Univirsitati di Cambridge
![](http://upload.wikimedia.org/wikipedia/commons/thumb/b/b4/KingsCollegeChapelWest.jpg/200px-KingsCollegeChapelWest.jpg)
L' Univirsitati di Cambridge ('n anglisi University of Cambridge) è n'univirsitati ca havi sedi a Cambridge, nti lu Regnu Unitu. È la sicunna univirsitati cchiù antica di l'Anglaterra, la sicunna nti lu munnu ca anzignava 'n anglisi e la sèttima chiù antica di lu munnu. Spissu lu nomu di la Univirsitati è accurzatu ccu Cantab ca veni di Cantabrigiensis (nu aggittivu dirivatu di lu latinu Cantabrigia, latinizzazzioni di Cambridge).
L'Univirsitati fu funnata di nu gruppu di accadèmichi ca nisceru di la Univirsitati di Oxford nti lu 1209 doppu na sciarra ccu la genti di lu locu. Li dui antichi univirsitati hannu assai punti 'n cumuni e spissu li genti si rifirìscinu a tutti dui ccu la sula palora Oxbridge. Ntra li dui univirsitati cc'è na forti rivalitati e ogni annu si urganizza na gara di canuttaggiu ca è assai sintuta nti tuttu paru lu Regnu Unitu. L'Univirsitati di Oxford e di Cambridge sunnu ntra li megghiu univirsitati di lu munnu, sicunni nti li classìfichi sulu a chidda di Harvard nti li Stati Uniti.