ᱰᱤᱯᱷᱩ

ᱰᱤᱯᱷᱩ
ᱰᱤᱯᱷᱩ
ᱱᱚᱜᱚᱨ
	ᱰᱤᱯᱷᱩ ᱵᱩᱨᱩ
	ᱰᱤᱯᱷᱩ ᱰᱤᱯᱷᱩᱥᱤᱧᱚᱛ ᱨᱮᱱᱟᱜ ᱟᱥᱟᱢ ᱨᱮ ᱴᱷᱟᱶ
	Coordinates: 25°50′N 93°26′E / 25.83°N 93.43°ECoordinates: 25°50′N 93°26′E / 25.83°N 93.43°E
ᱫᱤᱥᱚᱢ	ᱥᱤᱧᱚᱛ
ᱦᱚᱱᱚᱛ	ᱠᱟᱨᱵᱤ ᱟᱝᱞᱟᱝ
ᱡᱚᱜᱚ-ᱛᱷᱚᱱᱚᱛ	ᱞᱩᱢᱵᱟᱡᱚᱝ
ᱥᱚᱨᱠᱟᱨ
• ᱪᱟᱪᱞᱟᱣ	ᱠᱟᱨᱵᱤ ᱟᱝᱞᱟᱝ ᱚᱴᱚᱱᱚᱢᱚᱥ ᱵᱟᱹᱭᱥᱤ
ᱩᱥᱩᱞ	186 ᱢᱤᱴᱚᱨ (610 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱖᱑,᱗᱙᱗
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	Assamese ᱟᱨ ᱤᱝᱞᱤᱥ
• ᱨᱚᱲ	ᱚᱥᱚᱢᱤᱭᱟ,ᱦᱤᱱᱫᱤ, ᱠᱟᱨᱵᱤ, ᱰᱤᱢᱟᱥᱟ, ᱵᱟᱝᱞᱟ ᱟᱨ ᱤᱝᱞᱤᱥ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱘᱒᱔᱖᱐, ᱗᱘᱒᱔᱖᱒
Telephone code	᱐᱓᱖᱗᱑
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	IN-AS
ᱜᱟᱹᱰᱤ ᱨᱤᱡᱤᱥᱴᱨᱤ	AS-09

ᱱᱚᱶᱟ ᱚᱱᱚᱞ ᱫᱚ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱢᱚᱬᱮ ᱥᱮᱨᱢᱟ ᱯᱩᱨᱟᱹᱣ ᱥᱟᱯᱟᱲᱟᱣ ᱒᱐᱒᱓ ᱨᱮ ᱥᱟᱯᱲᱟᱣ ᱟᱠᱟᱱᱟ ᱾

ᱰᱤᱯᱷᱩ ᱫᱚ ᱥᱤᱧᱚᱛ ᱨᱮᱱᱟᱜ ᱟᱥᱟᱢ ᱯᱚᱱᱚᱛ ᱨᱮᱱᱟᱜ ᱠᱟᱨᱵᱤ ᱟᱝᱞᱚᱝ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱦᱩᱰᱤᱧ ᱫᱷᱟᱨᱟ ᱦᱟᱜ ᱥᱚᱦᱚᱨ ᱫᱚ ᱥᱩᱨᱥᱩᱯᱩᱨᱨ ᱥᱚᱦᱚᱨ ᱨᱤᱱ ᱦᱚᱲ ᱠᱚ ᱞᱟᱹᱜᱤᱫ ᱢᱤᱫᱴᱟᱹᱝ ᱞᱟᱹᱠᱛᱤᱭᱟᱱ ᱧᱮᱞᱡᱚᱝ ᱵᱩᱨᱩ ᱴᱷᱟᱶ ᱢᱮᱱᱟᱜᱼᱟ ᱾

