Albir Kamu
Albirt Kamus nɣ d Albir kamu (S tfransist: Albert Camus) iga yan umara Afransis anfgani d yan ɣ irgazn n taskala da skrnin adɣar nnsn ɣ tasut tis 20, ig wis tẓa n ifransisn da yiwin tasmɣurt n Nubl n taskala d mayad ɣ usggʷas n 1957, immut lliɣ dars 46 n usggʷas ḍffṛ yan ungas n ṭamubil.
![](http://upload.wikimedia.org/wikipedia/commons/thumb/6/64/Albert_Camus_by_Ervin_Marton.jpg/220px-Albert_Camus_by_Ervin_Marton.jpg)
Tudrt nns
[ssnfl | Snfl asagm]Ilul Kamu ɣ wis sa Nuwambir ɣ usggʷas n 1913, ɣ Mundufi, ɣ Ddzayr tafransist, ig ɣ yat tklit yan umara n umiyn d imnnitn d umzgun, ig daɣ yan unɣmas d yan uflsaf, ittyawssan wala s twingimin nns tinfganiyn surnin f tinnugfa n waddad n ufgan d tsrtit nns.
Ɣ imiɣ amaḍlan wis sin, rad isala tanzbayt mgal asddurri, ɣ usggʷas 1942 rad issufɣ ungal nns: Imzdi, nttan a s as d ikka umurs, ar tsawal tflsuft nns f unnɣjf n ufgan mnid n tilit nns d tinnugfa (absurdité) nns, ɣaylli d ifkan yan ussyafa n tmzdit sf umaḍal.
Tiwuriwin nns
[ssnfl | Snfl asagm]Mqqar tudrt nns igzzuln ifl Albirt Kamus mnnaw idlisn zun d:
• Imzdi (The Stranger)
• Umiy n Sisifus (The myth of Sisyphus)
• Taḍuṛi (The Fall)
• Tamuɣt n tsrka (Plague)
• Aɣwwaɣ (The Rebel)
• Tamttant iɣudan (Happy death)
• Argaz izwarn (The first man)