Austu 2005
| 2004 | Abbinimenti dû 2005 | 2006 |
|---|---|---|
| Jinnaru 2005 | Frivaru 2005 | Marzu 2005 | Aprili 2005 | Maiu 2005 | Giugnu 2005 | Giugnettu 2005 | Austu 2005 | Sittèmmiru 2005 | Uttùviru 2005 | Nuvèmmiru 2005 | Dicèmmiru 2005 | ||
1 di austu, lunidìa
- Arabbia Saudita -- Lu Re Fahd mori all'età di 84 anni.
3 di austu, mercuridìa
- Torontu - N'aeriu dâ cumpagnia AirFrance si schianta ntâ fasi d'attirraggiu a Torontu, ntô Canada, si spezza a puzzuddi e pigghia focu. Tutti li 297 passiggeri e li 12 membri di l'equipaggiu si sarvunu pi miraculu.
- Gaza - Stamatina si cumplitò la nisciuta di li culoni ebbrei di Neve' Dekalim.
6 di austu, sabbatudìa
- Palermu: Cc'è statu na svintura dûn ariupranu abbicinu la costa dâ Sicilia e armenu 14 pirsuni sunnu morti.
9 di austu, martidìa
- Brasili: S'arrubbaru R$156 miliuna dû Banco Central, facirmenti si tratta dâ cchiù granni rapina dûn bancu mai.
14 di austu, duminicadìa
- Grecia: Nautra svintura d'ariupranu, sta vota abbicinu Ateni dûn ariupranu chi vinìa dû Cipru. Tutti li 121 passaggeri sunnu morti, tanti eranu carusi.
16 di austu, martidìa
- Culonia - Accuminza oi la XX Jurnata Munniali di la Giuvintù, la prima senza Papa Wojtyła. Sunnu chiossai di 400.000 l'iscritti e vèninu di 193 paisi di lu munnu. Lu gruppu cchiù granni è chiddu di li Taliani (100.000 iscritti). Lu Papa Binidittu XVI jovidìa si junci a li carusi pi cilibbrari nzèmmula a iddi st'eventu straordinariu.
- Caracas - Un Md-80 di la cumpagnia culummiana West Caribbean cadìu oi a Machiques, ntô Venezzuela; mureru tutti li 153 passaggeri e li 8 membri di l'equipaggiu. L'ariuplanu havìa partutu di Tocume (Panamà) e havìa a jiri a Fort de France (Martinica).
18 di austu, jovidìa
- Roma - Lu Papa Binidittu XVI accuminza oi lu so primu viaggiu ntirnazziunali jennu a la XX Jurnata Munniali di la Giuvintù.
19 di austu, venniridìa
- Culonia - Doppu èssiri ricivutu aieri pi chiossai di 500.000 picciotti, oi lu Papa Binidittu XVI vìsita la Sinagoga di Culonia.
20 di austu, sabbatudìa
- Culonia - Cuntinua la XX Jurnata Munniali di la Giuvintù: stasira a li 20,30 granni appuntamentu nni la cullina di Marienfeld cu lu Papa Binidittu XVI pi la vigghia.
- Palermu - Stamatina lu traghettu "Emilia" ca vinìa di Cagliari, duranti li manovri d'attraccu nni lu portu di Palermu, urtau cu viulenza la banchina; 31 firiti levi.
21 di austu, duminicadìa
- Culonia - Si cunchiudìu cu la Santa Missa la XX Jurnata Munniali di la Giuvintù: chiossai di 800.000 picciotti di tuttu lu munnu assisteru a la cilibbrazzioni eucarìstica (1.000.000 sicunnu l'organizzatura). A la fini di la missa lu Papa annunziau ca la pròssima Jurnata Munniali di la Giuvintù si teni a Sydney (Australia) nnû 2008.
22 di austu, lunidìa
- Roma - Scossa di tirrimotu nni la capitali taliana: a li 14,02 di oi la terra trimau pi un sisma di magnitudu 4,5. L'epicentru dû tirrimotu fu a 15 chilòmitri di li costi lazziali. Nuddu dannu a li pirsuni e a li cosi ma tantu scantu pi l'abbitanti e li turisti.
24 di austu, mercuridìa
- Lima - Un Boeing 737-200 di la cumpagnìa TANS cadìu aieri (a li 22,20 ura di Talia) a Pucallpa, a 840 chilòmitri a nordest di Lima, nta la selva mazzònica. Nni l'ariupranu c'erinu 92 passaggeri e 8 membri di l'equipaggiu. Si sarvaru 57 pirsuni, ntra di iddi tri taliani ca avìanu pigghiatu st'ariupranu; pari ca ntra li morti c'è puru un passaggeru talianu.
- Milanu - Murìu stanotti lu famusu spluraturi Ambrogio Fogar; avìa 64 anni e di lu 1992 vivìa paralizzatu pi un incidenti di màchina ca ci avìa succidutu nnû disertu di lu Turkmenistan duranti lu raid Pariggi-Mosca-Pechinu.
28 di austu, duminicadìa
- New Orleans - Lu sìnnacu di New Orleans ordinau a tutti l'abbitanti di sta cità di lassari li casi e jiri fora di lu tirritoriu di New Orleans pirchì stanotti è previstu l'arrivu di l'uraganu Katrina, purtaturi di venti di chiossai di 360 km urari. L'autru jornu st'uraganu fici 10 morti 'n Florida.
31 di austu, mercuridìa
- New Orleans, USA: Tri vintini di pirsuni morti doppu l'arrivu di l'uraganu Katrina.