ᱪᱷᱟᱹᱴᱭᱟᱹᱨ

"ᱰᱤᱯᱷᱩ" ᱟᱹᱲᱟᱹ ᱫᱚ ᱰᱤᱢᱟᱥᱟ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ, ᱱᱚᱣᱟ ᱨᱮᱱᱟᱜ ᱟᱹᱲᱟᱹ ᱫᱚ ᱯᱩᱸᱰ ᱫᱟᱜ (ᱫᱟᱜ ᱞᱟᱹᱜᱤᱫ ᱛᱮ ᱰᱤ, ᱟᱨ ᱯᱷᱩ ᱞᱟᱹᱜᱤᱫ ᱛᱮ ᱯᱩᱸᱰ) ᱾ ᱱᱟᱜᱟᱨᱤᱭᱟᱹ ᱞᱮᱠᱟᱛᱮ, ᱱᱚᱣᱟ ᱠᱚ ᱢᱮᱱᱟ ᱡᱮ ᱰᱤᱯᱷᱩ ᱨᱮ ᱞᱤᱸᱜᱤᱱ ᱫᱟᱜ ᱥᱤᱡᱮᱱ ᱨᱮ ᱢᱟᱨᱟᱝ ᱛᱮ ᱥᱮᱰᱤᱢᱮᱱᱴ ᱮ ᱟᱜᱩᱭᱟ, ᱡᱟᱦᱟᱸ ᱫᱚ ᱱᱚᱣᱟ ᱨᱚᱝ ᱯᱩᱸᱰᱩᱜᱼᱟ, ᱚᱱᱟ ᱞᱟᱹᱜᱤᱫ ᱛᱮ ᱱᱚᱣᱟ ᱧᱩᱛᱩᱢ ᱫᱚ ᱫᱚᱦᱚ ᱮᱱᱟ ᱾

ᱚᱛᱱᱚᱜ

ᱰᱤᱯᱷᱩ 25°50′N 93°26′E / 25.83°N 93.43°E / 25.83; 93.43 ᱨᱮ ᱢᱮᱱᱟᱜᱼᱟ ᱾^[᱑] ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱑᱘᱖ ᱢᱤᱴᱚᱨ (᱖᱑᱐ ᱯᱷᱤᱴ) ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱜᱩᱣᱟᱦᱟᱴᱤ ᱠᱷᱚᱱ ᱥᱚᱲᱚᱠ ᱰᱟᱦᱟᱨ ᱛᱮ ᱒᱗᱐ ᱠᱤᱞᱚᱢᱤᱴᱚᱨ ᱟᱨ ᱨᱮᱞ ᱦᱚᱛᱮᱛᱮ ᱫᱚ ᱒᱑᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱢᱤᱫᱴᱟᱹᱝ ᱪᱚᱨᱚᱠ ᱵᱩᱨᱩ ᱨᱮ ᱢᱮᱱᱟᱜᱼᱟ ᱾

ᱦᱚᱲ ᱮᱞ

᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,^[᱒] ᱰᱤᱯᱷᱩ ᱨᱤᱱ ᱦᱚᱲ ᱮᱞ ᱫᱚ ᱖᱓,᱖᱕᱔ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱦᱚᱲ ᱮᱞ ᱞᱮᱠᱟᱛᱮ, ᱱᱚᱣᱟ ᱫᱚᱥᱟᱨ ᱛᱷᱚᱠ ᱨᱮᱱᱟᱜ ᱥᱚᱦᱚᱨ (᱕᱐,᱐᱐᱐ ᱟᱨ ᱙᱙,᱙᱙᱙ ᱦᱚᱲ ᱢᱩᱫᱽ ᱨᱮ) ᱞᱮᱠᱟᱛᱮ ᱛᱷᱚᱠ ᱟᱠᱟᱱᱟ ᱾ ᱦᱚᱲ ᱮᱞ ᱨᱮ ᱠᱚᱲᱟ ᱫᱚ ᱕᱒% ᱟᱨ ᱛᱤᱨᱞᱟᱹ ᱫᱚ ᱔᱘% ᱢᱮᱱᱟᱜ ᱠᱚᱣᱟ ᱾ ᱰᱤᱯᱷᱩ ᱨᱮᱱᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱙᱐% ᱢᱮᱱᱟᱜᱼᱟ, ᱱᱚᱣᱟ ᱫᱚ ᱡᱟᱹᱛᱤᱭᱟᱹᱨᱤ ᱥᱤᱠᱷᱱᱟᱹᱛ ᱕᱙.᱕% ᱠᱷᱚᱱ ᱫᱚ ᱰᱮᱦᱮᱨ ᱜᱮᱭᱟ ᱾ ᱠᱚᱲᱟ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱙᱔% ᱟᱨ ᱛᱤᱨᱞᱟᱹ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚ ᱘᱖% ᱢᱮᱱᱟᱜᱼᱟ ᱾ ᱰᱤᱯᱷᱩ ᱨᱮ, ᱑᱓% ᱦᱚᱲ ᱫᱚ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾ ᱰᱤᱯᱷᱩ ᱨᱮ ᱛᱟᱦᱮᱸᱱ ᱦᱚᱲ ᱠᱚᱣᱟᱜ ᱢᱩᱬ ᱵᱟᱹᱥᱤ ᱠᱚᱫᱚ ᱠᱟᱨᱵᱤ, ᱦᱤᱢᱟᱥᱟ ᱠᱚᱪᱟᱨᱤ, ᱜᱟᱨᱳ ᱠᱚᱪᱟᱨᱤ, ᱵᱳᱨᱳ ᱠᱚᱪᱟᱨᱤ ᱟᱨ ᱨᱮᱝᱢᱟ ᱱᱟᱜᱟ ᱢᱮᱱᱟᱜ ᱠᱚᱣᱟ ᱾

