Repùblica Tzentrafricana
Coordinadas: 6°42′N 20°54′E / 6.7°N 20.9°E
Artìculu in LSC
![](http://upload.wikimedia.org/wikipedia/commons/thumb/6/6f/Flag_of_the_Central_African_Republic.svg/246px-Flag_of_the_Central_African_Republic.svg.png)
![](http://upload.wikimedia.org/wikipedia/commons/thumb/c/c4/Central_African_Republic_%28orthographic_projection%29.svg/245px-Central_African_Republic_%28orthographic_projection%29.svg.png)
![](http://upload.wikimedia.org/wikipedia/commons/thumb/6/63/Coat_of_arms_of_the_Central_African_Republic-NEW.png/200px-Coat_of_arms_of_the_Central_African_Republic-NEW.png)
![](http://upload.wikimedia.org/wikipedia/commons/thumb/6/6f/LocationCentralAfricanRepublic.svg/200px-LocationCentralAfricanRepublic.svg.png)
Sa Repùblica Tzentrafricana (frantzesu: République Centrafricaine; sango: Ködörösêse tî Bêafrîka) est un'Istadu de s'Àfrica tzentrale, cun capitale in Bangui.
Tenet istèrrida de 622.984 km² e populatzione de unos 5.166.510 bividores. Faghet làcana a norte cun su Ciàd, a nord-estu cun su Sudàn, a estu cun su Sudàn de su Sud, a sud cun sa Repùblica Democràtica de su Congo, a sud-ovest cun sa Repùblica de su Congo e a ovest cun su Camerùn; est un'istadu chene essida mare.
In passadu est istadu una colònia frantzesa cun su nùmene de Ubangi-Sciari (o Oubangui-Chari); at assùmidu su nùmene atuale a s'atu de s'indipendèntzia, in su 1960. A pustis de trinta annos de guvernu prevalentemente militare, in su 1993 aiat pigadu logu unu guvernu tzivile duradu deghe annos.
In su martzu 2003 su presidente Patassé e su guvernu suo sunt istados depostos cun unu corpu de Istadu dae su generale François Bozizé, chi at formadu unu guvernu de transitzione. In is contestadas eletziones generales de su 2005 su generale Bozizé est istadu elègidu presidente. Su guvernu non tenet però su cumpletu controllu de su territòriu e sacas de illegalidade sunt registradas in is campagnas e in is provìntzias de su norte, in ue sighint is cumbatos intre is duos grupos rebeldes majores e su guvernu. S'instabilidade de is paisos chi ddi faghent làcana (Ciàd, Sudàn, Sudàn de su Sud e Repùblica Democràtica de su Congo) influit annotamala in manera negativa subra s'istabilidade interna de sa Repùblica Tzentrafricana.
Est unu de is istados prus pòberos de sa Terra, cun un'inditze de isvilupu umanu intre is prus bàscios de su praneta.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Repùblica Tzentrafricana |