Watt
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
Su watt (sìmbulu: W[1]) est s'unidade de mesura de sa potèntzia de su Sistema Internatzionale.[1]
![](http://upload.wikimedia.org/wikipedia/commons/thumb/8/80/Watt-meter_hg.jpg/220px-Watt-meter_hg.jpg)
Unu watt balet che 1 joule a su segundu (1 J/s) e est ecuivalente, in unidades elètricas, a unu volt multiplicadu pro ampere (1 V × A, pro s'impreu in eletrotècnica) o a 1 N × m/s (newton pro metros a su segundu).
Su watt pigat su nùmene dae James Watt pro su contributu suo in s'isvilupu de sa màchina a papore.
- .
In eletrotècnica s'impreant fintzas su voltampere (VA) e su voltampere reativu (var) comente a unidade de mesura, de pare a pare, de sa potèntzia aparente e de sa potèntzia reativa.
Su watt, una medida de potèntzia, no bolet confùndidu cun su wattora e cun is mùltiplos suos chi sunt una medida de energia (potèntzia × tempus). Custa ùrtima currispondet a s'energia prodùida dae una potèntzia de unu watt pro un'ora, duncas 3 600 joule. No apartenet a su Sistema Internatzionale, ca cuntenet sa medida de su tempus in oras. Duncas una lampadina chi impreat 100 W, in duas oras consumat 200 Wh (720000 J).
Watt tèrmicu e elètricu
modìficaPro una tzentrale termoelètrica, siat a combustìbiles fòssiles siat nucleares, de sòlitu si distinghet su Megawatt elètricu (MWe) e su Megawatt tèrmicu (MWt).[2]
Sunt ambas unidades de medida de potèntzia (in Watt), chi faghet a summare intre issas, ma càmbiant meda in balore segundu su rendimentu mèdiu de sa tzentrale ispetzìfica.
In àteros faeddos, una tzentrale termoelètrica de 2000 Megawatt de potèntzia tèrmica nominale, cun unu rendimentu (mèdiu) de su 50%, at a emìtere in sa retza unos 1000 Megawatt de potèntzia elètrica efetiva.[3]
Riferimentos
modìfica- ↑ 1.0 1.1 (EN) IUPAC Gold Book, "watt"
- ↑ Elie Lévy, Diccionario Akal de Física, Ediciones AKAL, 1992, p. 846, ISBN 978-84-460-0144-7.
- ↑ Piano d'Azione Italiano per l'Efficienza Energetica (PDF), in ec.europa.eu, luglio 2014, p. 17. URL consultadu su 9 maggio 2018.