ᱯᱟᱹᱨᱥᱤ

ᱰᱤᱯᱷᱩ ᱨᱮ ᱨᱚᱲᱼᱮᱫ ᱯᱟᱹᱨᱥᱤ ᱠᱚᱫᱚ (᱒᱐᱑᱑)^[᱓]

ᱠᱟᱨᱵᱤ (40.53%)

ᱵᱟᱝᱞᱟ (21.68%)

ᱚᱥᱚᱢᱤᱭᱟ (12.96%)

ᱦᱤᱱᱫᱤ (8.54%)

ᱱᱮᱯᱟᱞᱤ (4.37%)

ᱵᱳᱰᱳ (3.09%)

ᱮᱴᱟᱜ ᱠᱚ (8.83%)

᱒᱕,᱐᱔᱕ ᱟᱹᱲᱟᱹ ᱥᱟᱶᱛᱮ ᱠᱟᱨᱵᱤ ᱯᱟᱹᱨᱥᱤ ᱫᱚ ᱡᱟᱹᱥᱛᱤ ᱨᱚᱲᱼᱮᱫ ᱯᱟᱹᱨᱥᱤ ᱠᱟᱱᱟ, ᱚᱱᱟ ᱛᱟᱭᱚᱢ ᱑᱓,᱔᱐᱐ ᱦᱚᱲ ᱫᱚ ᱵᱟᱝᱞᱟ ᱟᱨ ᱘,᱐᱐᱗ ᱦᱚᱲ ᱫᱚ ᱚᱥᱚᱢᱤᱭᱟ ᱠᱚ ᱨᱚᱲᱟ, ᱕,᱒᱗᱗ ᱦᱚᱲ ᱫᱚ ᱦᱤᱱᱫᱤ ᱠᱚ ᱨᱚᱲᱟ, ᱑,᱙᱐᱙ ᱦᱚᱲ ᱫᱚ ᱵᱳᱰᱳ ᱟᱨ ᱒,᱗᱑᱒ ᱦᱚᱲ ᱫᱚ ᱱᱮᱯᱟᱞᱤ ᱠᱚ ᱨᱚᱲᱟ ᱾

ᱥᱮᱪᱮᱫ ᱥᱚᱸᱥᱛᱷᱟᱱ

ᱟᱥᱟᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱰᱤᱯᱷᱩ ᱚᱲᱟᱜ^[᱔]
ᱰᱤᱯᱷᱩ ᱥᱚᱨᱠᱟᱨᱤ ᱠᱚᱞᱮᱡᱽ
ᱰᱤᱯᱷᱩ ᱞᱚ ᱠᱚᱞᱮᱡᱽ
ᱰᱤᱯᱷᱩ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ
ᱤᱱᱰᱟᱥᱴᱨᱤᱭᱟᱞ ᱴᱨᱮᱱᱤᱝ ᱤᱸᱥᱴᱤᱴᱭᱩᱴ (ᱟᱭᱤ ᱴᱤ ᱟᱭᱤ)
ᱯᱨᱮᱥᱵᱤᱴᱮᱨᱤᱭᱚᱱ ᱢᱤᱥᱚᱱ ᱤᱥᱠᱩᱞ

ᱦᱮᱡ ᱥᱮᱱ

ᱥᱚᱲᱚᱠ

ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱒᱙ᱮ ᱫᱚ ᱥᱚᱦᱚᱨ ᱵᱟᱦᱨᱮ ᱴᱷᱟᱶ ᱞᱮᱠᱟᱛᱮ ᱡᱚᱲᱟᱣᱜᱼᱟ ᱾ ᱰᱤᱯᱷᱩ ᱫᱚ ᱥᱚᱨᱠᱟᱨᱤ ᱟᱨ ᱱᱤᱡᱮ ᱵᱟᱥ ᱦᱚᱛᱮᱛᱮ ᱟᱥᱟᱢ ᱨᱮᱱᱟᱜ ᱟᱭᱢᱟ ᱦᱚᱱᱚᱛ ᱟᱨ ᱞᱟᱹᱠᱛᱤᱭᱟᱱ ᱥᱚᱦᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱠᱟᱨ ᱦᱚᱸ ᱥᱩᱨᱥᱩᱯᱩᱨᱨ ᱨᱮᱱᱟᱜ ᱥᱚᱦᱚᱨ ᱟᱨ ᱴᱷᱟᱶ ᱛᱟᱞᱟ ᱛᱮ ᱥᱮᱱᱚᱜᱼᱟ ᱾ ᱚᱴᱚ ᱨᱤᱠᱥᱟ ᱫᱚ ᱥᱚᱦᱚᱨ ᱵᱷᱤᱛᱤᱨ ᱛᱮ ᱜᱟᱹᱰᱤ ᱨᱮᱱᱟᱜ ᱢᱩᱬ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾

ᱨᱮᱞ

ᱱᱚᱣᱟ ᱥᱚᱦᱚᱨ ᱫᱚ ᱠᱚᱧᱮ ᱥᱟᱢᱟᱝ ᱥᱤᱢᱟᱹ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱰᱤᱯᱷᱩ ᱨᱮᱞᱣᱮ ᱥᱴᱮᱥᱚᱱ ᱦᱚᱛᱮᱛᱮ ᱥᱮᱵᱟᱭᱟ ᱟᱨ ᱞᱩᱢᱰᱤᱝ-ᱰᱤᱵᱽᱨᱩᱜᱚᱲ ᱠᱷᱚᱸᱰ ᱨᱮ ᱢᱮᱱᱟᱜᱼᱟ ᱾ ᱟᱹᱰᱤ ᱜᱟᱱ ᱞᱟᱹᱠᱛᱤᱭᱟᱱ ᱴᱨᱮᱱ ᱫᱚ ᱥᱚᱦᱚᱨᱮ ᱡᱚᱲᱟᱣ ᱟᱠᱟᱱᱟ ᱡᱮᱞᱮᱠᱟ ᱰᱤᱵᱽᱨᱩᱜᱚᱲ ᱨᱟᱡᱽᱫᱷᱟᱱᱤ ᱮᱠᱥᱯᱨᱮᱥ, ᱵᱨᱚᱦᱢᱟᱯᱩᱛᱨᱟ ᱢᱮᱞ, ᱠᱟᱢᱨᱩᱯ ᱮᱠᱥᱯᱨᱮᱥ, ᱡᱟᱱ ᱥᱚᱛᱟᱵᱽᱫᱤ ᱮᱠᱥᱯᱨᱮᱥ, ᱪᱚᱱᱰᱤᱜᱚᱲ ᱮᱠᱥᱯᱨᱮᱥ, ᱱᱟᱜᱟᱞᱮᱱᱰ ᱮᱠᱥᱯᱨᱮᱥ ᱮᱢᱟᱱ ᱾

ᱨᱟᱡᱽᱟᱹᱨᱤ

ᱰᱤᱯᱷᱩ ᱥᱚᱦᱚᱨ ᱫᱚ ᱰᱤᱯᱷᱩ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮ ᱦᱤᱡᱩᱜᱼᱟ ᱾ ᱱᱚᱣᱟ ᱵᱟᱪᱷᱱᱟᱣ ᱴᱚᱴᱷᱟ ᱫᱚ ᱚᱴᱚᱱᱚᱢᱚᱥ ᱦᱚᱱᱚᱛ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾^[᱕]

ᱥᱟᱹᱠᱷᱭᱟᱹᱛ

↑ Falling Rain Genomics, Inc - Diphu
↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
↑ https://censusindia.gov.in/2011census/C-16T/DDW-C16-TOWN-STMT-MDDS-1800.XLSX. {{cite web}}: Missing or empty |title= (help)
↑ "Assam University Diphu Campus"
↑ "List of Parliamentary & Assembly Constituencies" (PDF). Assam. Election Commission of India. Archived from the original (PDF) on 2006-05-04. Retrieved 2008-10-05.

ᱵᱟᱦᱨᱮ ᱡᱚᱱᱚᱲ

ᱪᱷᱟᱸᱪ:ᱥᱤᱧᱚᱛᱤᱭᱟᱹ ᱯᱚᱱᱚᱛ ᱪᱷᱟᱸᱪ

[1] Falling Rain Genomics, Inc - Diphu

[2] "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

[censuslang-3] ttps://censusindia.gov.in/2011census/C-16T/DDW-C16-TOWN-STMT-MDDS-1800.XLSX. {{cite web}}: Missing or empty |title= (help)

[4] "Assam University Diphu Campus"

[5] "List of Parliamentary & Assembly Constituencies" (PDF). Assam. Election Commission of India. Archived from the original (PDF) on 2006-05-04. Retrieved 2008-10-05.

[᱑]

[᱒]

[᱓]

[᱔]

[᱕]