ᱤᱱᱴᱚᱨᱱᱮᱴ
![](http://upload.wikimedia.org/wikipedia/commons/thumb/d/d2/Internet_map_1024.jpg/220px-Internet_map_1024.jpg)
ᱤᱱᱴᱚᱨᱱᱮᱴ (Internet) / ᱚᱱᱛᱚᱨ ᱡᱟᱞᱟᱢ ᱫᱚ ᱢᱤᱫ ᱡᱮᱜᱮᱛ ᱡᱟᱠᱟᱛ ᱢᱤᱞᱚᱱ ᱠᱟᱱᱟ, ᱡᱟᱦᱟᱸᱛᱮ ᱟᱯᱟᱱ ᱟᱹᱯᱤᱱ ᱠᱚᱢᱯᱩᱴᱚᱨ ᱛᱟᱞᱟ ᱨᱮ ᱛᱚᱯᱚᱞ ᱛᱟᱦᱮᱸᱱᱟ ᱾ ᱡᱟᱦᱟᱸᱫᱚ ᱠᱚᱢᱯᱩᱴᱚᱨ ᱵᱮᱵᱷᱟᱨᱤᱡ ᱟᱨᱵᱟᱝ ᱮᱴᱟᱜ ᱮᱴᱟᱜ ᱴᱷᱟᱶ ᱨᱮ ᱛᱟᱦᱮᱸᱱ ᱦᱚᱲ ᱥᱟᱶ ᱜᱮᱭᱟᱱ, ᱟᱭᱠᱟᱹᱣ ᱮᱢᱟᱱ ᱞᱮᱠᱟᱱ ᱠᱟᱛᱷᱟ ᱠᱚ ᱮᱯᱮᱢ ᱠᱚᱯᱚᱭ ᱨᱮ ᱜᱚᱲᱚᱭ ᱮᱢᱟᱠᱚᱣᱟ ᱾ ᱮᱛᱚᱦᱚᱵ ᱫᱚ ᱤᱱᱴᱚᱨᱱᱮᱴ ᱨᱮᱱᱟᱜ ᱵᱮᱵᱷᱟᱨ ᱥᱟᱬᱮᱥᱤᱭᱟᱹ ᱠᱟᱹᱢᱤ ᱴᱷᱟᱶ ᱨᱮ ᱟᱯᱟᱱ ᱟᱹᱯᱤᱱ ᱛᱟᱞᱟᱨᱮ ᱥᱟᱹᱜᱟᱹᱭ ᱡᱚᱲᱟᱣ ᱞᱟᱹᱜᱤᱫ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱚᱱᱟ ᱛᱟᱭᱚᱢ ᱱᱚᱶᱟ ᱫᱚ ᱡᱮᱜᱮᱛ ᱡᱟᱠᱟᱛ ᱤᱱᱴᱚᱨᱱᱮᱴ ᱠᱟᱫᱟᱜ-ᱟ ᱠᱚ ᱾ ᱱᱤᱛᱚᱜ ᱫᱚ ᱤᱱᱴᱚᱨᱱᱮᱴ ᱫᱟᱨᱟᱭ ᱛᱮ ᱤᱢᱮᱞ ᱧᱟᱢ / ᱠᱩᱞ ᱨᱚᱯᱚᱲ ᱮᱢᱟᱱ ᱞᱮᱠᱟᱱ ᱠᱟᱹᱢᱩ ᱟᱹᱰᱤ ᱟᱞᱜᱟ ᱛᱮ ᱦᱩᱭᱩᱜ ᱠᱟᱱᱟ, ᱚᱱᱠᱟᱛᱮ ᱟᱭᱢᱟ ᱵᱩᱜᱤ ᱵᱟᱹᱲᱤᱡ ᱥᱟᱸᱫᱮᱥ ᱠᱚ ᱦᱚᱸ ᱮᱯᱮᱢ ᱜᱟᱱᱚᱜ ᱠᱟᱱᱟ ᱾ ᱤᱱᱴᱚᱨᱱᱮᱴ ᱵᱚᱫᱚᱞ ᱟᱠᱟᱜᱮ ᱢᱮᱱᱟᱜ-ᱟ ᱚᱱᱟᱛᱮ ᱫᱤᱱᱟᱹᱢ ᱫᱤᱱᱟᱹᱢ ᱱᱟᱶᱟ ᱱᱟᱶ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱱᱤᱛᱚᱜ ᱟᱵᱚ ᱚᱲᱟᱜ ᱨᱮ ᱫᱩᱲᱩᱵ ᱠᱟᱛᱮ ᱜᱚᱴᱟ ᱫᱤᱥᱚᱢ ᱨᱮᱱᱟᱜ ᱟᱭᱢᱟ ᱞᱮᱠᱟᱱ ᱠᱟᱛᱷᱟ ᱠᱚ ᱟᱹᱰᱤ ᱞᱟᱜᱮ ᱵᱚᱱ ᱵᱟᱰᱟᱭ ᱫᱟᱲᱮᱭᱟᱜ ᱠᱟᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱱᱴᱟᱨᱱᱮᱴ ᱨᱮᱱᱟᱜ ᱱᱟᱜᱟᱢ ᱫᱚ ᱤᱱᱯᱷᱚᱨᱢᱮᱥᱚᱱ ᱛᱷᱤᱭᱚᱨᱤ ᱟᱨ ᱥᱟᱬᱮᱥᱤᱭᱟᱹ ᱟᱨ ᱤᱱᱡᱤᱱᱤᱭᱟᱨ ᱠᱚᱣᱟᱜ ᱠᱚᱢᱯᱩᱴᱟᱨ ᱱᱮᱴᱣᱟᱨᱠ ᱵᱮᱱᱟᱣ ᱟᱨ ᱡᱚᱲᱟᱣ ᱞᱟᱹᱜᱤᱫ ᱠᱟᱹᱢᱤ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱤᱱᱴᱚᱨᱱᱮᱴ ᱯᱨᱳᱴᱚᱠᱚᱞ ᱥᱩᱭᱴ, ᱤᱱᱴᱚᱨᱱᱮᱴ ᱨᱮ ᱱᱮᱴᱣᱟᱨᱠ ᱟᱨ ᱰᱤᱵᱟᱤᱥ ᱠᱚ ᱛᱟᱞᱟ ᱨᱮ ᱥᱟᱹᱜᱟᱹᱭ ᱞᱟᱹᱜᱤᱫ ᱛᱮ ᱵᱮᱵᱷᱟᱨᱚᱜ ᱠᱟᱱ ᱨᱩᱯ ᱨᱮᱱᱟᱜ ᱥᱚᱢᱚᱥᱴᱷᱤ, ᱟᱢᱮᱨᱤᱠᱟ ᱨᱮ ᱯᱨᱚᱥᱚᱸᱥᱠᱨᱤᱛ ᱟᱨ ᱯᱨᱚᱵᱷᱟᱣ ᱠᱷᱚᱱ ᱦᱮᱡ ᱞᱮᱱᱟ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱥᱟᱶᱦᱮᱫ, ᱵᱤᱥᱮᱥ ᱛᱮ ᱭᱩᱱᱟᱭᱴᱮᱰ ᱠᱮᱝᱰᱚᱢ ᱟᱨ ᱯᱷᱨᱟᱱᱥ ᱨᱮ ᱯᱨᱚᱥᱚᱸᱥᱠᱨᱤᱛ ᱠᱚ ᱥᱟᱶ ᱥᱮᱞᱮᱫ ᱞᱮᱱᱟ ᱾[᱑] ᱠᱚᱢᱯᱩᱴᱚᱨ ᱥᱟᱬᱮᱥ ᱫᱚ ᱑᱙᱕᱐ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱥᱮᱨᱢᱟ ᱨᱮ ᱢᱤᱫ ᱱᱟᱣᱟ ᱟᱹᱨᱤᱪᱟᱹᱞᱤ ᱠᱟᱱᱟ ᱡᱟᱦᱟᱸ ᱫᱚ ᱠᱚᱢᱯᱩᱴᱚᱨ ᱵᱮᱵᱷᱟᱨᱤᱭᱟᱹ ᱠᱚ ᱛᱟᱞᱟ ᱨᱮ ᱚᱠᱛᱚ ᱦᱟᱹᱴᱤᱧ ᱟᱨ ᱛᱟᱭᱚᱢ ᱛᱮ ᱣᱮᱰ ᱮᱨᱤᱭᱟ ᱱᱮᱴᱣᱟᱨᱠ ᱨᱮ ᱱᱚᱣᱟ ᱦᱟᱛᱟᱣ ᱨᱮᱱᱟᱜ ᱫᱟᱲᱮᱭ ᱵᱟᱰᱟᱭ ᱮᱫᱟ ᱾ J. C. R. ᱞᱤᱠᱞᱟᱭᱰᱟᱨ ᱫᱚ ᱭᱩᱱᱟᱭᱴᱮᱰ ᱥᱴᱮᱴᱥ ᱰᱤᱯᱟᱨᱴᱢᱮᱱᱴ (DoD) ᱮᱰᱵᱷᱟᱱᱥ ᱨᱮᱥᱮᱪ ᱯᱨᱚᱡᱮᱠᱴ ᱮᱡᱮᱱᱥᱤ (ARPA) ᱨᱮ ᱤᱱᱯᱷᱚᱨᱢᱮᱥᱚᱱ ᱯᱨᱚᱥᱮᱥᱤᱝ ᱴᱮᱠᱱᱤᱠ ᱚᱯᱷᱤᱥ (IPTO) ᱨᱮ ᱡᱮᱜᱮᱛᱟᱹᱨᱤ ᱱᱮᱴᱣᱟᱨᱠ ᱨᱮᱱᱟᱜ ᱮᱱᱮᱡ ᱮ ᱵᱮᱱᱟᱣ ᱞᱮᱫᱼᱟ ᱾ ᱑᱙᱖᱐ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱨᱮ ᱨᱟᱱᱰ ᱠᱚᱨᱯᱚᱨᱮᱥᱚᱱ ᱨᱮ ᱯᱳᱞ ᱵᱟᱨᱟᱱ ᱫᱚ ᱢᱮᱥᱮᱡᱽ ᱵᱞᱚᱠ ᱨᱮᱱ ᱰᱮᱴᱟ ᱨᱮ ᱵᱮᱵᱚᱥᱛᱟ ᱟᱠᱟᱱ ᱱᱮᱴᱣᱟᱨᱠ ᱨᱮᱱᱟᱜ ᱯᱨᱚᱯᱷᱮᱥᱚᱨ ᱮᱢ ᱞᱮᱫᱟ᱾ ᱟᱨ ᱰᱳᱱᱟᱞᱰ ᱰᱮᱵᱤᱡ ᱫᱚ ᱑᱙᱖᱕ ᱥᱮᱨᱢᱟ ᱨᱮ ᱱᱮᱥᱱᱟᱞ ᱯᱷᱤᱡᱤᱠᱚᱞ ᱞᱮᱵᱚᱨᱴᱚᱨᱤ (ᱮᱱᱯᱤᱮᱞ) ᱨᱮ ᱯᱮᱠᱮᱴ ᱥᱩᱪᱤᱝ ᱨᱮᱱᱟᱜ ᱯᱨᱚᱯᱷᱮᱥᱚᱨ ᱮᱢ ᱞᱮᱫᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱱᱴᱚᱨᱱᱮᱴ ᱨᱮ ᱛᱤᱢᱤᱱ ᱜᱟᱱ ᱢᱩᱬ ᱠᱚᱢᱯᱩᱴᱚᱨ ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱥᱚᱨᱵᱷᱚᱨ ᱠᱚ ᱢᱮᱛᱟᱜ ᱠᱟᱱᱟ ᱾ ᱥᱚᱨᱵᱷᱚᱨ ᱠᱚ ᱫᱚ ᱟᱯᱟᱱ ᱟᱹᱯᱤᱱ ᱛᱟᱞᱟ ᱡᱚᱯᱚᱲᱟᱣ ᱠᱟᱛᱮ ᱠᱚ ᱛᱟᱦᱮᱸᱱᱟ ᱾ ᱥᱚᱨᱵᱷᱚᱨ ᱵᱟᱝᱢᱟ ᱢᱩᱬ ᱠᱚᱢᱯᱩᱴᱚᱨ ᱨᱮ ᱥᱟᱱᱟᱢ ᱥᱟᱹᱠᱷᱭᱟᱹᱛ (Data) ᱠᱚ ᱫᱚ ᱥᱟᱧᱪᱟᱣ ᱠᱟᱛᱮ ᱛᱟᱦᱮᱸᱱᱟ ᱾ ᱢᱤᱢᱤᱫᱴᱟᱝ ᱥᱚᱨᱵᱷᱚᱨ ᱨᱮᱱᱟᱜ ᱟᱹᱯᱨᱩᱜ (unique) ᱧᱩᱛᱩᱢ ᱟᱨ ᱵᱩᱴᱟᱹ ᱛᱟᱦᱮᱱᱟ ᱾ᱡᱚᱠᱷᱚᱱ ᱟᱵᱚ ᱟᱵᱚᱣᱟᱜ ᱠᱚᱢᱯᱩᱴᱚᱨ ᱠᱷᱚᱱ ᱣᱮᱵᱥᱟᱭᱤᱴ ᱵᱚᱱ ᱨᱟᱲᱟᱭᱮᱜ-ᱟ, ᱩᱱᱤ ᱮᱛᱚᱦᱚᱵ ᱟᱡᱟᱜ ᱥᱚᱨᱵᱷᱚᱨ ᱥᱟᱶ ᱥᱟᱹᱜᱟᱹᱭᱮ ᱡᱚᱲᱟᱣᱟ ᱟᱨ ᱚᱱᱟ ᱨᱮᱱᱟᱜ ᱥᱟᱦᱴᱟ ᱟᱵᱚᱣᱟᱜ ᱠᱚᱢᱯᱩᱴᱮᱨ ᱨᱮ ᱥᱚᱫᱚᱨᱟᱭ ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- The Internet Society
- Berkman Center for Internet and Society
- European Commission Information Society
- Living Internet, Internet history and related information, including information from many creators of the Internet