Украинска ССР
Украинска Совѣтска Социалистична Република (УССР) укр.Українська Радянська Соціалістична Республіка русс.Украинская Советская Социалистическая Республика
| |||||||||||||||
Гимна: Державна гимна Украинской Совѣтской Социалистичной Републикы[1] | |||||||||||||||
География
| |||||||||||||||
Розлога
|
603 700 km² (1991)
| ||||||||||||||
Найдовгша рѣка
|
Днѣпер (2 201 км)
| ||||||||||||||
Обывательство | |||||||||||||||
Число
|
51 706 746 (1989)
| ||||||||||||||
Народностне зложѣня
|
|||||||||||||||
Державна организация | |||||||||||||||
Форма влады
|
совѣтска република
| ||||||||||||||
Взник
|
|||||||||||||||
Заник
|
|||||||||||||||
|
![](http://upload.wikimedia.org/wikipedia/commons/thumb/a/a8/The_funeral_of_the_dead._Kiev_1918.jpg/320px-The_funeral_of_the_dead._Kiev_1918.jpg)
![](http://upload.wikimedia.org/wikipedia/commons/thumb/4/4a/Polish_troops_in_Kiev.jpg/320px-Polish_troops_in_Kiev.jpg)
![](http://upload.wikimedia.org/wikipedia/commons/thumb/c/c6/Bundesarchiv_Bild_183-J10852%2C_Ausl%C3%A4ndische_Arbeiter_im_III._Reich.jpg/320px-Bundesarchiv_Bild_183-J10852%2C_Ausl%C3%A4ndische_Arbeiter_im_III._Reich.jpg)
![](http://upload.wikimedia.org/wikipedia/commons/thumb/b/b4/RIAN_archive_35522_Teeming_operation_in_the_blast_furnace_plant_of_the_Kuibyshev_Steel_Works_in_Kramatorsk.jpg/320px-RIAN_archive_35522_Teeming_operation_in_the_blast_furnace_plant_of_the_Kuibyshev_Steel_Works_in_Kramatorsk.jpg)
![](http://upload.wikimedia.org/wikipedia/commons/thumb/b/b5/Antonov_An-22PZ_%28UR-64459_%28cn_5340101%29%29_-_2.jpg/320px-Antonov_An-22PZ_%28UR-64459_%28cn_5340101%29%29_-_2.jpg)
![](http://upload.wikimedia.org/wikipedia/commons/thumb/8/87/IAEA_02790015_%285613115146%29.jpg/320px-IAEA_02790015_%285613115146%29.jpg)
![](http://upload.wikimedia.org/wikipedia/commons/thumb/5/5a/Buleten_1991-12.jpg/320px-Buleten_1991-12.jpg)
Украинска Совѣтска Социалистична Република (УССР) (укр. Українська Радянська Соціалістична Республіка, УРСР, рос. Украинская Советская Социалистическая Республика, УССР) — совѣтска република, выглашена на части территории бывшой Российской империи, една из держав-закладательок СССР, союзна република в его составѣ.
История
[едітовати | едітовати жрідло]Формованя и етаблованя УССР перебѣгало непросто и в противостоянях розличных сил и идей, в котрых меншу ролю играло демократичное волевыявлѣня народа, а перемагала звекша сила оружия. Зачаток тому поклала Октоброва револуция в Российской империи и выголошеный Ленином принцип права наций на самоопредѣлѣня, што быв в основѣ националной политикы комунистох.
