Hordalándda fylka

Hordalándda fylka
Fylkakoda	12
Hálddahusguovddáš	Birgon
Virggálaš gielat	Dárogiella
Fylkkasátnejođiheaddji	Anne Gine Hestetun (Bb) (2015)
Fylkkamánni	Lars Sponheim
Viidodat	15 436,68 km²
Sisčáhci
Olmmošlohku	522 539 (2018)
Populašuvdnačoahkkisvuohta
Neahttasiiddut	Hordalándda fylka

Hordalánda (dárogillii: Hordaland) lei Norgga fylka, man rádjefylkkat leat Rogalánda lullin, Sogn ja Fjordane davvin, Buskerud ja Telemárku nuortin. Hordalánda lea riikka goalmmádin stuorámus fylka olmmošlogu ektui, ja ovccát stuorámus viidodaga ektui. 71 % viidodagas leat várreguovllut badjel 300 mehtera meara bajábealde. Hordalánda, 33 gielddain, lea áidna fylka riikkas, gos buot gielddain lea mearrarádji. Birgon (dárog. Bergen) lea fylkka hálddahusguovddáš. Eará gávpogat leat Odda ja Leirvik.

Geografiija

Hordalánda lea oarjelullin Norggas, ja oarjin lea Davvemearra. Rádjefylkkat leat Rogalánda lullin, Sogn ja Fjordane davvin, Buskerud ja Telemárku nuortin. Hordalánda ja Rogalánda gohčoduvvojit dávjá Norgga miniatyran, dasgo dan guovtti fylkkas lea feara maid. Alla várit ja čiekŋalis vuonat, bealddut ja vuovddit, goržžit ja jaskes čáhci, guhkes sáttogáttit ja ceakkus bávttit.

Hardangerfjorden lea fylkka guhkimus ja čiekŋaleamos vuotna, mii lea 179 km guhku ja 800 mehtera čieŋal. Nordmannslågen lea Hordalándda stuorámus jávri 11 km² viidodagain. Hardangerjøkulen lea 1 863 mehtera alu, ja lea fylkka alimus várri. Osterøy lea stuorámus suolu, 328 km² viiddis, muhto Fedje fas 9 njealjehaskilomehteriin lea fylkka unnimus gielda viidodaga ektui. Modalenis lea smávimus populašuvdnačoahkkisvuohta. Birgon lea Hordalándda stuorámus gávpot, ja stuorámus gielda olmmošlogu ektui sullii 265 000 ássiin. Viidodaga ektui lea ges Voss stuorámus, 1 805 km² viiddis.

Hordalándda suohkanat Askøy • Austevoll • Austrheim • Bergen • Bømlo • Eidfjord • Etne • Fedje • Fitjar • Fjell • Fusa • Granvin • Jondal • Kvam • Kvinnherad • Lindås • Masfjorden • Meland • Modalen • Odda • Os • Osterøy • Radøy • Samnanger • Stord • Sund • Sveio • Tysnes • Ullensvang • Ulvik • Vaksdal • Voss • Øygarden Norgga gielddat • Norgga fylkkat • Norga

Norgga fylkkat Agder • Akershus • Buskerud • Finnmárku • Innlandet • Møre ja Romsdála • Nordlánda • Oslo • Rogalánda • Romsa • Telemárku • Trøndelága • Vestfolda • Vestlánda • Østfolda Ovddeš fylkkat Birgon fylka (1831–1972) • Davvi-Trøndelága (1804–2018) • Hedmárku (–2019) • Hordalánda (–2019) • Lulli-Trøndelága (1804–2018) • Nuorta-Agder (–2019) • Oarjel-Agder (–2019) • Opplánda (–2019) • Romsa ja Finnmárku (2020–2024) • Sogn ja Fjordane • Vestfolda ja Telemárku (2020–2024) • Viken (2020–2024)