ᱵᱤᱱᱟᱭᱚᱠ ᱟᱪᱟᱨᱭᱚ
| ᱵᱤᱱᱟᱭᱚᱠ ᱟᱪᱟᱨᱭᱚ | |
|---|---|
| ବିନାୟକ ଆଚାର୍ଯ୍ୟ | |
 | |
| 9th ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱙ ᱰᱤᱥᱮᱢᱵᱚᱨ ᱑᱙᱗᱖ – ᱓᱐ ᱮᱯᱨᱤᱞ ᱑᱙᱗᱗[᱑] | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱱᱚᱱᱫᱤᱱᱤ ᱥᱚᱛᱷᱯᱚᱛᱷᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱱᱤᱲᱚᱢᱚᱬᱤ ᱨᱟᱣᱛᱨᱟᱭ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱓᱐ ᱚᱜᱚᱥᱴ ᱑᱙᱑᱘ ᱵᱚᱨᱦᱚᱢᱯᱩᱨ, ᱜᱚᱧᱡᱟᱢ ᱦᱚᱱᱚᱛ, ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ, ᱵᱽᱨᱤᱴᱤᱥ ᱤᱱᱰᱤᱭᱟ (ᱱᱤᱛᱚᱜ ᱫᱚ ᱳᱰᱤᱥᱟ ᱨᱮ) |
| ᱜᱩᱨ | ᱑᱑ ᱰᱤᱥᱮᱢᱵᱚᱨ ᱑᱙᱘᱓ (᱖᱕ ᱵᱚᱭᱚᱥ) |
| ᱨᱟᱡᱽᱟᱹᱨᱤ ᱫᱚᱞ | ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱵᱷᱟᱜᱽᱭᱚᱞᱚᱛᱟ ᱢᱤᱥᱨᱚ |
| ᱦᱚᱯᱚᱱ | ᱓ ᱦᱚᱯᱚᱱ : ᱚᱨᱡᱩᱱ ᱟᱪᱟᱨᱭᱚ, ᱥᱚᱨᱚᱛ ᱟᱪᱟᱨᱭᱚ ᱟᱨ ᱥᱤᱥᱤᱨᱟ ᱟᱪᱟᱨᱭᱚ , ᱓ ᱦᱚᱯᱚᱱ ᱮᱨᱟ : ᱥᱳᱵᱷᱟ, ᱥᱚᱨᱳᱡᱤᱱᱤ ᱟᱨ ᱠᱩᱢᱩᱫᱤᱱᱤ |
| ᱫᱷᱚᱨᱚᱢ | ᱦᱤᱱᱫᱩ |
ᱵᱤᱱᱟᱭᱚᱠ ᱟᱪᱟᱨᱭᱚ ᱫᱚ ᱑᱙᱑᱘ ᱥᱟᱞᱮᱨᱮ ᱚᱜᱚᱥᱴ ᱪᱟᱸᱫᱚ ᱓᱐ ᱢᱟᱹᱦᱤᱛ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱵᱚᱸᱜᱟ ᱫᱤᱥᱚᱢ ᱟᱠᱟᱱ ᱢᱟᱱᱚᱛᱟᱱ ᱨᱚᱜᱷᱩᱱᱟᱛᱷ ᱟᱪᱟᱨᱭᱚ ᱾ ᱩᱱᱤ ᱫᱚ ᱵᱟᱰᱚᱦᱤ ᱦᱩᱫᱟᱹᱨᱮ +᱓ ᱥᱟᱹᱛ ᱠᱟᱛᱮ ᱢᱟᱪᱮᱛᱚᱜ ᱞᱟᱹᱜᱤᱫ ᱛᱟᱹᱞᱤᱢ ᱮ ᱦᱟᱛᱟᱣ ᱞᱮᱫ-ᱟ ᱾ ᱨᱟᱡᱽᱟᱹᱨᱤ ᱨᱮ ᱥᱮᱞᱮᱫᱚᱜ ᱞᱟᱦᱟᱨᱮ ᱩᱱᱤ ᱫᱚ ᱢᱟᱪᱮᱛ ᱠᱟᱹᱢᱤᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱯᱟᱛᱷᱟᱢ ᱯᱟᱲᱦᱟᱣ ᱫᱚ ᱟᱡᱟᱜ ᱟᱨ ᱢᱤᱫ ᱨᱟᱹᱥᱠᱟᱹ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱫᱚ ᱟᱡ ᱨᱤᱱ ᱜᱟᱛᱮ ᱡᱚᱴᱟᱣ ᱠᱚ ᱥᱟᱶ ᱨᱟᱡᱽᱟᱹᱨᱤ ᱪᱮᱛᱟᱱ ᱨᱮᱭ ᱪᱟᱨᱪᱟ ᱮᱫ ᱛᱟᱦᱮᱸᱫ ᱾ ᱡᱟᱦᱟᱸ ᱫᱚ ᱟᱡ ᱛᱟᱭᱚᱢ ᱵᱤᱫᱟᱹᱞ ᱡᱤᱭᱚᱱ ᱨᱮ ᱨᱟᱡᱽᱟᱹᱨᱤ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱩᱫᱽᱜᱟᱹᱣ ᱮ ᱡᱚᱜᱟᱣ ᱟᱫᱮ ᱛᱟᱦᱮᱸᱫ ᱾ ᱑᱙᱔᱒ ᱥᱟᱞᱮᱨᱮ ᱦᱩᱭ ᱞᱮᱱ ᱥᱤᱧᱚᱛ ᱵᱟᱹᱜᱤᱱ ᱦᱩᱞᱥᱟᱹᱭ ᱨᱮ ᱩᱱᱤ ᱫᱚ ᱥᱮᱞᱮᱫ ᱠᱟᱛᱮ ᱡᱤᱦᱚᱞ ᱨᱮ ᱢᱮᱱᱟᱜ ᱟᱠᱟᱫ ᱠᱚ ᱠᱟᱹᱭᱫᱷᱤ ᱠᱚ ᱨᱤᱱ ᱜᱷᱟᱨᱚᱸᱡᱤᱭᱟᱹ ᱠᱚ ᱧᱮᱞ ᱡᱚᱛᱚᱱ ᱞᱮᱫ ᱠᱚᱣᱟ ᱾
ᱚᱱᱟᱛᱮ ᱯᱩᱞᱤᱥ ᱠᱚᱣᱟᱜ ᱥᱚᱢᱫᱟᱱ ᱚᱠᱛᱚ ᱨᱮᱫᱚ ᱟᱡ ᱫᱟᱫᱟ ᱥᱚᱛᱭᱚᱱᱟᱨᱟᱭᱚᱱ ᱟᱪᱟᱨᱭᱚ ᱥᱟᱵ ᱦᱚᱪᱚ ᱞᱮᱱ ᱛᱟᱦᱮᱸᱫ ᱟᱨ ᱟᱡ ᱜᱮᱠᱚ ᱡᱤᱦᱚᱞ ᱞᱮᱫᱮ ᱛᱟᱦᱮᱸᱫ ᱾ ᱟᱡᱟᱜ ᱨᱟᱡᱽᱟᱹᱨᱤ ᱡᱤᱭᱚᱱ ᱑᱙᱖᱗ ᱥᱟᱞᱮᱨᱮ ᱮᱛᱚᱦᱚᱵ ᱞᱮᱱ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱵᱤᱫᱷᱟᱭᱚᱵ ᱞᱟᱹᱜᱤᱫ ᱵᱟᱪᱷᱱᱟᱣᱨᱮ ᱫᱟᱣᱮ ᱦᱟᱛᱟᱣ ᱞᱮᱫ-ᱟ ᱾ ᱟᱡ ᱫᱚ ᱑᱙᱖᱗ ᱟᱨ ᱑᱙᱗᱑ ᱨᱮ ᱵᱟᱨ ᱫᱷᱟᱣ ᱵᱤᱫᱷᱟᱭᱚᱠ ᱞᱮᱠᱟᱛᱮ ᱵᱚᱨᱦᱚᱢᱯᱩᱨ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾ ᱑᱙᱖᱗ ᱠᱷᱚᱱ ᱑᱙᱗᱒ ᱫᱷᱟᱹᱨᱤᱡ ᱵᱮᱯᱟᱦᱴᱟ ᱜᱟᱫᱮᱞ ᱨᱮᱱᱟᱜ ᱧᱮᱞ ᱡᱚᱛᱚᱱ ᱦᱚᱸ ᱟᱡᱟᱜ ᱛᱟᱹᱨᱤ ᱨᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱒᱙ ᱰᱤᱥᱮᱢᱵᱚᱨ ᱑᱙᱗᱖ ᱠᱷᱚᱱ ᱓᱐ ᱮᱯᱨᱤᱞ ᱑᱙᱗᱗ ᱫᱷᱟᱹᱨᱤᱡ ᱫᱟᱹᱭᱛᱚᱭ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱑᱑ ᱰᱤᱥᱮᱢᱵᱚᱨ ᱑᱙᱘᱓ ᱨᱮ ᱟᱡᱟᱜ ᱡᱤᱣᱤᱵᱟᱹᱛᱤ ᱫᱚ ᱡᱟᱭᱡᱩᱜᱽ ᱞᱟᱹᱜᱤᱫ ᱤᱬᱤᱡ ᱥᱟᱹᱨᱤ ᱞᱮᱱᱟ ᱾ ᱟᱪᱟᱨᱭᱚᱣᱟᱜ ᱜᱩᱨ ᱛᱟᱭᱚᱢ ᱟᱡᱟᱜ ᱩᱱᱩᱭᱦᱟᱹᱨ ᱛᱮ ᱵᱚᱨᱦᱚᱢᱯᱩᱨ ᱨᱮ ᱥᱚᱨᱠᱟᱨ ᱫᱚ ᱵᱤᱱᱟᱭᱚᱠ ᱟᱪᱟᱨᱭᱚ ᱡᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱢᱤᱫ ᱩᱱᱩᱥᱩᱞ ᱟᱥᱲᱟ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱡᱟᱦᱟᱸ ᱫᱚ ᱟᱡᱟᱜ ᱧᱩᱛᱩᱢ ᱨᱮ ᱪᱷᱟᱹᱴᱭᱟᱹᱨ ᱟᱠᱟᱱᱟ ᱾ [᱒]
ᱩᱯᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱱᱟᱭᱚᱠ ᱟᱪᱟᱨᱭᱚ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱒᱙ ᱰᱤᱥᱮᱢᱵᱚᱨ ᱑᱙᱗᱖ ᱠᱷᱚᱱ ᱓᱐ ᱮᱯᱨᱤᱞ ᱑᱙᱗᱗ ᱫᱷᱟᱹᱨᱤᱡ ᱳᱰᱤᱥᱟ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱓᱐ ᱚᱜᱚᱥᱴ ᱑᱙᱑᱘ ᱥᱟᱞᱮᱨᱮ ᱵᱚᱨᱦᱚᱢᱯᱩᱨ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱨ ᱑᱑ ᱰᱤᱥᱮᱢᱵᱚᱨ ᱑᱙᱘᱓ ᱨᱮ ᱩᱱᱤ ᱫᱚ ᱟᱵᱚ ᱠᱚ ᱛᱟᱞᱟ ᱠᱷᱚᱱ ᱡᱟᱭᱡᱩᱜᱽ ᱞᱟᱹᱜᱤᱫ ᱵᱤᱫᱟᱹᱭ ᱮ ᱦᱟᱛᱟᱣ ᱞᱮᱫ-ᱟ ᱾ ᱟᱡᱟᱜ ᱨᱟᱡᱽᱟᱹᱨᱤᱭᱟᱹ ᱫᱚᱞ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱯᱟᱴᱤ ᱛᱟᱦᱮᱸ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Brief History of Odisha Legislative Assembly Since 1937". ws.ori.nic.in. 2011. Archived from the original on ᱓ ᱢᱟᱨᱪ ᱒᱐᱑᱒. Retrieved ᱒᱑ ᱮᱯᱨᱤᱞ ᱒᱐᱑᱒.
NAME OF THE CHIEF MINISTERS OF Odisha
{{cite web}}: Check date values in:|accessdate=and|archivedate=(help) - ↑ http://orissa.gov.in/e-magazine/orissaannualreference/ORA-2004/pdf/biodata_CM_orissa.pdf
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱳᱰᱤᱥᱟ ᱴᱚᱴᱷᱟ | |
|---|---|
| ᱳᱰᱤᱥᱟ (ᱢᱩᱬ ᱳᱰᱤᱥᱟ) | |
