ᱡᱚᱢᱟᱜ
![](http://upload.wikimedia.org/wikipedia/commons/thumb/1/1d/Dak_Daka_with_Ul_Haku_Sipi_and_Alu_Bhaja%2C_Santali_traditional_food.jpg/220px-Dak_Daka_with_Ul_Haku_Sipi_and_Alu_Bhaja%2C_Santali_traditional_food.jpg)
![](http://upload.wikimedia.org/wikipedia/commons/thumb/c/c5/Foods.jpg/200px-Foods.jpg)
![](http://upload.wikimedia.org/wikipedia/commons/thumb/a/ae/FoodMeat.jpg/200px-FoodMeat.jpg)
![](http://upload.wikimedia.org/wikipedia/commons/thumb/6/6d/Good_Food_Display_-_NCI_Visuals_Online.jpg/200px-Good_Food_Display_-_NCI_Visuals_Online.jpg)
![](http://upload.wikimedia.org/wikipedia/commons/thumb/b/b6/Lafleur_restaurant_late_night_food_veggie_burgers.jpg/201px-Lafleur_restaurant_late_night_food_veggie_burgers.jpg)
ᱡᱚᱢᱟᱜ ᱢᱮᱱᱞᱮᱠᱷᱟᱱ ᱫᱚ ᱢᱟᱹᱱᱢᱤ ᱟᱨ ᱡᱤᱭᱟᱹᱞᱤ ᱠᱚ ᱡᱟᱦᱟᱸ ᱵᱚᱱ ᱡᱚᱢᱮᱫᱼᱟ, ᱚᱱᱟ ᱜᱮ ᱡᱚᱢᱟᱜ ᱫᱚ ᱾ [᱑] ᱡᱚᱢᱟᱜ ᱫᱚ ᱤᱝᱞᱤᱥ ᱛᱮ ᱯᱷᱩᱰ (Food) ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱚᱢᱟᱜ ᱫᱚ ᱫᱟᱨᱮ-ᱱᱟᱹᱬᱤ ᱟᱨ ᱡᱤᱭᱟᱹᱞᱤ ᱠᱚᱨᱮ ᱠᱷᱚᱱ ᱦᱤᱡᱩᱜᱼᱟ ᱾ ᱡᱚᱢᱟᱜ ᱫᱚ ᱡᱤᱣᱤᱭᱟᱱ ᱠᱚ ᱠᱚ ᱡᱚᱢᱟ ᱵᱟᱧᱪᱟᱣ ᱟᱨ ᱫᱟᱲᱮ ᱧᱟᱢ ᱞᱟᱹᱜᱤᱫ ᱾ [᱒] ᱡᱚᱢᱟᱜ ᱨᱮ ᱫᱚ ᱱᱤᱣᱴᱨᱤᱥᱚᱱ (nutrition) ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱢᱟᱹᱢᱤ ᱟᱨ ᱡᱤᱭᱟᱹᱞᱤ ᱠᱚᱣᱟᱜ ᱦᱚᱲᱢᱚ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱᱟ ᱾ ᱡᱚᱢ ᱞᱮᱠᱷᱟᱱ ᱢᱟᱹᱢᱤ ᱫᱚ ᱨᱟᱹᱥᱠᱟᱹ ᱨᱮᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱨᱮ ᱫᱚ ᱯᱨᱚᱴᱤᱱ (protein), ᱯᱷᱮᱴ (fat), ᱠᱟᱨᱵᱚᱦᱟᱭᱰᱨᱮᱴ (carbohydrate), ᱵᱷᱤᱴᱟᱢᱤᱱ (vitamin) ᱟᱨ ᱢᱤᱱᱮᱨᱟᱞ (mineral) ᱮᱢᱟᱱ ᱠᱚ ᱛᱟᱦᱮᱸᱱᱟ ᱾ ᱫᱟᱜ ᱞᱮᱠᱟᱱᱟᱜ ᱠᱚ ᱫᱟᱲᱮ ᱟᱨ ᱱᱤᱣᱴᱨᱤᱥᱚᱱ ᱧᱟᱢ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟᱜ ᱠᱚ ᱫᱚ ᱧᱩᱣᱟᱜ ᱠᱚ ᱢᱮᱛᱟᱜᱟᱜᱼᱟ ᱟᱨ ᱤᱝᱞᱤᱥ ᱛᱮ ᱫᱚ ᱰᱨᱤᱸᱠᱥ (Drinks) ᱠᱚ ᱢᱮᱛᱟᱜᱟᱜᱼᱟ ᱾ ᱡᱟᱦᱟᱸᱭ ᱡᱚᱢᱟᱜ ᱵᱟᱭ ᱧᱟᱢᱟ ᱩᱱᱤ ᱫᱚ ᱨᱮᱸᱜᱮᱡ ᱮᱭᱟ ᱾ ᱢᱟᱹᱢᱤ ᱠᱚ ᱞᱟᱹᱜᱤᱫ ᱡᱚᱢᱟᱜ ᱫᱤ ᱪᱟᱥ ᱠᱷᱚᱱ ᱧᱟᱢᱚᱜᱼᱟ ᱾ ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱡᱤᱣᱟᱹᱞᱤ ᱠᱚᱨᱮ ᱠᱷᱚᱱ ᱦᱤᱡᱩᱜ ᱠᱟᱱ ᱡᱚᱢᱟᱜ, ᱢᱮᱱᱫᱚ ᱡᱤᱞ, ᱦᱟᱹᱠᱩ, ᱥᱤᱢ ᱵᱤᱞᱤ ᱟᱨ ᱛᱳᱣᱟ ᱮᱢᱟᱱ ᱠᱚ ᱾ ᱡᱤᱞ ᱵᱟᱝ ᱡᱚᱢᱤᱡ ᱫᱚ ᱤᱝᱞᱤᱥ ᱛᱮ ᱵᱷᱮᱡᱤᱴᱮᱨᱤᱭᱟᱱ (vegetarian) ᱠᱚ ᱢᱮᱛᱟᱭ ᱠᱟᱱᱟ ᱾
