ᱟᱠᱵᱚᱨ
![](http://upload.wikimedia.org/wikipedia/commons/thumb/0/0d/Portrait_of_Akbar_by_Manohar.jpg/220px-Portrait_of_Akbar_by_Manohar.jpg)
ᱟᱵᱩᱞ-ᱯᱷᱟᱛ ᱡᱟᱞᱟᱞ-ᱩᱫᱽ-ᱫᱤᱱ ᱢᱚᱦᱢᱚᱫᱽ ᱟᱠᱵᱚᱨ ᱫᱚ ᱵᱟᱹᱲᱛᱤ ᱠᱟᱛᱮ ᱟᱠᱵᱚᱨ ᱢᱮᱱᱛᱮ ᱜᱮ ᱠᱚ ᱵᱟᱰᱟᱭᱮᱭᱟ ᱾ ᱟᱠᱵᱚᱨ ᱫᱚ ᱢᱚᱜᱚᱞ ᱵᱚᱝᱥᱚ ᱨᱤᱱᱤᱡ ᱛᱮᱥᱟᱨ ᱥᱚᱢᱨᱟᱴ ᱮ ᱛᱟᱦᱮᱸ ᱠᱟᱱᱟ ᱥᱟᱶᱛᱮ ᱩᱱᱤ ᱫᱚ ᱥᱚᱨᱮᱥ ᱥᱟᱥᱮᱛᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱨᱮ ᱢᱩᱥᱞᱟᱹ ᱥᱚᱢᱨᱟᱴ ᱢᱩᱸᱫᱽ ᱠᱷᱚᱱ ᱱᱩᱭ ᱫᱚ ᱟᱹᱰᱤ ᱫᱟᱭᱟᱦᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱥᱟᱥᱚᱱ ᱚᱠᱛᱚ ᱨᱮ ᱥᱩᱯᱷᱤ ᱢᱚᱛᱚᱵᱟᱫᱽ ᱟᱨ ᱵᱷᱩᱠᱛᱤ ᱫᱷᱚᱨᱚᱢ ᱨᱮᱱᱟᱜ ᱯᱨᱚᱵᱷᱟᱵᱽ ᱛᱮ ᱟᱯᱟᱱ ᱟᱹᱯᱤᱱ ᱜᱷᱚᱨᱚᱢ ᱨᱤᱱ ᱦᱚᱲ ᱟᱯᱟᱱ ᱟᱹᱯᱤᱱ ᱪᱮᱛᱟᱱ ᱨᱮ ᱦᱤᱨᱠᱟᱹ ᱵᱷᱟᱵᱽᱱᱟ ᱠᱚ ᱵᱟᱹᱜᱤ ᱞᱮᱫ ᱛᱟᱦᱮᱸᱫ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱮᱨ ᱥᱟᱦ ᱥᱩᱨᱤ ᱴᱷᱮᱱ ᱠᱷᱚᱱ ᱦᱮᱨᱟᱣ ᱠᱟᱛᱮ ᱦᱩᱢᱟᱭᱩᱸ ᱫᱚᱭ ᱧᱤᱨ ᱠᱟᱱ ᱛᱟᱦᱮᱸᱫ ᱾ ᱩᱱᱡᱚᱠᱷᱚᱡ ᱥᱤᱱᱫᱷᱩ ᱯᱨᱚᱫᱮᱥ ᱨᱮᱱᱟᱜ ᱚᱢᱚᱨᱠᱚᱴ ᱴᱷᱮᱱ ᱟᱥᱨᱟᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱚᱸᱰᱮ ᱑᱕᱔᱒ ᱠᱷᱨᱤᱥᱴᱟᱵᱽᱫᱚ ᱨᱮ ᱟᱠᱵᱚᱨ ᱫᱚᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱡᱟᱱᱟᱢ ᱨᱮᱱᱟᱜ ᱢᱤᱫ ᱥᱮᱨᱢᱟ ᱛᱟᱭᱚᱢ ᱮᱸᱜᱟᱛ-ᱟᱯᱟᱛ ᱠᱷᱚᱱ ᱪᱷᱩᱰᱟᱹᱨ ᱠᱟᱛᱮ ᱵᱟᱨ ᱥᱮᱨᱢᱟ ᱜᱟᱱ ᱟᱯᱟᱛᱟᱱ ᱟᱥᱠᱟᱨᱤ ᱟᱨ ᱠᱟᱢᱟᱨᱱᱟ ᱛᱟᱹᱨᱤ ᱨᱮᱭ ᱛᱟᱦᱮᱸᱠᱟᱱᱟ ᱾ ᱩᱱᱠᱩ ᱦᱩᱢᱟᱭᱩᱸ ᱫᱚ ᱴᱷᱟᱶ ᱵᱟᱠᱚ ᱮᱢᱟᱫ ᱫᱮ ᱠᱷᱟᱹᱛᱤᱨ ᱯᱟᱨᱚᱥᱭᱚᱭ ᱪᱟᱞᱟᱣᱮᱱᱟ ᱾ ᱯᱟᱨᱚᱥᱭᱚ ᱨᱤᱱᱤᱡ ᱨᱟᱡᱟ ᱴᱷᱮᱱ ᱠᱷᱚᱱ ᱥᱚᱦᱚᱫ ᱧᱟᱢ ᱠᱟᱛᱮ ᱦᱩᱢᱟᱭᱩᱸ ᱠᱟᱱᱫᱟᱦᱟᱨ ᱟᱨ ᱠᱟᱵᱩᱞ ᱮ ᱟᱹᱭᱫᱟᱹᱨ ᱠᱮᱫ-ᱟ ᱟᱨ ᱑᱕᱔᱕ ᱥᱟᱞᱮ ᱨᱮ ᱟᱠᱵᱚᱨ ᱫᱚᱭ ᱫᱩᱜ ᱟᱹᱜᱩ ᱠᱮᱫᱮᱭᱟ ᱾ ᱑
ᱟᱠᱵᱚᱨ ᱫᱚ ᱜᱤᱫᱽᱨᱟᱹ ᱵᱮᱲᱟ ᱨᱮ ᱯᱚᱛᱚᱵ ᱯᱟᱲᱦᱟᱱ ᱠᱷᱚᱱ ᱵᱟᱹᱲᱛᱤ ᱥᱟᱫᱚᱢ ᱫᱮᱡ, ᱚᱥᱛᱚᱨ ᱥᱟᱵ ᱮᱢᱟᱱ ᱠᱚ ᱟᱹᱰᱤᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱫ ᱾ ᱑᱕᱕᱑ ᱠᱷᱨᱤᱥᱴᱟᱵᱽᱫᱚ ᱨᱮ ᱜᱚᱡᱚᱱᱤ ᱨᱤᱱᱤᱡ ᱥᱟᱥᱮᱛᱤᱭᱟᱹ ᱞᱮᱠᱟᱛᱮᱭ ᱵᱟᱦᱟᱞᱮᱱᱟ ᱾ ᱑᱕᱕᱔ ᱥᱟᱞᱮ ᱨᱮ ᱦᱣᱢᱟᱭᱩᱸ ᱯᱚᱧᱡᱟᱵᱽ ᱮ ᱟᱹᱭᱫᱟᱹᱨ ᱞᱮᱫ ᱛᱟᱦᱮᱸᱫ ᱟᱨ ᱑᱕᱕᱕ ᱥᱟᱞᱮ ᱨᱮ ᱫᱤᱞᱞᱤ ᱦᱚᱸᱭ ᱟᱹᱭᱫᱟᱹᱨ ᱞᱮᱫ ᱛᱟᱦᱮᱸᱫ ᱾ ᱟᱠᱵᱚᱨ ᱫᱚ ᱯᱚᱧᱡᱟᱵᱽ ᱨᱤᱱᱤᱡ ᱥᱟᱥᱮᱛᱤᱭᱟᱹ ᱟᱨ ᱵᱚᱭᱨᱟᱢ ᱠᱷᱟᱸ ᱫᱚ ᱟᱡᱤᱡ ᱟᱹᱭᱩᱨᱤᱭᱟᱹ ᱞᱮᱠᱟᱛᱮᱭ ᱵᱟᱦᱟᱞ ᱠᱮᱫ ᱠᱤᱱᱟ ᱾ ᱒