- 20.11.1917 Централна Рада (Киев) выгласила створѣня Украинской Людовой Републики (УЛР) в составѣ Российской Федерации (Третий Универсал Украинской Централной Рады)[3] Державна застава, прията Централнов Радов ещи в марцу 1917 з поданя Михайла Грушевского, котрый ся одкликовав на нѣмецку гералдичну традицию, была жовто-синя.[4]
- 25.12.1917 Первый Всеукраинскый зъѣзд совѣтох робочых, солдатскых и селянскых депутатох в Харьковѣ выголосив Украинску Людову Републику, з уряднов повнов назвов Украинска Людова Република Совѣтов робочых, селянскых, солдатскых и козацкых депутатох, курто УЛРС. Болшевикы, организаторы зъѣзда, поважовали выголошену в Киевѣ републику буржоазнов и наконець побѣдили ю оружнов силов. Столиця Украины зоставала в Харьковѣ аж до року 1934, коли была перенесена до Киева. [5]
- Януар 1918 выокремила ся Донецко-Криворожска Совѣтска Република (ДКСР): Харьковска, Екатеринославска, часть Херсонской области и области Войска Донского.[6]
- 19.03.1918 Другый Всеукраинскый зъѣзд Совѣтох в Харьковѣ выголосив вступ ДКСР в состав РСФСР.[6]
- 9.02.1918 УНР (з Централнов Радов в Киевѣ) подписала в Брест-Литовску договор з Централныма державами (Нѣмещина, Австро-Мадярщина, Болгария и Турция), котры брали ся ю охранити перед болшевицкым наступом, але за то вздала ся территорий на запад од Днѣстра и Галичины. Централна Рада тыж мала застачити про Нѣмещину великы обсягы зерна и иншой продукции. Нѣмцѣ, правда, выгнали совѣтское войско з Киева (2.03.1918), але не охранили УНР, ба наконець 28.04.1918 звергли Централну Раду, поставили мѣсто того свою марионетку — гетмана Павла Скоропадского, котрый своим рядом продержав ся лем до осени.[3] Гетман, поставленый Нѣмцями, перевернув державну заставу горѣ ногами.[4] На Украинѣ зачала ся домова война, котра тягла ся аж до року 1920 з участев бѣлых, червеных, розличных мѣстных банд и заграничных интервентох.
- 10.03.1919 в Харьковѣ Третий Всеукраинскый зъѣзд Совѣтох выголосив Украинску Социалистичну Совѣтску Републику (по другый раз) зо столицев Харьков и прияв перву Конштитуцию УССР. Друга УССР была выголошена як независима, але ориентовала ся на тѣсну кооперацию з РСФСР, и в наступны два рокы зъединили ся в дѣлах войсковых, финансовых, вонкашной торговлѣ, коммуникаций, народного господарства. Тым зыскали велику силу и в конци року 1920 побѣдили в домовой войнѣ.
- 30.12.1922 УССР вступила до СССР и звала ся официално Украинска Социалистична Совѣтска Република, укр. Українська Соціялістична Радянська Республіка, (УСРР).
- 30.01.1937 змѣнила назву на Украинска Совѣтска Социалистична Република (УССР), укр. Українська Радянська Соціалістична Республіка (УРСР), подля новой Конштитуции СССР, принятой 5.12.1936.
Росширѣня територий
[едітовати | едітовати жрідло]![](http://upload.wikimedia.org/wikipedia/commons/thumb/0/01/%D0%97%D0%BC%D1%96%D0%BD%D0%B8_%D0%B0%D0%B4%D0%BC%D1%96%D0%BD%D1%96%D1%81%D1%82%D1%80%D0%B0%D1%82%D0%B8%D0%B2%D0%BD%D0%BE%D0%B3%D0%BE_%D0%BF%D0%BE%D0%B4%D1%96%D0%BB%D1%83_%D1%81%D1%83%D1%87%D0%B0%D1%81%D0%BD%D0%BE%D1%97_%D1%82%D0%B5%D1%80%D0%B8%D1%82%D0%BE%D1%80%D1%96%D1%97_%D0%A3%D0%BA%D1%80%D0%B0%D1%97%D0%BD%D0%B8_1921%E2%80%931994.gif/320px-%D0%97%D0%BC%D1%96%D0%BD%D0%B8_%D0%B0%D0%B4%D0%BC%D1%96%D0%BD%D1%96%D1%81%D1%82%D1%80%D0%B0%D1%82%D0%B8%D0%B2%D0%BD%D0%BE%D0%B3%D0%BE_%D0%BF%D0%BE%D0%B4%D1%96%D0%BB%D1%83_%D1%81%D1%83%D1%87%D0%B0%D1%81%D0%BD%D0%BE%D1%97_%D1%82%D0%B5%D1%80%D0%B8%D1%82%D0%BE%D1%80%D1%96%D1%97_%D0%A3%D0%BA%D1%80%D0%B0%D1%97%D0%BD%D0%B8_1921%E2%80%931994.gif)
УССР зыскала додаточны територии:
- од Польщи
- 1939 Западну Украину
- од РСФСР
- 1954 Крым
- од Румынии
- од Чехословакии
- 1945 Подкарпатску Русь
- 1945 Чоп и 250 км2 словацкой территории
Прогресс индустриализации
[едітовати | едітовати жрідло]Подля промысловой продукции УССР стояла на другом мѣстѣ межи републиками СССР. В УССР до року 1941 были выставлены соткы новых товарень, инфраштруктурных и промысловых объектох, в тому числѣ такы гиганты, як Азовсталь, ДнѣпроГЕС, Запорожсталь, Криворожсталь, Харьковскый тракторный завод и др. УССР завела до експлуатации 5 атомовых електрарень: Чорнобыльску АЕС (1977, в року 1986 гаваровала), Ровенску АЕС (1980), Южноукраинску АЕС (1982), Запорожску АЕС (1984), Хмелницку АЕС (1987).
