ᱥᱤᱨᱤᱭᱟ
ᱥᱤᱨᱤᱭᱟ (ᱟᱨᱚᱵᱤᱠ: السورية ᱟᱥᱩᱨᱤᱭᱟ ; ᱤᱝᱞᱤᱥ: Syria) ᱫᱚ ᱛᱟᱞᱟ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱢᱤᱫ ᱫᱤᱥᱚᱢ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱚᱯᱷᱤᱥᱤᱭᱟᱞ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱟᱨᱚᱵᱽ ᱨᱤᱵᱚᱵᱽᱞᱤᱥᱤᱭᱟᱱ ᱥᱤᱨᱤᱭᱟ (الجمهورية العربية السورية Alzumhuriya Lārābīā Sāsurīya ) ᱾
ᱱᱚᱶᱟ ᱨᱮᱱᱟᱜ ᱥᱤᱢᱟᱹ ᱫᱷᱟᱨᱮ ᱨᱮ ᱞᱮᱵᱟᱱᱚᱱ, ᱤᱥᱨᱟᱭᱮᱞ, ᱡᱚᱨᱰᱟᱱ, ᱤᱨᱟᱠ ᱟᱨ ᱛᱩᱨᱠᱤ ᱮᱢᱟᱱ ᱫᱤᱥᱚᱢ ᱠᱚ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱯᱟᱪᱮ ᱥᱦᱮᱫ ᱫᱚ ᱢᱮᱰᱤᱴᱮᱨᱟᱱᱮᱭᱟᱱ ᱥᱟᱹᱢᱩᱸᱫ ᱥᱮᱫ ᱥᱟᱢᱟᱝ ᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱮᱛᱚᱢ ᱟᱨ ᱥᱟᱢᱟᱝ ᱥᱮᱦᱮᱫ ᱨᱮ ᱫᱚ ᱩᱥᱩᱞ ᱵᱩᱨᱩ ᱢᱮᱱᱟᱜᱼᱟ ᱾
ᱱᱤᱛᱚᱜ ᱫᱚ ᱚᱸᱰᱮᱱᱤᱡ ᱯᱟᱨᱥᱮᱛ ᱜᱚᱢᱠᱮ ᱞᱮᱠᱟᱛᱮ ᱵᱟᱥᱟᱨ ᱟᱞ-ᱟᱥᱟᱫᱽ ᱢᱮᱱᱟᱭᱟ ᱾ ᱥᱤᱨᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱰᱟᱢᱟᱥᱠᱚᱥ ᱾ ᱱᱚᱸᱰᱮᱱᱟᱜ ᱡᱚᱛᱚ ᱠᱷᱚᱱᱢᱟᱨᱟᱝ ᱱᱟᱜᱟᱨ ᱫᱚ ᱦᱩᱭᱩᱜ ᱠᱟᱱᱟ ᱟᱞᱮᱯᱯᱚ ᱾ ᱥᱤᱨᱤᱭᱟ ᱥᱤᱵᱷᱤᱞᱤᱭᱟᱱ ᱞᱟᱹᱲᱦᱟᱹᱭ ᱫᱚ ᱒᱐᱑᱑ ᱥᱟᱞᱮ ᱨᱮ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾
ᱥᱤᱨᱤᱭᱟ ᱨᱤᱱ ᱦᱚᱲ ᱞᱮᱠᱷᱟ ᱫᱚ ᱗᱔% ᱥᱩᱱᱤ, ᱑᱒% ᱟᱞᱟᱣᱤ, ᱑᱐% ᱠᱤᱨᱤᱥᱛᱟᱱ ᱟᱨ ᱓% ᱰᱨᱩᱡᱤ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱨᱤᱭᱟ ᱨᱮᱱᱟᱜ ᱫᱚ ᱟᱹᱰᱤ ᱡᱤᱞᱤᱧ ᱱᱟᱜᱟᱢ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱯᱷᱚᱱᱮᱥᱤᱭᱟᱱ ᱠᱚᱣᱟᱜ ᱚᱛ ᱦᱟᱥᱟ ᱫᱤᱥᱚᱢ ᱠᱟᱱᱟ ᱾ ᱛᱟᱭᱚᱢ ᱛᱮ ᱱᱚᱶᱟ ᱫᱚ ᱟᱪᱮᱢᱮᱱᱤᱰ ᱥᱚᱢᱨᱟᱡᱽ, ᱨᱚᱢᱟᱱ ᱥᱟᱢᱨᱟᱡᱽ ᱟᱨ ᱚᱱᱟ ᱛᱟᱭᱚᱢ ᱥᱟᱢᱟᱝ ᱨᱚᱢᱟᱱ ᱥᱟᱢᱨᱟᱡᱽ ᱨᱮ ᱢᱮᱥᱟ ᱞᱮᱱ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱚᱸᱰᱮᱱ ᱦᱚᱲ ᱫᱚ ᱥᱤᱨᱤᱭᱟᱠ ᱯᱟᱹᱨᱥᱤ ᱯᱟᱹᱨᱥᱤ ᱠᱚ ᱨᱚᱥᱮᱫ ᱛᱟᱦᱮᱸᱫ ᱾ ᱟᱱᱴᱤᱱᱚᱪ ᱱᱟᱜᱟᱨ ᱫᱚ ᱠᱨᱤᱥᱴᱮᱱᱰᱚᱢ ᱨᱮᱱᱟᱜ ᱢᱟᱨᱟᱝ ᱟᱨ ᱞᱟᱹᱠᱛᱤᱭᱟᱱᱟᱜ ᱱᱟᱜᱟᱨ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱟᱨᱚᱵᱽ ᱥᱟᱢᱨᱟᱡᱽ ᱦᱚᱲ ᱫᱚ ᱟᱨᱚᱵᱚᱠ ᱯᱟᱹᱨᱥᱤ ᱨᱚᱲ ᱠᱚ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱱᱛᱟᱨ ᱟᱭᱢᱟ ᱜᱟᱱ ᱥᱤᱨᱤᱭᱟ ᱨᱤᱱ ᱦᱚᱲ ᱤᱥᱞᱟᱢ ᱫᱷᱚᱨᱚᱢ ᱠᱚ ᱯᱟᱹᱛᱭᱟᱹᱣᱮᱫ ᱨᱮᱦᱚᱸ ᱚᱸᱰᱮ ᱱᱤᱛ ᱦᱚ ᱠᱤᱨᱤᱥᱛᱟᱱ ᱠᱚ ᱢᱮᱱᱟᱜ ᱠᱚ ᱜᱮᱭᱟ ᱾
ᱡᱚᱠᱷᱚᱱ ᱯᱩᱭᱞᱩ ᱡᱮᱜᱮᱛ ᱞᱟᱹᱲᱦᱟᱹᱭ ᱮᱦᱚᱵ ᱞᱮᱱᱟ, ᱩᱱ ᱡᱚᱠᱷᱟᱜ ᱚᱴᱚᱢᱟᱱ ᱥᱟᱢᱨᱟᱡᱽ ᱫᱚ ᱥᱤᱨᱤᱭᱟ ᱟᱨ ᱟᱹᱰᱤᱜᱟᱱ ᱴᱷᱟᱶ ᱮ ᱥᱟᱥᱚᱱ ᱮᱫ ᱛᱟᱦᱮᱸᱫ ᱾ ᱡᱚᱠᱷᱚᱱ ᱞᱟᱹᱲᱦᱟᱹᱭ ᱢᱩᱪᱟᱹᱫ ᱮᱱᱟ, ᱯᱷᱨᱟᱱᱥ ᱫᱚ ᱞᱮᱵᱟᱱᱚᱱ ᱟᱨ ᱥᱤᱨᱤᱭᱟᱭ ᱥᱟᱢᱵᱽᱲᱟᱣ ᱠᱮᱫᱼᱟ ᱾ ᱵᱨᱤᱴᱮᱱᱟᱜ ᱫᱚ ᱤᱨᱟᱠ, ᱡᱚᱨᱰᱟᱱ ᱟᱨ ᱯᱟᱞᱮᱥᱴᱤᱱ ᱛᱟᱦᱮᱸ ᱠᱟᱱᱟ ᱾ ᱑᱙᱒᱐ ᱥᱟᱞᱮ ᱨᱮ ᱩᱱᱠᱩ ᱢᱤᱫ ᱥᱤᱢᱟᱹ ᱠᱚ ᱵᱮᱱᱟᱣ ᱠᱮᱫᱼᱟ ᱤᱨᱟᱠ ᱟᱨ ᱥᱤᱨᱤᱭᱟ ᱛᱟᱞᱟᱨᱮ ᱾ ᱯᱷᱨᱟᱱᱥ ᱫᱚ ᱥᱤᱨᱤᱭᱟᱭ ᱥᱟᱢᱽᱲᱟᱣᱮᱫ ᱛᱟᱦᱮᱸᱫ ᱜᱮ ᱑᱙᱔᱖ ᱥᱟᱞᱮ ᱦᱟᱹᱵᱤᱡ, ᱥᱤᱨᱤᱭᱟ ᱟᱡᱟᱜ ᱢᱤᱫ ᱫᱤᱥᱚᱢ ᱛᱮᱭᱟᱨᱮᱱ ᱵᱷᱩᱨ ᱾[᱑]