᱑᱕᱕᱖ ᱠᱷᱨᱤᱥᱴᱟᱵᱽᱫᱚ ᱨᱮ ᱦᱩᱢᱟᱭᱩᱸᱣᱟᱜ ᱜᱩᱨ ᱠᱷᱚᱵᱚᱨ ᱟᱧᱡᱚᱢ ᱠᱟᱛᱮ ᱵᱚᱭᱨᱟᱢ ᱠᱷᱟᱸ ᱭᱟᱜ ᱥᱚᱦᱚᱫ ᱛᱮ ᱯᱚᱧᱡᱟᱵᱽ ᱨᱮᱭ ᱥᱮᱴᱮᱨ ᱞᱮᱱᱟ ᱾ ᱩᱱ ᱡᱚᱠᱷᱟᱜ ᱫᱚ ᱥᱤᱧᱚᱛ ᱨᱮᱱᱟᱜ ᱨᱟᱡᱽᱟᱹᱨᱤ ᱫᱚ ᱟᱹᱰᱤ ᱟᱸᱴ ᱜᱮ ᱛᱟᱦᱮᱸ ᱠᱟᱱᱟ ᱾ ᱥᱮᱨ ᱥᱟᱦ ᱵᱚᱝᱥᱚ ᱨᱤᱱᱤᱡ ᱥᱩᱞᱛᱟᱱ ᱟᱫᱤᱞᱥᱟᱦ ᱨᱤᱱ ᱢᱚᱱᱛᱨᱤ ᱟᱨ ᱥᱮᱱᱟᱯᱚᱛᱤ ᱦᱤᱢᱩ ᱟᱹᱰᱤ ᱫᱟᱲᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱦᱩᱢᱟᱭᱩᱸ ᱣᱟᱜ ᱜᱩᱨ ᱠᱷᱚᱵᱚᱨ ᱟᱧᱡᱚᱢ ᱠᱟᱛᱮ ᱫᱤᱞᱞᱤ ᱟᱨ ᱟᱜᱽᱨᱟ ᱛᱮ ᱟᱭᱢᱟ ᱯᱷᱟᱹᱫᱽ ᱠᱚ ᱠᱩᱞ ᱠᱟᱛᱮ ᱚᱱᱟ ᱵᱟᱨᱭᱟ ᱠᱤᱱ ᱫᱚᱭ ᱟᱹᱭᱫᱟᱹᱨ ᱞᱮᱫ ᱛᱟᱦᱮᱸᱫ ᱾
ᱫᱚᱥᱟᱨ ᱯᱟᱱᱤᱯᱚᱛᱷ ᱛᱩᱯᱩᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]![](http://upload.wikimedia.org/wikipedia/commons/thumb/8/81/Kaiser_Akbar_b%C3%A4ndigt_einen_Elefanten.jpg/170px-Kaiser_Akbar_b%C3%A4ndigt_einen_Elefanten.jpg)
ᱱᱚᱝᱠᱟᱱ ᱢᱩᱦᱤᱢ ᱚᱠᱛᱚ ᱨᱮ ᱟᱠᱵᱚᱨ ᱟᱨ ᱵᱚᱭᱨᱟᱢ ᱠᱷᱟᱸ ᱫᱤᱞᱞᱤ ᱟᱹᱭᱫᱟᱹᱨ ᱞᱟᱹᱜᱤᱫ ᱯᱚᱧᱡᱟᱵᱽ ᱠᱷᱚᱱ ᱫᱤᱞᱞᱤ ᱥᱮᱫ ᱠᱤᱱ ᱞᱟᱦᱟᱭᱮᱱᱟ ᱾ ᱦᱤᱢᱩ ᱨᱤᱱ ᱫᱚ ᱟᱹᱰᱤ ᱥᱟᱝᱜᱮ ᱯᱷᱟᱹᱫᱽ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱟᱱᱟᱨ ᱯᱟᱦᱟᱴᱟ ᱠᱷᱚᱱ ᱱᱜᱟᱢᱟᱱᱟᱜ ᱴᱷᱟᱶ ᱯᱟᱱᱤᱯᱚᱛᱷ ᱛᱩᱯᱩᱫ ᱴᱟᱺᱰᱤ ᱨᱮ ᱛᱩᱯᱩᱫ ᱫᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱦᱤᱢᱩᱣᱟᱜ ᱠᱮᱴᱮᱡ ᱫᱟᱲᱮ ᱯᱷᱟᱹᱫᱽ ᱛᱮ ᱢᱚᱜᱚᱞ ᱯᱷᱟᱹᱫᱽ ᱠᱚ ᱦᱟᱨᱟᱣ ᱤᱫᱤᱜ ᱠᱟᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱵᱤᱨᱟᱹᱫᱤᱭᱟ ᱯᱟᱦᱴᱟ ᱨᱮᱱᱟᱜ ᱢᱤᱜ ᱥᱟᱨ ᱦᱤᱢᱩᱣᱟᱜ ᱢᱮᱫ ᱨᱮ ᱵᱟᱡᱟᱣᱮᱱ ᱠᱷᱟᱹᱛᱤᱨ ᱩᱱᱤ ᱫᱚᱭ ᱜᱩᱲᱫᱟᱹᱣ ᱩᱛᱟᱹᱨᱮᱱᱟ ᱾ ᱥᱮᱱᱟᱯᱚᱛᱤ ᱭᱟᱜ ᱱᱚᱝᱠᱟᱱ ᱚᱵᱚᱥᱛᱟ ᱧᱮᱞ ᱠᱟᱛᱮ ᱯᱷᱟᱹᱫᱽ ᱠᱚᱫᱚ ᱠᱚ ᱧᱤᱨ ᱤᱫᱤᱭᱮᱱᱟ ᱾ ᱚᱱᱠᱟᱛᱮ ᱢᱚᱜᱚᱞ ᱫᱚ ᱠᱚ ᱡᱤᱛᱠᱟᱹᱨᱮᱱᱟ ᱾ ᱱᱚᱶᱟ ᱜᱮ ᱫᱚᱥᱟᱨ ᱯᱟᱱᱤᱯᱚᱛᱷ ᱛᱩᱯᱩᱫ ᱠᱚ ᱢᱮᱛᱟᱜ ᱠᱟᱱᱟ ᱾ ᱵᱟᱝ ᱛᱷᱤᱛ ᱟᱱ ᱚᱠᱛᱚ ᱨᱮ ᱦᱤᱢᱩ ᱫᱚ ᱟᱠᱵᱚᱨ ᱴᱷᱮᱱ ᱠᱚ ᱟᱹᱜᱩ ᱠᱮᱫᱮᱭᱟ ᱟᱨ ᱢᱮᱱᱟᱠᱚ ᱵᱚᱭᱨᱟᱢ ᱠᱷᱟᱸ ᱚᱸᱰᱮ ᱦᱤᱢᱩᱣᱟᱜ ᱵᱟᱦᱚᱜ ᱮ ᱜᱮᱫ ᱛᱚᱯᱟᱜ ᱞᱮᱫᱮ ᱛᱟᱦᱮᱸᱫ ᱾
ᱫᱤᱥᱚᱢ ᱡᱤᱛᱠᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]![](http://upload.wikimedia.org/wikipedia/commons/thumb/8/88/Silver_Rupee_Akbar.jpg/220px-Silver_Rupee_Akbar.jpg)