По России Украинска република была найважѣйшов економичнов зложков бывшого Совѣтского Союза, приносячов цирка четыре разы веце продукции, як република далша за нив рангом. Ей уродны чорноземы давали над четвертину совѣтской аграрной продукции, а ей газдовства давали другым републикам доста мяса, молока, зерна и зеленины. Точно так, ей росконареный тяжкый промысел додавав уникалный обладунок (примѣром, трубы великого диаметра, а про сыровинный промысел и горнорудны объекты — апараты вертикалного верчѣня) в иншы регионы бывшого СССР. Скоро по зысканю независлости в августѣ 1991 ... ку року 1999 газдовство упало пониже 40% от чисел року 1991.[7]
Ликвидация
[едітовати | едітовати жрідло]- 24.08.1991 Украина выголосила независимость.
- 17.09.1991 З Конституции Украины вымазана назва «УССР».
- 1.12.1991 Референдум потвердив акт о независимости.
Украинска Совѣтска Социалистична Република (УССР) закончила свою историю.
Жерела
[едітовати | едітовати жрідло]- Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2013.
- Маґочій П.Р. Історія України. Вид-во часописа «Критика». Київ, 2007.
- Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988.
- На День державной заставы Украины. © ЦДЕА Украины. 23.08. 2010. Archived from the original on 03 Nov 2012. https://web.archive.org/web/20121103224525/http://tsdea.archives.gov.ua/ru/?page=flag_. [перевірено 2023-06-08]. "2 травня 1918 року, розігнавши ЦР, до влади прийшов уряд гетьмана П. Скоропадського. При ньому був змінений порядок смуг на державному прапорі: зверху стали розташовувати синю. У грудні 1918 року Гетьманат П. Скоропадського змінила Директорія (1948–1920), за якої збереглись герб-тризуб і синьо-жовтий прапор."укр.
Референции
[едітовати | едітовати жрідло]- ↑ ВАРОВАНЯ! В року 1949 Павло Тычина написав текст гимны УССР Живи, Україно, прекрасна і сильна, котрый быв чинный до року 1978, а пак мало оправленый. Днесь на основѣ статѣ 436-1 Криминалного кодекса Украины з 3. юна 2020 за публичне предведеня хоть лем фрагмента того твору мож достати од 5 до 10 рокы арешту з конфишкациев маетку!
- ↑ Польске войско в Киевской операции мало 60 тысяч воякох, помогали му остаткы розбитого петлюровского войска в числѣ 4 тысяч, циже 6%. Жерело: Lech Wyszczelski: Kijów 1920, Warszawa 1999, s. 67.
- ↑ 3,0 3,1 Магочий, с. 411–412.
- ↑ 4,0 4,1 На День державной заставы Украины
- ↑ Енц. іст. України, т. 10, с. 347–350
- ↑ 6,0 6,1 Укр. сов. энц. слов., т. 1, с. 563
- ↑ #105 Ukraine. Forbes. 2010. Archived from the original on Jan 30 2018. https://web.archive.org/web/20180130095317/https://www.forbes.com/lists/2011/6/best-countries-11_Ukraine_CHI107.html. [перевірено 2023-06-10]. "After Russia, the Ukrainian republic was far and away the most important economic component of the former Soviet Union, producing about four times the output of the next-ranking republic. Its fertile black soil generated more than one-fourth of Soviet agricultural output, and its farms provided substantial quantities of meat, milk, grain, and vegetables to other republics. Likewise, its diversified heavy industry supplied the unique equipment (for example, large diameter pipes) and raw materials to industrial and mining sites (vertical drilling apparatus) in other regions of the former USSR. Shortly after independence in August 1991 ... output by 1999 had fallen to less than 40% of the 1991 level."англ.