ᱡᱚᱢᱟᱜ ᱟᱨᱡᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱢᱟᱜ ᱫᱚ ᱪᱟᱥ ᱠᱟᱛᱮ ᱟᱨᱡᱟᱣ ᱦᱩᱭᱩᱜᱼᱟ ᱾ ᱟᱭᱢᱟ ᱦᱚᱲ ᱜᱮ ᱟᱯᱱᱟᱨᱟᱜ ᱡᱚᱢ ᱞᱟᱹᱜᱤᱫ ᱵᱟᱠᱚ ᱪᱟᱥᱟ, ᱮᱴᱟᱜ ᱦᱚᱲ ᱪᱟᱥ ᱟᱨᱡᱟᱣᱟᱜ ᱠᱤᱨᱤᱧ ᱠᱟᱛᱮ ᱠᱚ ᱡᱚᱢᱟ ᱾ ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱫᱚᱠᱟᱱ ᱟᱨ ᱦᱟᱴ ᱠᱷᱚᱱ ᱡᱚᱢᱟᱫ ᱛᱮᱭᱟᱨ ᱞᱟᱹᱜᱤᱫ ᱠᱚ ᱠᱤᱨᱤᱧᱟ ᱟᱨ ᱛᱤᱢᱤᱱ ᱜᱟᱱ ᱫᱚ ᱟᱯᱱᱟᱨ ᱛᱮ ᱪᱟᱥ ᱟᱨᱡᱟᱣᱟᱠᱚ ᱾ ᱟᱫᱷᱟᱱ ᱦᱚᱲ ᱫᱚ ᱚᱱᱟ ᱠᱚ ᱠᱤᱨᱤᱧ ᱠᱟᱛᱮ ᱚᱲᱟᱜ ᱤᱥᱤᱱ ᱵᱟᱥᱟᱝ ᱠᱟᱛᱮ ᱠᱚ ᱡᱚᱢᱟ ᱟᱠ ᱛᱤᱢᱤᱱ ᱜᱟᱱ ᱫᱚ ᱴᱷᱟᱹᱣᱠᱟᱹ ᱤᱥᱤᱱ ᱴᱷᱤᱠᱟᱜ ᱡᱚᱢᱟᱜ ᱠᱤᱨᱤᱧ ᱠᱟᱛᱮ ᱠᱚ ᱡᱚᱢᱟ ᱾
ᱟᱱᱟᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱢᱟᱜ ᱨᱮᱱᱟᱝ ᱚᱵᱷᱟᱵᱽ ᱫᱚ ᱱᱤᱛᱚᱜ ᱦᱚᱸ ᱡᱮᱜᱮᱛ ᱨᱮᱱᱟᱜ ᱟᱰᱤ ᱢᱟᱨᱟᱝ ᱟᱱᱟᱴ ᱠᱟᱱᱟ ᱾ ᱟᱭᱢᱟ ᱦᱚᱲ ᱠᱚᱣᱟᱜ ᱩᱱᱟᱹᱜ ᱠᱟᱹᱣᱰᱤ ᱵᱟᱹᱱᱩᱜ ᱟᱱᱟ, ᱢᱤᱫ ᱥᱟᱸᱡᱽ ᱡᱚᱢᱟᱜ ᱠᱤᱨᱤᱧ ᱞᱟᱹᱜᱤᱫ ᱦᱚᱸ ᱾ ᱵᱟᱹᱲᱤᱡ ᱦᱚᱭ-ᱦᱤᱥᱤᱫ ᱫᱟᱜ ᱟᱨᱵᱟᱝ ᱮᱴᱟᱜ ᱮᱴᱠᱮᱴᱚᱬᱮ ᱠᱚ ᱦᱟᱨᱟᱜ ᱠᱟᱱ ᱡᱚᱢᱟᱜ ᱠᱚᱭ ᱵᱟᱹᱲᱤᱡ ᱚᱪᱚᱭᱟ ᱾ ᱡᱚᱠᱷᱚᱱ ᱞᱟᱹᱠᱛᱤ ᱡᱟᱹᱱᱤ ᱦᱚᱲ ᱡᱚᱢᱟᱜ ᱵᱟᱠᱚ ᱧᱟᱢᱟ, ᱚᱱᱟ ᱫᱚ ᱵᱚ ᱢᱮᱛᱟᱜᱼᱟ ᱪᱤ ᱩᱱᱠᱩ ᱫᱚ ᱠᱚ ᱨᱮᱸᱜᱮᱡ ᱜᱮᱭᱟ ᱾ ᱢᱟᱹᱱᱢᱩ ᱟᱹᱰᱤ ᱫᱤᱱ ᱦᱟᱹᱵᱤᱡ ᱨᱮᱸᱜᱮᱡ ᱛᱮ ᱛᱮᱦᱮᱸ ᱞᱮᱱᱠᱷᱟᱱ ᱟᱨᱵᱟᱝ ᱡᱚᱢᱟᱝ ᱵᱟᱭ ᱧᱟᱢ ᱞᱮᱠᱷᱟᱱ ᱦᱚᱲᱢᱚ ᱫᱚ ᱫᱩᱨᱵᱩᱲ ᱩᱛᱟᱹᱨᱚᱜᱼᱟ ᱟᱨ ᱵᱤᱱᱡᱚᱢ (starvation) ᱛᱮ ᱜᱚᱡ ᱦᱚᱸ ᱠᱚ ᱜᱩᱡᱩᱜ ᱜᱮᱭᱟ ᱾ ᱢᱤᱫ ᱮᱞᱟᱠ ᱨᱮ ᱟᱹᱰᱤ ᱜᱟᱱ ᱦᱚᱲ ᱞᱟᱹᱠᱛᱤ ᱡᱟᱹᱱᱤ ᱡᱚᱢᱟᱜ ᱵᱟᱠᱚ ᱧᱟᱢ ᱠᱷᱟᱱ ᱚᱸᱰᱮ ᱫᱚ ᱡᱚᱢᱟᱠᱟᱞ (famine) ᱵᱚᱞᱚᱭᱮᱱᱟ ᱢᱮᱱᱛᱮ ᱵᱚᱱ ᱢᱮᱛᱟᱜ ᱠᱟᱱᱟ ᱾
ᱫᱷᱚᱨᱚᱢ ᱨᱮ ᱡᱚᱢᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱷᱚᱨᱚᱢ ᱠᱚᱨᱚᱢ ᱵᱳᱸᱜᱟ ᱵᱳᱨᱳ ᱫᱚ ᱵᱤᱱ ᱡᱚᱢ ᱠᱟᱛᱮ ᱠᱚ ᱛᱟᱨᱟᱣᱟ ᱾ ᱵᱷᱤᱛᱟᱹᱨ, ᱜᱚᱲᱟ ᱟᱨᱟᱵᱟᱝ ᱡᱟᱦᱮᱨ ᱦᱩᱭᱮᱱ ᱚᱠᱟ ᱨᱮᱸᱦᱚᱸ ᱡᱚᱢ ᱠᱟᱛᱮ ᱫᱚ ᱵᱟᱠᱚ ᱵᱳᱸᱜᱟᱭᱟ ᱾ ᱵᱳᱸᱜᱟ ᱵᱳᱨᱳ ᱡᱚᱠᱷᱟᱜ ᱫᱚ ᱱᱤᱨᱵᱟᱨ ᱟᱹᱰᱤ ᱜᱮ ᱞᱟᱹᱠᱛᱤᱭᱟᱱᱟ ᱾ ᱮᱴᱟᱜ ᱡᱟᱹᱛ ᱠᱚᱣᱟᱜ ᱫᱷᱚᱨᱚᱢ ᱨᱮᱦᱚᱸ ᱱᱚᱝᱠᱟ ᱧᱮᱞᱚᱜ ᱜᱮᱭᱟ ᱾ ᱡᱩᱫᱟᱭᱤᱡᱢ ᱟᱨ ᱤᱥᱞᱟᱢ ᱫᱷᱚᱨᱚᱢ ᱨᱮ ᱫᱚ ᱥᱩᱠᱨᱤ ᱡᱤᱞ ᱡᱚᱢ ᱫᱚ ᱢᱟᱱᱟ ᱜᱮᱭᱟ ᱾ ᱦᱤᱱᱫᱩ ᱫᱷᱚᱨᱚᱢ ᱨᱮ ᱫᱚ ᱰᱟᱺᱜᱽᱨᱤ ᱡᱤᱞ ᱵᱟᱠᱚ ᱡᱚᱢᱟ ᱾ ᱛᱤᱢᱤᱱ ᱜᱟᱱ ᱠᱤᱨᱤᱥᱛᱟᱱ ᱫᱚ ᱡᱤᱞ ᱵᱟᱠᱚ ᱡᱚᱢᱟ, ᱪᱮᱫᱟᱜ ᱥᱮ ᱟᱭᱟᱭᱟᱱᱟᱜ ᱫᱤᱱ ᱫᱚ ᱪᱚᱨᱪ ᱨᱮ ᱡᱤᱞ ᱡᱚᱢ ᱢᱟᱱᱟ ᱜᱮᱭᱟ ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Food Timeline
- Wikibooks Cookbook
- Food, BBC Radio 4 discussion with Rebecca Spang, Ivan Day and Felipe Fernandez-Armesto (In Our Time, Dec. 27, 2001)