ᱵᱚᱭᱨᱟᱢᱟᱜ ᱥᱚᱦᱚᱫ ᱛᱮ ᱯᱩᱱ ᱥᱮᱨᱢᱟ ᱨᱮ ᱜᱮ ᱟᱡᱽᱢᱤᱨ, ᱜᱣᱟᱞᱤᱭᱚᱨ, ᱚᱡᱚᱫᱽᱫᱷᱭᱟ ᱟᱨ ᱡᱚᱭᱱᱚᱯᱩᱨ ᱫᱚ ᱢᱚᱜᱚᱞ ᱥᱟᱢᱨᱟᱡᱽᱭᱚ ᱨᱮᱭ ᱥᱮᱞᱮᱫ ᱞᱮᱫ ᱛᱮᱸᱦᱮᱫ ᱾ ᱑᱕᱖᱑ ᱥᱟᱞᱮ ᱨᱮ ᱢᱟᱲᱚᱵᱽ ᱮ ᱟᱹᱭᱫᱟᱹᱨ ᱞᱮᱫ ᱛᱟᱦᱮᱸᱫ ᱾ ᱥᱮᱱᱟᱯᱚᱛᱤ ᱟᱥᱚᱯᱷ ᱠᱷᱟᱸ ᱟᱭᱢᱟ ᱯᱷᱟᱹᱫᱽ ᱠᱚ ᱥᱟᱶ ᱠᱩᱞ ᱠᱟᱛᱮ ᱜᱚᱫᱽᱢᱚᱱᱰᱚᱲ ᱨᱤᱱᱤᱡ ᱨᱟᱹᱱᱤ ᱫᱩᱨᱜᱟᱵᱚᱛᱤ ᱫᱚᱭ ᱯᱟᱹᱰᱩ ᱠᱟᱛᱮ ᱑᱕᱖᱔ ᱥᱟᱞᱮ ᱨᱮ ᱟᱨᱵᱚᱨ ᱜᱚᱫᱽᱢᱚᱱᱰᱚᱲ ᱮ ᱟᱹᱭᱫᱟᱹᱨ ᱞᱮᱫ ᱛᱟᱦᱮᱸᱫ ᱾ ᱟᱹᱯᱱᱟᱹᱛ ᱥᱚᱢᱢᱟᱱ ᱫᱚᱦᱚᱭ ᱞᱟᱹᱜᱤᱫ ᱫᱩᱨᱜᱟᱵᱚᱛᱤ ᱫᱚ ᱯᱟᱹᱰᱩ ᱚᱪᱚᱭᱮᱱ ᱛᱟᱭᱚᱢ ᱟᱹᱯᱱᱟᱹᱛ ᱛᱮᱜᱮ ᱫᱷᱩᱲᱤ ᱫᱷᱟᱹᱨᱛᱤᱭ ᱵᱟᱹᱜᱤᱭᱟᱫ ᱛᱟᱦᱮᱸᱫ ᱾
ᱟᱠᱵᱚᱨ ᱵᱟᱰᱟᱭ ᱞᱮᱫ ᱛᱟᱦᱮᱸᱫ ᱪᱤ ᱨᱟᱡᱟ ᱦᱚᱯᱚᱱ ᱠᱚ ᱫᱚ ᱟᱹᱰᱤ ᱠᱚ ᱥᱟᱦᱚᱥ ᱜᱮᱥᱟ, ᱛᱩᱯᱩᱫ ᱠᱚ ᱠᱩᱥᱤᱭᱟᱜ-ᱟ, ᱫᱤᱥᱚᱢ ᱫᱩᱞᱟᱹᱲᱤᱭᱟᱹ ᱠᱟᱱᱟ ᱠᱚ ᱚᱱᱟᱛᱮ ᱟᱠᱵᱚᱨ ᱫᱚ ᱟᱡᱟᱜ ᱱᱚᱨᱚᱢ ᱨᱟᱭᱨᱤᱛ ᱛᱮ ᱨᱟᱡᱟ ᱦᱚᱯᱚᱱ ᱠᱚ ᱫᱚᱭ ᱛᱤ ᱪᱩᱯᱩᱫ ᱞᱮᱫ ᱠᱚ ᱛᱟᱦᱮᱸᱫ ᱾ ᱨᱟᱡᱟ ᱦᱚᱯᱚᱱ ᱠᱚ ᱦᱚᱸ ᱟᱡᱟᱜ ᱱᱚᱨᱚᱢ ᱫᱟᱭᱟᱦᱟᱱ ᱧᱮᱞ ᱠᱟᱛᱮ ᱟᱡ ᱥᱟᱶ ᱥᱩᱞᱩᱠ ᱜᱮ ᱠᱚ ᱵᱮᱵᱷᱟᱨ ᱠᱮᱜ-ᱟ ᱾ ᱱᱚᱝᱠᱟᱛᱮ ᱢᱮᱥᱟ ᱢᱤᱥᱤ ᱠᱟᱛᱮ ᱢᱟᱨᱟᱝ ᱢᱚᱜᱚᱞ ᱥᱟᱢᱨᱟᱡᱽᱭᱚᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱑᱕᱖᱒ ᱥᱟᱞᱮ ᱨᱮ ᱚᱢᱵᱚᱨ ᱵᱟᱝᱢᱟ ᱡᱚᱭᱯᱩᱨ ᱨᱤᱱᱤᱡ ᱨᱟᱡᱟ ᱵᱤᱦᱟᱨᱤ ᱢᱚᱞᱞᱚ ᱟᱡᱤᱡ ᱦᱚᱯᱚᱱ ᱮᱨᱟ ᱟᱠᱵᱚᱨ ᱥᱟᱶ ᱵᱟᱯᱞᱟ ᱠᱟᱛᱮ ᱟᱡ ᱥᱟᱶ ᱥᱩᱨ ᱥᱟᱜᱟᱹᱭᱮ ᱡᱚᱲᱟᱣ ᱞᱮᱫ ᱛᱟᱦᱮᱸᱫ ᱾
ᱠᱟᱹᱣᱰᱤ ᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱹᱱᱤᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱢᱨᱟᱴ ᱟᱠᱵᱚᱨ ᱟᱜ ᱥᱟᱥᱚᱱ ᱱᱟᱝ ᱫᱚ ᱵᱟᱹᱱᱤᱡᱽ ᱵᱮᱯᱟᱨ ᱨᱮᱭᱟᱜ ᱜᱩᱱ ᱛᱮ ᱦᱚᱸ ᱯᱮᱨᱮᱡ ᱯᱩᱨᱩᱱ ᱜᱮᱭᱟ[᱑]| ᱢᱩᱜᱷᱟᱞ ᱥᱚᱨᱠᱟᱨ ᱫᱚ ᱵᱟᱹᱱᱤᱡᱽ ᱵᱮᱯᱟᱨᱤᱭᱟᱹ ᱠᱚ ᱩᱫᱽᱜᱟᱹᱣᱱᱟᱭ ᱮᱢᱟ ᱠᱚ ᱠᱟᱱ ᱛᱟᱸᱦᱮᱱᱟ,ᱡᱤᱱᱤᱥ ᱠᱚ ᱪᱟᱞᱟᱱ ᱞᱟᱹᱜᱤᱫ ᱫᱩᱜ ᱫᱟᱨᱟᱢ ᱟᱨ ᱯᱟᱦᱨᱟᱭ ᱮᱢᱟ ᱠᱚ ᱠᱟᱱ ᱛᱟᱦᱮᱸ ᱠᱟᱱᱟ ᱟᱨ ᱩᱯᱨᱤᱭᱟ (ᱵᱤᱫᱮᱥᱤ) ᱵᱟᱹᱱᱤᱡᱽ ᱵᱮᱯᱟᱨ ᱯᱟᱥᱱᱟᱣᱚᱜ ᱞᱟᱹᱜᱤᱫ ᱟᱹᱰᱤ ᱠᱚᱢ ᱫᱚᱨ ᱛᱮ ᱜᱩᱱᱰᱤ (ᱠᱷᱟᱡᱽᱱᱟ) ᱠᱚ ᱞᱟᱜᱟᱣᱮᱫ ᱠᱟᱱ ᱛᱟᱦᱮᱸ ᱠᱟᱱᱟ| ᱠᱩᱢᱵᱽᱲᱩ ᱡᱤᱱᱤᱥ ᱠᱚ ᱧᱟᱢ ᱨᱩᱣᱟᱹᱲ ᱟᱨ ᱢᱟᱨᱟᱝ ᱰᱟᱦᱟᱨ ᱨᱮ ᱯᱟᱞᱴᱚᱱ ᱠᱚᱣᱟᱜ ᱯᱟᱦᱨᱟ ᱞᱟᱜᱟᱣ ᱟᱨ ᱵᱟᱹᱱᱤᱡᱽ ᱵᱮᱯᱟᱨᱤᱭᱟᱹ ᱫᱩᱜ ᱞᱟᱹᱜᱤᱫ ᱠᱟᱹᱢᱤ ᱦᱚᱨᱟ ᱠᱚ ᱯᱚᱨᱛᱚᱱᱮᱫ ᱠᱟᱱ ᱛᱟᱦᱮᱸ ᱠᱟᱱᱟ|
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]![](http://upload.wikimedia.org/wikipedia/commons/thumb/1/1d/Gate_of_the_Tomb_of_Akbar_at_Sikandra%2C_Agra%2C_India%2C_1795.jpg/220px-Gate_of_the_Tomb_of_Akbar_at_Sikandra%2C_Agra%2C_India%2C_1795.jpg)
