Virgìnia
Coordinadas: 37°30′N 79°00′W / 37.5°N 79°W
Artìculu in LSC
![](http://upload.wikimedia.org/wikipedia/commons/thumb/7/76/Map_of_USA_VA.svg/245px-Map_of_USA_VA.svg.png)
![](http://upload.wikimedia.org/wikipedia/commons/thumb/4/47/Flag_of_Virginia.svg/244px-Flag_of_Virginia.svg.png)
Sa Virgìnia (/vərˈdʒɪnjə/), uffitzialmente Commonwealth of Virginia, est unu istadu de is Istados Unidos de Amèrica chi s'agatat in sa regione de Sud-Atlànticu. Sa capitale est Richmond, sa tzitade prus manna Virgìnia Beach. Sa contea cun prus residentes sa de Fairfax.
Allàcanat in su norti norti-estu cun Maryland e Washington D.C., in s'estu cun s'ocèanu Atlànticu, in su sud cun sa Carolina de Nord, in s'uestu cun su Kentucky e in su norti-uestu cun sa Virgìnia Otzidentale. Est su de 35 prus istèrridos istados e tenet populatzione de unos 8,2 milliones de bividores.
Geografia e clima de s'istadu dependent de is Montes Blue Ridge e de sa Baja Chesapeake.
Su territòriu de Virgìnia at bidu sa presèntzia de medas grupos indìgenos. Sa prima ocupatzione inglesa torrat a coa in su 1607. Sa Virgìnia est istada sa prima colònia inglesa de Mundu Nou. S'Assemblea Generale de Virgìnia est su prus antigu corpus-legislativu de is Amèricas.
S'isvilupu de sa regione at dipèndidu de su traballu de iscravos e s'ispròpiu de terras a is nativos, chi beniant a manu a manu bogados. Est istada una de is trèighi colònias chi si sunt ribelladas in sa Rivolutzione Americana e unu de is istados chi in sa gherra tzivile si sunt aunidos in sa Cunfederatzione. Est acuntèssidu in tempus de sa gherra chi is territòrios de norti-uestu de si sunt ischirriados fundende s'istadu de Virgìnia Otzidentale.
S'economia de sa Virgìnia s'apoderat subra medas setores: massaria, agentzias federales, intre chi is uffìtzios de su Dipartimentu de sa defensa e de sa CIA e servìtzios militares.
Is nomìngios sunt "Old Dominion" (Dominion Betzu), sende chi cabudianamente est istadu dominion de sa corona britànnica, e "Mamma de is Presidentes" sigomente sa prus parte de is presidentes de is Istados Unidos bisunt nàschidos.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Virgìnia |
|