Cape May, New Jersey
Coordinadas: 38°56′00″N 74°55′17″W / 38.933333°N 74.921389°W
![](http://upload.wikimedia.org/wikipedia/commons/thumb/5/58/Cape_May_County_New_Jersey_Incorporated_and_Unincorporated_areas_Cape_May_Highlighted.svg/256px-Cape_May_County_New_Jersey_Incorporated_and_Unincorporated_areas_Cape_May_Highlighted.svg.png)
Cape May est una bidda istadunidesa ubigada in sa punta meriesa de sa mesìsula numenale, in intro de su contadu a su matessi nùmene de s'Istadu federale de New Jersey, in ue sa Baìa de su Delaware addòviat s'Otzèanu Atràntigu. Cunforme a su retzensimentu realizadu in sos IAA in su 2010, tenet una pobuladura aposentada de 3.607 abitadores, su chi rapresentat unu minimonzu de 427 (-10,6%) a petus de sos 4.034 recontados in su retzensimentu de su 2000, chi aiat custituìdu a bia sua un falada de 634 (-13,6%) dae sos 3.400 recontados in su retzensimentu de su 1990.
A s'istiu, sa pobuladura de Cape May est ismanniada dae unu nùmeru de bisitadores chi bàriat intre 40.000 e 50.000. Sa bidda intrea de Cape May est narada su Distritu Istòrigu de Cape May e rapresentat unu logu de importu istòrigu nassionale pro more de sa cuntzentradura de fraigos bintorianos.
Cun un'istòria rica, prajas galardonadas, sa caraterìstiga sua de miradorzu de puzones e medas isempros de architetura bintoriana, Cape May est un'abarradorzu barneale chi atraighet bisitadores dae su mundu intreu. Cape May fiat istadu recunnotu comente una de sas 10 mezus prajas de sos Istados Aunidos dae su Travel Channel e sa praja sua aiat logradu su de chimbe zassos in New Jersey in su Cuncursu pro sas mezus 10 prajas de su 2008, isponsorizadu dae s'Entidade pro sas sièntzias marinas de su New Jersey.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Category:Cape May, New Jersey |