᱑᱖᱐᱕ ᱥᱮᱨᱢᱟ ᱨᱮᱭᱟᱜ ᱓ ᱚᱠᱴᱚᱵᱚᱨ ᱢᱟᱹᱦᱤᱛ ᱨᱮ ᱢᱤᱫᱴᱮᱱ ᱞᱟᱹᱲᱦᱟᱹᱭ ᱨᱮ ᱜᱷᱟᱹᱞ ᱠᱟᱛᱮ ᱟᱠᱵᱚᱨ ᱫᱚ ᱟᱡᱟᱨ ᱨᱮᱭᱮ ᱯᱟᱲᱟᱣ ᱮᱱᱟ, ᱟᱨ ᱛᱤᱥ ᱦᱚᱸ ᱵᱟᱭ ᱯᱩᱨᱴᱷᱟᱹ ᱨᱩᱣᱟᱹᱲ ᱞᱮᱱᱟ|ᱩᱱᱤ ᱫᱚ ᱒᱗ ᱚᱠᱴᱚᱵᱚᱨ, ᱑᱖᱐᱕ ᱢᱟᱹᱦᱤᱛ ᱨᱮ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤᱭᱮ ᱵᱟᱹᱜᱤᱭᱟᱫᱟ, ᱩᱱᱤᱭᱟᱜ ᱢᱟᱹᱬᱤ ᱫᱚ ᱟᱜᱽᱨᱟ ᱨᱮᱭᱟᱜ ᱥᱤᱠᱟᱱᱫᱽᱨᱟ ᱨᱮ ᱠᱚ ᱛᱚᱯᱟ ᱟᱠᱟᱫᱟ|[᱒]
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Jalaluddin Muhammad Akbar Archived ᱒᱐᱑᱕-᱐᱙-᱒᱔ at the Wayback Machine. The Great
- The Mughal Emperor Akbar: World of Biography Archived ᱒᱐᱐᱙-᱐᱖-᱓᱐ at the Wayback Machine.
- History of the friendship between Akbar and Birbal Archived ᱒᱐᱑᱑-᱐᱑-᱐᱓ at the Wayback Machine.
- Photos of Akbar The Great's final resting place
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Economic and Social Developments under the Mughals". columbia.edu. Retrieved 2013-05-30.
- ↑ Majumdar 1984, pp. 168–169