین٘دا ہئی جاں جو اُنّھاں دے قدم سوہݨے اَتے اُون٘دا جُسّہ متناسب تھی ون٘ڄے۔ اِیہ رِیت تانگ ٹَٻَّر دے عہدِ حکومت تُوں وِیہوِیں صدی عیسوی تئیں رائج رہی اَتے اِیں عرصے وِچ اِیکُوں ذی حیثیّت تِرِیمتاں دی علامت نیز سُݨھَپ دی نشانی وی سمجھیا وین٘دا ہئی۔ بندش پاء دا عمل ٻہوں ڳَیڑ وات ݙیوݨ آلا ہئی اَتے عام طور تے طبقۂ اشرافیہ دے ٹَٻَّراں تئیں اِی محدود رِیہا، بسا اوقات اِیں عمل تُوں لنگھݨ آلیاں ٻالڑیاں دائمی طور تے معذور وِی تِھی وین٘دیاں ہَن۔ تاہم جیڑھے پیر اِیں عمل دی پارُوں سوہݨی شکّل اختیار کر گِھندے ہَن اُنّھاں کُوں کن٘ول آلی کار پیر آکیا وین٘دا ہئی۔
غالباً ݙاہوِیں صدی عیسوی وِچ پَنڄ ٹَٻَّراں اَتے ݙاہ باشاہتاں دے دور دے درباری رقاصائیں نے اِیں رِیت دا اَغاز کِیتا اَتے وَل تانگ ٹَٻَّر دے عہدِ حکومت وِچ اشرافیہ دے وِچالے اِیہ رِیت رائج تھئی اَتے چنگ ٹَٻَّر دے عہدِ حکومت تئیں بتدریج سبھے سماجی طبقیاں وِچ پھیل ڳئی۔ بندش پاء دی اَنج اَنج شکلاں مروّج تھئیاں جِنّھاں وِچ سبھ تُوں وَدھ ݙُکھ ݙیوݨ آلی شِکّل سولہویں صدی عیسوی وِچ سامھݨے آئی۔ ہِک تخمینے دے مطابق اُنوِیہوِیں صدی تئیں چالہِیہ تُوں پنجاہ فیصد چینی تِرِیمتاں اَتے چینی اشرافیہ دی سو فیصدد تِرِیمتاں اِیں عمل تُوں لنگھ چُکّیاں ہَن۔[١] تاہم دیس دے اَنجو انج حِصّیاں وِچ اِیں رِیت دی اَنجو انج شکلاں رائج رِیہاں ہِن۔
حکومتی احکامات
[لکھو | ماخذ وچ تبدیلی کرو]٢٠١٧ء وِچ فیوشن علاقے وِچ تِرِیمتاں کُوں روائتی اخلاقیات سکھاوݨ آلے ہِک ادارے اُتّے جیڑھا ٦ سال تُوں کَم کرین٘دا پِیا ہئی، اِین٘دے اُتّے پابندہ لاء ڈِتّی ڳئی، اِین٘دے اُتّے الزام ہئی جو اُوہ تِرِیمتاں کپوں اپݨے پِیؤ، پئے اَتے پُتر دی اطاعت، اپݨے کُؤارے پَن کُوں اہمیّت ݙیوݨ اَتے اُون٘دی حفاظت کرݨ اَتے اِیں ڳالھ کُوں سمجھݨ جو تِرِیمت قابل کائے نِھیں اُوہ نیک و کار ہِے، اِیں تربیّت دا حِصّہ ہئی۔[٢] جولائی ٢٠١٧ء وِچ چین دے صوبے گوانگ ڈونگ دی میٹرو ریل نے تِرِیمتاں کِیتے مخصوص ریل سروس دا اَغاز کِیتا۔ اِیہ ریل ڳݙّیاں پنڄ ݙیہاڑے سویل ساڈھے سَت تُوں ساڈے نَو وڄّے تئیں اَے شام پنڄ وڄے تُوں سَت وڄے تئین چلدیاں ہَن۔[٣]
٢٠١٩ء وِچ، حکومت نے ہدایتاں جاری کِیتیاں جو اِیہو جئیں آجرین اُتّے پابندی لائی ون٘ڄے جیڑھے نوکریاں کِیتے مرداں کُوں ترجیح یا صرف مرداں کِیتے اشتہار ݙیوِن یا اِداریاں اُتّے پابندی لاوݨ دا آکھیا جیڑھے تِرِیمتاں کُوں حاملہ حالت وِچ کَم کرݨ، اپݨی شادی دی منصوبہ بندی یا حمل متعلقہ ٹیسٹ کرواوݨ دے وِچالے وِچ کَم کرݨ اُتّے مجبور کرِن۔ [٤]