دریائے سندھ
دریائے سندھ پاکستان دا سب توں وݙا تے اہم دریا ہے۔ دریائے سندھ دی شروعات تبت دی ہک جھیل مانسرور (جھیل ماناساروار) دے قریب تھیندی ہے۔ ایندے بعد دریائے لدّاخ تے گلگت بلتستان توں گزردا ہویا صوبہ خیبرپختونخوا وچ داخل تھیندے ۔ صوبہ خیبرپختونخوا وچ اینکوں اباسین وی آہدن جیندا مطلب ہے دریاواں دا پیؤ۔ دریائے سندھ کوں شیر دریا وی آکھا ویندے۔ صوبہ خیبرپختونخواہ وچ اے دریا پہاڑاں توں میداناں وچ اتردے تے ایندے بعد صوبہ پنجاب تے سندھ توں گزردا ہویا ٹھٹھہ دے قریب بحیرہ عرب وچ ڈھاندے۔ مختلف مقامات تے ایں دے مشرقی معاون دریا (دریائے جہلم، دریائے چناب، دریائے راوی، دریائے ستلج) ایندے وچ شامل تھیندن ویندے۔ ایں دریا دی لمبائی 3200 کلومیٹر ہے۔
تفصیل
[لکھو | ماخذ وچ تبدیلی کرو]![](http://upload.wikimedia.org/wikipedia/commons/thumb/b/b6/Attock_1861-600x423.jpg/220px-Attock_1861-600x423.jpg)
دریائے سندھ وچ اندھی ڈولفن پاتی ویندی ہے۔ ایں کوں سوسو آکھا ویندے۔ ایندا ہک مقامی ناں ٻلہݨ وی ہے۔ ڈولفن دی ایہ قسم دنیا بھر وچ نایاب ہے۔ ایہ قدرتی طور تے اندھی ہوندی اے تے پاݨی وچ آواز دے سہارے رستہ تلاش کریندی ہے۔ ایندی آبادی وچ اضافے تے ایندی حيات کوں پیش دشواریاں کوں دور کرݨ دے کئی کوششاں کیتیاں ویندے پئے ہن ۔ دریائے سندھ دے زیریں میدان وچ جھیلاں وی پائیاں ویندن مثلاً منچھر جھیل، کینجھر جھیل تے کالری جھیل۔ ایہ جھیلاں صحت افزا مقامات بݨ چکن تے لوگ اتھاں سیر و تفریح کیتے آندن۔