وفاق
ڏيک
![](http://upload.wikimedia.org/wikipedia/commons/thumb/4/46/Map_of_unitary_and_federal_states.svg/370px-Map_of_unitary_and_federal_states.svg.png)
فيڊرل رياستون
![](http://upload.wikimedia.org/wikipedia/commons/thumb/d/da/The_pathway_of_regional_integration_or_separation.png/370px-The_pathway_of_regional_integration_or_separation.png)
وفاق کي "وفاقي رياست" پڻ سڏبو آهي. اھو ھڪ اھڙي سياسي وجود جو نالو آھي جيڪو جزوي طرح خودمختيار رياستن يا علائقن جي مرڪزي حڪومت يا وفاقي حڪومت جي تحت ڳانڌاپي سان جڙي ٿو.ان ڳانڌاپي کي آئيني تحفظ ھوندو آھي ۽ ڪابه شامل رياست يا مرڪزي رياست يڪطرفہ ان کي ختم نہ ڪري سگھندي آهي. وفاق ۾ حڪومت يا آئين جو جيڪو ڍانچو ھوندو آھي ان کي فيڊرلزم جو مثال سڏبو آهي. اھڙي طرح اھو طريقو فيڊرلسٽ ھوندو آھي. وفاقي رياست جو ابتڙ يونيٽري رياست جو نظام ھوندو آھي جنھن جو مثال فرانس آھي جتي ڪجهه صدين کان اھو نظام ھلي رھيو آھي. وفاق جو مثال جرمني آھي جتي سورنهن رياستن گڏجي وفاق جوڙيو آھي. وفاق اڪثر ڪري گھڻ قومي ھوندو آھي ء اھڙي رياست پکيڙ۾ اڪثر وڏي ھوندي آھي. روس، آمريڪا، ڪئناڊا، انڊيا ۽ برازيل اھڙا وفاق آھن جن جي پکيڙ تمام وڏي آھي.