![](http://upload.wikimedia.org/wikipedia/commons/thumb/c/c6/Report_of_the_Commission_Entrusted_by_the_Council_with_the_Study_of_the_Frontier_between_Syria_and_Iraq_Listen_to_this_page.png/220px-Report_of_the_Commission_Entrusted_by_the_Council_with_the_Study_of_the_Frontier_between_Syria_and_Iraq_Listen_to_this_page.png)
ᱚᱛᱱᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱨᱤᱭᱟ ᱨᱮᱱᱟᱜ ᱞᱟᱴᱤᱪᱩᱰ ᱫᱚ ᱓᱒° ᱟᱨ ᱓᱘° ᱮᱛᱚᱢ (N) ᱟᱨ ᱞᱚᱝᱜᱤᱪᱩᱰ ᱓᱕° ᱟᱨ ᱔᱓° ᱥᱟᱢᱟᱝ (E) ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮᱱᱟᱜ ᱵᱟᱹᱲᱛᱤ ᱜᱟᱱ ᱴᱷᱟᱲᱶ ᱜᱮ ᱨᱚᱦᱚᱲ ᱟᱨ ᱩᱥᱩᱞ ᱧᱚᱜ ᱨᱮ ᱢᱮᱱᱟᱜᱼᱟ ᱥᱟᱹᱢᱩᱸᱫᱽ ᱠᱷᱚᱱ ᱾ ᱢᱮᱰᱤᱴᱮᱨᱟᱱᱮᱭᱟᱱ ᱥᱟᱹᱢᱩᱸᱫ ᱛᱮ ᱵᱮᱲ ᱟᱠᱟᱱ ᱴᱷᱟᱶ ᱫᱚ ᱦᱟᱹᱨᱭᱟᱹᱲ ᱧᱮᱞᱚᱜᱼᱟ ᱾ ᱤᱣᱯᱷᱨᱮᱴᱥ ᱫᱚ ᱥᱤᱨᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱹᱠᱛᱤᱭᱟᱱ ᱜᱟᱰᱟ ᱠᱟᱱᱟ, ᱫᱤᱥᱚᱢ ᱨᱮᱱᱟᱜ ᱥᱟᱢᱟᱝ ᱱᱟᱠᱷᱟ ᱥᱮᱫ ᱛᱮ ᱞᱤᱸᱡᱤᱱ ᱠᱟᱱᱟ ᱾ ᱥᱤᱨᱤᱭᱟ ᱨᱮᱱᱟᱜ ᱦᱚᱭ ᱦᱤᱥᱤᱫ ᱫᱚ ᱨᱚᱦᱚᱲ ᱟᱨ ᱞᱚᱞᱚ ᱜᱮᱭᱟ ᱾ ᱨᱟᱵᱟᱝ ᱨᱤᱛᱩ ᱨᱮ ᱫᱚ ᱦᱟᱹᱞᱠᱟᱹ ᱜᱮᱭᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Report of the Commission Entrusted by the Council with the Study of the Frontier between Syria and Iraq". World Digital Library. 1932. Retrieved 2013-07-11.