Rivolutzione iraniana
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://upload.wikimedia.org/wikipedia/commons/thumb/1/19/1979_Iranian_Revolution.jpg/283px-1979_Iranian_Revolution.jpg)
Sa rivolutzione islàmica[1] o rivolutzione irianiana[2] (in persianu: انقلاب اسلامی, Enqelāb-e Eslāmī) de s'Iràn est s'imparis de acontessimentos chi cumportant su derrocamentu de sa monarchia (personalizada in s'Iscià Mohammad Reza Pahlavi) e su càmbiu in una Repùblica islàmica suta cumandu de s'Ayatollah Ruhollah Khomeini, dae chie a bortas fintzas benet su nùmene de rivolutzione khomeinista. Est cunsideradu un'eventu chi "at fatu dae su fundamentalismu islàmicu una fortza polìtica... dae su Marrocu fintzas a sa Malaìsia".[3]
Is primas manifestatziones importantes contra de s'Iscià aiant comintzadu in su mese de ghennàrgiu de su 1978.[4] Intre su mese de austu e su de nadale de s'annu matessi, sos isciòperos e is manifestatziones aiant paralizadu s'istadu. S'Iscià si fiat fuidu dae s'Iràn a s'esìliu a metade ghennàrgiu de su 1979, e duas chidas a pustis s'Aytollah Khomeini fiat torradu a Teheràn, in ue fiat istadu retzidu dae unos cantos milliones de partidàrios.[5] Su règimene fiat rùidu pagu a pustis, s'11 de freàrgiu, cando is gherrillas e is tropas rebeldes aiant bintu subra de is tropas leales a s'Iscià in sa cumbata armada in is istradas. S'Iràn aiat votadu in referendum pro si cunvèrtere a una Repùblica Islàmica s'1 de abrile de su 1979,[6] e intro de su nadale fiat aprovada una costitutzione teocràtica chi cunsagraiat Khomeini a Cabu supremu de s'Iràn.
Custa rivolutzione fiat istada insolita pro is preliminares suos, pro sa manera de s'isvilupare e pro is cunsighèntzias suas, totu s'imparis de fortzas pagu frecuente in s'istòria de is rivolutziones in totu su mundu:[7] s'agataiant a mancare medas de is càusas fitianas de una rivolutzione (derrota in una gherra, crisi finantziera, abbolotu de campagna, o iscuntentu de s'esèrtzitu);[8] aiat produidu unu cambiu a fundu cun lestresa manna meda;[9] fiat massimamente populare;[10] derrocaiat unu règimene suta amparu forte de un'esèrtzitu e unos servìtzios de seguresa pagados bene meda;[11][12] e cambiaiat una monarchia chi fiat modernizende s'istadu cun una teocratzia fundada subra sa tutela de is giuristas islàmicos (velayat-e faqih). Su resurtadu - una Repùblica Islàmica "suta su cumandu de unu religiosu sàbiu esiliadu dae Qom de 80 annos" - fiat, comente aiat naradu unu àteru sàbiu, "chene duda una brulla chi tocat a ti dd'ispricare",[13] ca de intrada non si cumprendet.
Non gasi insòlita ma giai prus carca est sa cuntierra subra is resurtados de sa rivolutzione islàmica. Pro calicunos est istada un'era de eroismu e sacrifìtziu chi aiat ingenneradu s'embrione pròpiu de un'istadu islàmicu mundiale, "unu modellu perfetu de vida isplèndida, umana e divina… pro sa gente de totu su mundu."[14] Dae s'àtera banda, unos cantos iranianos creent antimes ca sa rivolutzione fiat istada unu tempus cando "pro una pariga de annos totus nois amus pèrdidu su conca", e chi "nos promitiat su chelu, ma... at criadu un'inferru in Terra."[15]
Riferimentos
[modìfica | modìfica su còdighe de orìgine]- ↑ History of Iran - Islamic Revolution of 1979, in iranchamber.com.
- ↑ Iranian Revolution [1978–1979], in britannica.com.
- ↑ Vali Nasr, https://books.google.cat/books?id=a-QH_CxIFTEC&hl=it.
- ↑ The Iranian Revolution, in fsmitha.com.
- ↑ Ruhollah Khomeini, in britannica.com.
- ↑ Iranian Revolution [1978–1979], in britannica.com.
- ↑ Jahangir Amuzegar, Dynamics of the Iranian Revolution - The Pahlavis' Triumph and Tragedy.
- ↑ Said Amir Arjomand, The Turban for the Crown: The Islamic Revolution in Iran.
- ↑ Jahangir Amuzegar, Dynamics of the Iranian Revolution - The Pahlavis' Triumph and Tragedy.
- ↑ Charles Kurzman, The Unthinkable Revolution in Iran.
- ↑ The Priest and the King: An Eyewitness Account of the Iranian Revolution.
- ↑ Ervand Abrahamian, Iran Between Two Revolutions.
- ↑ Cheryl Benard, Zalmay Khalilzad, The Government of God: Iran's Islamic Republic.
- ↑ Iranian President Mahmoud Ahmadinejad: As Soon as Iran Achieves Advanced Technologies, It Has the Capacity to Become an Invincible Global Power, in memri.org.
- ↑ Afshin Molavi, The Soul of Iran: A Nation's Struggle for Freedom.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Rivolutzione iraniana |