Limba norvegesa
Appearance
Articulu in nugoresu
![](http://upload.wikimedia.org/wikipedia/commons/thumb/0/0b/M%C3%A5lformer_i_Norge.svg/279px-M%C3%A5lformer_i_Norge.svg.png)
Su norvegesu est una limba chi pertènet a sas limbas germanicas de su nord e a sa famìlia prus manna de sas limbas indo-europeas.
Su norvegesu est una particularidàde pèri s'Europa, ca est una limba chi tènet duas formas iscrìttas (o istandard) impreàdas de manèra uffitziale in Norvegia: su bokmål e su nynorsk.
- Su Bokmål (limba de sos lìberos) est una forma istandard chi nde fàchet imprèu su 85% de sa populassione, e tènet radìchina in su danesu iscrìttu. Su danesu, difattis, fit sa limba uffitziale in Norvegia pro seculos medas cando fit aunìa a sa Danimarca.
- Su Nynorsk (norvegesu novu), chi imprèat su 15% chi bi abbàrrat, est unu imbèntu de Ivar Aasen, chi ch'at postu a pare medas limbàzos de campagna, mascamènte cussos de sa costèra otzidentale.
Sos comùnos norvegesos poden isseperàre a contu issòro si fàcher imprèu de s'una o s'attera forma istandard comènte uffitziale, chène istròbu perùnu. In medas, peròe, de manèra ispetziale pro cussos mannos comènte Oslo, no an picàu positzione atzettànde siat su Bokmål siat su Nynorsk.