ᱢᱚᱞᱟᱞᱟ ᱭᱩᱥᱩᱯᱷᱡᱟᱭᱤ
![](http://upload.wikimedia.org/wikipedia/commons/thumb/f/fe/Malala_Yousafzai_2015.jpg/220px-Malala_Yousafzai_2015.jpg)
ᱢᱚᱞᱟᱞᱟ ᱭᱩᱥᱩᱯᱷᱡᱟᱭᱤ(Malālah Yūsafzay: ᱩᱨᱫᱩ: ملالہ یوسفزئی; ᱯᱟᱥᱛᱳ: ملاله یوسفزۍ [məˈlaːlə jusəf ˈzəj];( ᱑᱒ ᱡᱩᱞᱟᱭ ᱑᱙᱙᱗) ᱯᱟᱠᱤᱥᱛᱟᱱ ᱨᱤᱱᱤᱡ ᱠᱩᱲᱤ ᱦᱚᱯᱚᱱ ᱥᱤᱠᱷᱱᱟᱹᱛ ᱦᱩᱞᱜᱟᱹᱨᱤᱭᱟᱹ ᱟᱨ ᱡᱷᱚᱛᱚᱠᱷᱚᱱ ᱡᱩᱣᱟᱹᱱ ᱱᱳᱵᱮᱞ ᱥᱤᱨᱯᱟᱹ ᱟᱢᱮᱴᱤᱭᱟᱹ ᱠᱟᱱᱟᱭᱟ ᱾ ᱚᱱᱟ ᱥᱟᱶ ᱟᱡ ᱮᱛᱚᱢ ᱯᱟᱪᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱠᱷᱟᱭᱵᱚᱨ ᱯᱟᱠᱷᱛᱩᱱᱠᱷᱣᱟ ᱵᱩᱨᱩ ᱛᱟᱞᱟᱨᱮ ᱨᱮ ᱟᱡᱟᱜ ᱡᱟᱱᱟᱢ ᱫᱤᱥᱚᱢ ᱥᱣᱟᱛ ᱨᱮ ᱢᱟᱱᱣᱟ ᱠᱚᱣᱟᱜ ᱦᱚᱠ ᱠᱩᱲᱤ ᱦᱚᱯᱚᱱ ᱟᱨ ᱜᱤᱫᱨᱟᱹ ᱠᱚᱣᱟᱜ ᱚᱞ ᱯᱟᱲᱦᱟᱣ ᱨᱮᱱᱟᱜ ᱟᱹᱭᱫᱟᱹᱨ ᱞᱟᱹᱜᱤᱫ ᱧᱩᱛᱩᱢᱟᱱ ᱦᱩᱞᱜᱟᱹᱨᱤᱭᱟᱹ ᱠᱟᱱᱟᱭ ᱾ ᱥᱣᱟᱛ ᱨᱮ ᱢᱤᱫ ᱚᱠᱛᱚ ᱛᱟᱞᱤᱵᱟᱱ ᱠᱩᱲᱤ ᱦᱚᱯᱚᱱ ᱚᱞᱚᱜ ᱯᱟᱲᱦᱟᱣ ᱞᱹᱟᱜᱤᱫ ᱠᱚ ᱵᱟᱨᱟᱚᱱ ᱞᱮᱫ ᱠᱚᱣᱟ᱾ ᱛᱮᱦᱮᱧ ᱢᱚᱞᱟᱟ ᱦᱟᱜᱼᱦᱟᱜ ᱦᱚᱦᱚ ᱛᱮ ᱥᱣᱟᱛ ᱨᱮ ᱠᱩᱲᱤ ᱦᱚᱯᱚᱱ ᱯᱟᱲᱦᱟᱣ ᱞᱟᱹᱜᱤᱫ ᱠᱚ ᱫᱤᱞ ᱮᱫᱼᱟ ᱟᱨ ᱟᱡᱟᱜ ᱦᱩᱲ ᱢᱤᱫ ᱫᱷᱟᱨᱛᱤ ᱨᱮᱱᱟᱜ ᱥᱮᱬᱟ ᱦᱩᱲ ᱦᱩᱭ ᱦᱟᱠᱟᱱᱟ ᱾ ᱯᱟᱠᱤᱥᱛᱟᱱ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱥᱟᱦᱤᱫ ᱠᱷᱟᱱ ᱟᱵᱟᱥᱤ ᱢᱮᱱ ᱟᱭ ᱢᱚᱞᱟᱞᱟ ᱫᱚ ᱛᱮᱦᱮᱧ ᱯᱟᱠᱤᱥᱛᱟᱱ ᱨᱤᱱᱤᱡ ᱧᱩᱛᱩᱢᱟᱱ ᱱᱟᱜᱚᱨᱤᱠ ᱠᱟᱱᱟᱭ ᱾
ᱡᱟᱱᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]![](http://upload.wikimedia.org/wikipedia/commons/thumb/d/df/Remise_du_Prix_Sakharov_%C3%A0_Malala_Yousafzai_Strasbourg_20_novembre_2013_01.jpg/220px-Remise_du_Prix_Sakharov_%C3%A0_Malala_Yousafzai_Strasbourg_20_novembre_2013_01.jpg)
ᱢᱚᱞᱟᱞᱟ ᱑᱒ ᱡᱩᱞᱟᱭ ᱑᱙᱗᱗ ᱨᱮ ᱠᱷᱟᱭᱵᱚᱨ ᱯᱟᱠᱷᱛᱩᱱᱠᱷᱟᱣ ᱨᱮ ᱢᱮᱱᱟᱜ ᱢᱩᱱᱜᱳᱨᱟ ᱨᱮᱭᱟᱜ ᱯᱟᱥᱛᱩᱱ ᱜᱷᱟᱨᱸᱡ ᱨᱮ ᱡᱟᱱᱟᱢ ᱞᱮᱱᱟᱭ ᱿ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱡᱤᱭᱟᱩᱫᱤᱱ ᱭᱩᱥᱩᱯᱷᱡᱟᱭᱤ ᱟᱨ ᱟᱡ ᱟᱭᱳ ᱦᱟᱜ ᱧᱩᱛᱩᱢ ᱛᱩᱨ ᱯᱤᱠᱟᱞ ᱟᱨ ᱟᱡ ᱨᱤᱱ ᱵᱟᱨ ᱵᱚᱭᱦᱟ ᱢᱮᱱᱟᱜ ᱠᱤᱱᱟ ᱡᱟᱦᱟᱸᱭᱟᱜ ᱧᱩᱛᱩᱢ ᱠᱷᱩᱥᱟᱞ ᱟᱨ ᱚᱴᱚᱞ ᱾ ᱟᱡ ᱵᱟᱵᱟ ᱥᱣᱟᱛ ᱤᱞᱟᱠᱟ ᱨᱮ ᱟᱹᱰᱤᱜᱟᱱ ᱟᱥᱲᱟᱭ ᱪᱟᱹᱞᱩᱭᱟᱭ ᱾ ᱢᱟᱞᱟᱞᱟ ᱪᱮᱛᱟ ᱟᱡ ᱵᱟᱵᱟ ᱦᱟᱜ ᱢᱟᱱᱣᱟ ᱥᱩᱥᱟᱹᱨ ᱠᱟᱹᱢᱤ ᱨᱮᱱᱟᱜ ᱚᱨᱥᱚᱝ ᱟᱹᱰᱤᱜᱟᱱ ᱯᱟᱲᱟᱣ ᱦᱟᱫᱮ ᱛᱟᱦᱮᱸᱫ ᱾ ᱥᱟᱶᱛᱮ ᱵᱮᱱᱡᱤᱨ ᱵᱷᱩᱴᱳ ᱟᱨ ᱢᱚᱦᱚᱢᱚᱫ ᱚᱞᱤ ᱡᱤᱱᱟ ᱛᱤᱠᱤᱱᱟᱜ ᱚᱨᱥᱚᱝ ᱦᱚᱸ ᱯᱟᱲᱟ ᱦᱟᱫᱮ ᱛᱟᱦᱮᱸᱫ ᱿᱒᱐᱐᱙ ᱥᱮᱨᱢᱟ ᱨᱮᱱᱟᱜ ᱟᱬᱜᱟᱛ ᱨᱮ ᱡᱚᱠᱷᱚᱱ ᱟᱡ ᱑᱑ᱼ᱑᱒ ᱥᱟᱞ ᱩᱢᱮᱨ ᱮ ᱦᱩᱭ ᱞᱮᱱ ᱛᱟᱦᱮᱸᱫ ᱩᱱᱡᱚᱦᱚᱜ ᱛᱟᱞᱤᱵᱟᱱ ᱥᱟᱥᱚᱱ ᱨᱮ ᱥᱣᱟᱛ ᱨᱮᱱᱟᱜ ᱡᱤᱭᱚᱱ ᱥᱟᱛᱟᱢ ᱤᱫᱤ ᱠᱟᱛᱮᱫ ᱵᱤᱵᱤᱥᱤ ᱩᱨᱫᱩ ᱞᱟᱹᱜᱤᱫ ᱢᱤᱫ ᱵᱞᱳᱜ ᱮ ᱚᱞ ᱠᱮᱫᱼᱟ[᱑] ᱾ ᱚᱱᱟ ᱰᱚᱥᱟᱨ ᱥᱮᱨᱢᱟ ᱥᱤᱛᱩᱝ ᱚᱠᱛᱳ ᱱᱤᱭᱩ ᱭᱳᱨᱠ ᱴᱟᱭᱤᱢᱥ ᱨᱤᱱᱤᱡ ᱰᱚᱜᱚᱨᱤᱭᱟᱹ ᱟᱫᱟᱢ ᱵᱤ ᱮᱞᱤᱠ ᱥᱣᱟᱛ ᱨᱮᱱᱟᱜ ᱠᱟᱛᱷᱟ ᱰᱚᱠᱩᱢᱮᱱᱴᱟᱨᱤ ᱞᱮᱠᱟᱛᱮ ᱩᱰᱩᱠ ᱠᱮᱫᱟᱭ ᱾ ᱚᱱᱟᱨᱮ ᱢᱚᱞᱟᱞᱟ ᱦᱟᱜ ᱜᱟᱞᱚᱪ ᱠᱚ ᱥᱚᱫᱚᱨ ᱮᱱᱟ ᱾ ᱥᱣᱟᱛ ᱤᱞᱟᱹᱠᱟ ᱨᱮ ᱢᱤᱞᱤᱴᱟᱨᱤ ᱠᱚᱣᱟᱜ ᱪᱮᱫ ᱞᱮᱠᱟ ᱥᱟᱱᱟᱢᱟᱼᱜ ᱨᱮ ᱡᱟᱸᱜᱮ ᱫᱟᱨᱟᱢ ᱛᱟᱦᱮᱸ ᱠᱟᱱᱟ ᱚᱱᱟ ᱠᱚᱭ ᱥᱚᱫᱚᱨ ᱠᱮᱫᱼᱟ ᱾ ᱱᱚᱣᱟ ᱠᱚ ᱜᱷᱚᱴᱚᱱ ᱛᱟᱭᱚᱢ ᱢᱟᱞᱟᱞᱟ ᱵᱟᱦᱨᱮ ᱫᱤᱥᱚᱢ ᱠᱚᱨᱮ ᱟᱹᱰᱤᱠᱚ ᱵᱟᱰᱟᱭ ᱤᱫᱤ ᱠᱮᱫᱮᱭᱟ ᱾ ᱚᱱᱟ ᱠᱷᱟᱹᱛᱤᱨ ᱦᱩᱞᱜᱟᱹᱨᱤᱭᱟ ᱫᱮᱥᱢᱚᱸᱰ ᱴᱩᱴᱩ ᱦᱟᱜ ᱛᱤ ᱛᱮ ᱤᱱᱴᱮᱨᱱᱟᱥᱱᱟᱞ ᱪᱤᱞᱰᱨᱮᱱᱥ ᱯᱤᱥ ᱯᱨᱟᱭᱤᱡ ᱦᱚᱸᱭ ᱟᱢᱮᱴ ᱦᱟᱱ ᱛᱟᱦᱮᱸᱫ ᱿
ᱯᱟᱲᱦᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱞᱟᱞᱟ ᱭᱩᱥᱩᱯᱷᱡᱟᱭᱤ ᱟᱡ ᱵᱟᱵᱟ ᱵᱮᱨᱮᱫ ᱞᱮᱫ ᱟᱥᱲᱟ ᱨᱮᱜᱮ ᱯᱟᱲᱦᱟᱣᱞᱮᱱᱟᱭ ᱾ ᱛᱟᱞᱤᱵᱟᱱ ᱠᱚ ᱥᱣᱟᱛ ᱨᱮ ᱠᱩᱲᱤ ᱠᱚᱣᱟᱜ ᱟᱥᱲᱟ ᱠᱚ ᱨᱟᱹᱯᱩᱫ ᱠᱮᱫ ᱛᱟᱭᱚᱢ , ᱥᱮᱯᱴᱮᱢᱵᱚᱨ ᱒᱐᱐᱘ ᱨᱮ ᱢᱚᱞᱟᱞᱟ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱮᱥᱣᱟᱨ ᱨᱮ ᱢᱤᱫ ᱜᱟᱞᱚᱪ ᱮ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱜᱟᱞᱚᱪ ᱨᱮᱱᱟᱜ ᱥᱟᱛᱟᱢ ᱛᱟᱦᱮᱸ ᱠᱟᱱᱟ "ᱤᱧᱼᱟ ᱯᱟᱲᱦᱟᱣ ᱨᱮᱱᱟᱜ ᱦᱚᱠ ᱨᱮᱡ ᱞᱟᱹᱜᱤᱫ ᱛᱟᱞᱤᱵᱟᱱ ᱪᱤᱠᱟᱭ ᱫᱤᱞ ᱠᱮᱫᱼᱟ ? ᱙ ᱚᱠᱴᱚᱵᱚᱨ ᱒᱐᱑᱒ ᱨᱮ ᱢᱚᱞᱟᱞᱟ ᱟᱲᱥᱟ ᱠᱷᱚᱱ ᱵᱚᱥ ᱜᱟᱹᱰᱤ ᱛᱮ ᱨᱩᱣᱟᱲ ᱡᱚᱦᱚ ᱛᱟᱞᱤᱵᱟᱱ ᱴᱷᱮᱫ ᱠᱷᱚᱱ ᱮ ᱴᱩᱴᱩ ᱦᱚᱪᱚ ᱞᱮᱱᱟᱭ ᱾ ᱡᱟᱦᱟᱸ ᱟᱡᱟᱜ ᱵᱚᱦᱚᱜ ᱨᱮᱱᱟᱜ ᱞᱮᱸᱜᱟ ᱯᱟᱥᱴᱟ ᱨᱮ ᱵᱟᱡᱟᱣ ᱞᱮᱱᱟᱭ ᱾ ᱩᱱᱡᱚᱦᱚᱜ ᱯᱱᱟ ᱴᱩᱴᱤ ᱛᱮ ᱩᱱᱟᱹᱜ ᱮ ᱵᱟᱹᱲᱤᱡ ᱮᱱᱟᱭ ᱟᱡ ᱛᱤᱠᱪᱷᱟᱹ ᱞᱟᱜᱤᱫ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱮᱥᱟᱣᱚᱨ ᱠᱷᱚᱱ ᱭᱩ ᱠᱮ ᱨᱮᱱᱟᱜ ᱵᱚᱨᱢᱤᱝᱦᱚᱢ ᱛᱮ ᱠᱚ ᱤᱫᱤ ᱞᱮᱫᱮᱭᱟ ᱾ ᱒᱐᱑᱓ ᱨᱮ ᱟᱡ ᱵᱮᱥᱮᱱ ᱛᱟᱭᱚᱢ ᱵᱚᱨᱢᱤᱝᱦᱚᱢ ᱨᱮ ᱟᱨ ᱫᱩᱥᱨᱟᱹ ᱯᱟᱲᱦᱟᱣ ᱮ ᱮᱛᱚᱦᱚᱵ ᱠᱮᱫᱼᱟ ᱾
ᱢᱟᱞᱟᱞᱟ ᱢᱟᱦᱟᱸ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱒ ᱡᱩᱞᱟᱭ ᱒᱐᱑᱓ ᱢᱚᱞᱟᱞᱟ ᱦᱟᱜ ᱑᱒ ᱟᱱᱟᱝ ᱡᱟᱱᱟᱢ ᱢᱟᱦᱟ ᱨᱮ ᱟᱡ ᱭᱩ ᱮᱱ ᱨᱮ ᱫᱷᱟᱹᱨᱛᱤ ᱡᱟᱠᱟᱛ ᱨᱮ ᱥᱤᱠᱷᱱᱟᱹᱛ ᱧᱟᱢᱚᱜ ᱨᱮᱱᱟᱜ ᱠᱟᱛᱷᱟᱭ ᱢᱮᱱ ᱠᱮᱫᱼᱟ ᱾ ᱭᱩ ᱮᱱ ᱟᱡᱟᱜ ᱡᱟᱱᱟᱢ ᱢᱟᱦᱟᱸ ᱢᱚᱞᱟᱞᱟ ᱢᱟᱦᱟᱸ ᱢᱮᱱᱛᱮᱫ ᱮ ᱥᱚᱫᱚᱨ ᱠᱮᱫᱼᱟ ᱾ ᱟᱡ ᱠᱚ ᱴᱩᱴᱤ ᱞᱮᱫᱮ ᱛᱟᱭᱚᱢ ᱱᱚᱸᱰᱮ ᱛᱟᱭ ᱫᱚ ᱟᱡᱟᱜ ᱯᱩᱭᱞᱩ ᱫᱤᱥᱩᱣᱟᱹ ᱜᱟᱞᱚᱪ ᱠᱟᱱ ᱛᱟᱦᱮᱸᱫ [᱒]᱾ ᱟᱡᱟᱜ ᱜᱟᱞᱚᱪ ᱟᱸᱡᱚᱢ ᱞᱟᱹᱜᱤᱫ ᱫᱷᱟᱹᱨᱛᱤ ᱡᱟᱠᱟᱛ ᱠᱷᱚᱱ ᱕᱐᱐ ᱯᱟᱲᱦᱟᱣ ᱞᱟᱹᱜᱤᱫ ᱡᱩᱣᱟᱹᱱ ᱥᱩᱥᱟᱹᱨᱤᱭᱟᱹ ᱠᱚ ᱦᱚᱨᱚᱜ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱢᱟᱦᱟᱸᱨᱮ ᱢᱚᱞᱟᱞᱟ ᱵᱮᱱᱡᱤᱨ ᱵᱷᱩᱴᱳ ᱦᱟᱜ ᱥᱚᱞ ᱮ ᱵᱮᱫᱷᱟᱣ ᱛᱟᱨᱟ ᱞᱮᱱ ᱛᱟᱦᱮᱸᱫ ᱾
ᱱᱳᱵᱮᱞ ᱥᱤᱨᱯᱟᱹ ᱟᱢᱮᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱐ ᱚᱠᱴᱚᱵᱚᱨ ᱒᱐᱑᱔ ᱢᱚᱞᱟᱞᱟ ᱥᱤᱧᱚᱛ ᱨᱤᱱᱤᱡ ᱠᱚᱭᱲᱟᱥ ᱥᱚᱛᱭᱟᱨᱛᱷᱤ ᱥᱟᱶ ᱱᱳᱵᱮᱞ ᱥᱤᱨᱯᱟᱹᱭ ᱟᱛᱟᱝ ᱠᱮᱫᱼᱟ[᱓] ,ᱱᱚᱣᱟ ᱥᱤᱨᱯᱟᱹ ᱥᱤᱠᱷᱸᱟᱹᱛ ᱞᱟᱹᱜᱤᱫ ᱱᱟᱦᱟᱪᱟᱨ ᱵᱤᱨᱩᱫᱷ ᱨᱮ ᱟᱲᱟᱝ ᱨᱟᱠᱟᱵ ᱟᱨ ᱥᱤᱠᱷᱱᱟᱹᱛ ᱯᱟᱥᱱᱟᱣ ᱞᱟᱹᱜᱤᱫ ᱥᱤᱨᱯᱟᱹᱭ ᱧᱟᱢ ᱠᱮᱫᱼᱟ ᱾ ᱱᱚᱣᱟ ᱥᱤᱨᱯᱟᱹ ᱟᱛᱟᱝ ᱡᱚᱦᱚ ᱟᱡᱟᱜ ᱩᱢᱮᱨ ᱑᱗ ᱥᱟᱞ ᱦᱩᱭ ᱞᱮᱱ ᱛᱟᱦᱮᱸᱫ , ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱥᱤᱨᱯᱟᱹ ᱟᱛᱟᱝ ᱨᱮ ᱡᱷᱚᱛᱚ ᱠᱷᱚᱱ ᱡᱩᱣᱟᱹᱤᱡ ᱠᱟᱱᱟᱭ[᱔] ᱾ ᱯᱟᱠᱤᱥᱛᱟᱱ ᱠᱷᱚᱱ ᱱᱳᱵᱮᱞ ᱥᱤᱨᱯᱟᱹ ᱟᱢᱮᱴ ᱨᱮᱦᱚᱸ ᱟᱡ ᱫᱚᱥᱟᱨ ᱯᱟᱠᱤᱥᱛᱟᱱᱤ ᱠᱟᱱᱟᱭ ᱟᱡ ᱢᱟᱬᱟᱝ ᱨᱮ ᱟᱵᱫᱚᱥ ᱥᱟᱞᱟᱢ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱤᱝᱞᱤᱥ ᱣᱤᱠᱤᱯᱤᱰᱤᱭᱟ ᱥᱟᱦᱴᱟ
- ᱴᱣᱤᱴᱚᱨ ᱨᱮ ᱢᱚᱞᱟᱞᱟ
- ᱰᱚᱱ ᱠᱷᱳᱵᱚᱨ ᱠᱟᱜᱚᱡ ᱨᱮ ᱟᱡᱜᱟ ᱜᱟᱞᱚᱪ "ᱞᱟᱰᱷᱟᱹᱭ ᱫᱚ ᱞᱟᱰᱷᱟᱹᱭ ᱵᱟᱭ ᱢᱩᱪᱟᱹᱫᱼᱟ"
- ᱟᱡᱟᱜ ᱣᱮᱵᱥᱟᱭᱤᱴ
- ᱟᱡ ᱡᱚᱱᱚᱲ ᱵᱤ ᱵᱤ ᱥᱤ ᱨᱮ ᱠᱷᱚᱵᱚᱨ
- ᱡᱩᱞᱟᱭ ᱒᱐᱑᱓ ᱟᱡᱟᱜ ᱭᱩᱱᱟᱭᱴᱮᱰ ᱱᱮᱥᱚᱱ ᱨᱮᱱᱟᱜ ᱯᱩᱨᱟᱹ ᱜᱟᱞᱚᱪ
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ https://web.archive.org/web/20121011083636/http://www.nytimes.com/video/2012/10/09/world/asia/100000001835296/class-dismissed.html
- ↑ "Archive copy". Archived from the original on 2013-07-26. Retrieved 2018-11-06.
{{cite web}}
: CS1 maint: archived copy as title (link) - ↑ https://www.nobelprize.org/prizes/peace/2014/press-release/
- ↑ https://people.com/celebrity/malala-yousafzai-becomes-youngest-ever-nobel-prize-winner/