Святый Августин
Святый Августин | |
---|---|
![]() | |
Учитель Церкви | |
Родженый | новембра 13., 354 |
Спочилый | авґуста 28., 430 (75 р.) |
Честованый в | Римокатолицкой, Православной, Англиканской, Лутеранской, Старокатолицкой Церквах |
Канонизация | 20. септембер 1295 од Папы Бонифация VIII. |
Главне святилище | San Pietro in Ciel d'Oro, Павия, Италия |
Праздник | 28. август (католикы) 15. юн[1] (православны) |
Атрибуты | епископскы шаты, книга, гусяче перо, ранене сердце |
Покровительство | теологох; книгопечатникох; пивоварникох; стараючых ся о захрану зроку |
Святый Августин на Викискладѣ |
![](http://upload.wikimedia.org/wikipedia/commons/thumb/c/cd/Augustinus_2.jpg/260px-Augustinus_2.jpg)
Святый Августин тыж Аврелий Августин або Августин з Гиппо, лат. Aurelius Augustinus, Augustinus Hipponensis, (*13. новембер 354, Тагаст, лат. Thagaste/Tagaste, в Нумидии, днесь Сук Арас, Алжир — †28. август 430, Гиппо Региус, лат. Hippo Regius, Hippone в Нумидии, ) — быв епископ и учитель Церкви в часѣ поздного римского цѣсарства; днесь тыж святый Католицкой Церкви, котрого свято держать 28. августа. Называный быв ай Учитель Церкви, лат. Doctor Ecclesiae, понеже быв едным з найвызнамнѣйшых филозофох и теологох ранного христианства, представительом платонскы ориентованой патристикы.
„ | Божа держава едино права, довершена и вѣчна держава. Тото сполочность, котру заложили добры вѣрникы. Тот невидимый свѣт мать свого земского представителя, свои законы и владу, а тов е Церковь. | ” |
Augustinus Hipponensis, De civitate Dei |
Биография
[едітовати | едітовати жрідло]Августин лишив подробный опис свого живота в первых десятьох книгах Confessiones (Вызнаня). Отець Августина, Патриций, быв поганин, мати, Моника, горлива христианка.[2] Были пунского, або берберского рода,[3][4][2] але отець му быв низшый штатный урядник, а в такых родинах в Тагасту говорило ся по латинскы.[5]
Учив ся в Картагенѣ на правника, де жив неморалным животом, и родив му ся неманжелскый сын (372). Вступив до манихейской секты и быв там девять рокы (374-383), але росчаровав ся.
На его далшый живот мала великый вплыв мати, котра го хотѣла воспитати в набоженском духу и послала го учити ся до Рима (383) и Милана (384). Тота наука и матчина вытрывалость зробила на нем великы перемѣны. Як споминав, "вшытко, што не несло в собѣ Божого Имени, хотьяк елегантне, добрѣ написане и повне правды, не захватовало мене" (Confessiones І.4.). В року 387 прияв христианство и дав покрестити свого сына. Рѣшив ся вернути домов з родинов, але в дорозѣ му умерла мати (387). Наконець, року 389 вернув ся до Тагасту, де му умер сын. По той утратѣ Августин оддав вшиток родинный маеток на монастырь и заложив там перву громаду августинох.[6] Зостав высвяченый на священника и служив в Гиппо, де по смерти епископа (394) вычеряв го в том урядѣ и служив там до смерти. Умер в року 430 в часѣ облѣганя города Вандалами. Року 431 Гиппо быв заятый и спаленый, але церковь и библиотека Августинова зостали нерушены. Его останкы около року 720 дав Луитпранд, краль Лонгобардох перенести до Павии, жебы захранити перед нападами могамеданох на Гиппо.
Учѣня Августина
[едітовати | едітовати жрідло]Августин з великов жадностьов и вдумчивостьов брав ся до штудированя найглубшых филозофичных тем. Властнѣ тота жадность привела го и до секты манихейох. Зачав з позиций неоплатонизма, позднѣйше прияв до ся идеи павлианства, а од часу свого священства (391) занимав ся шпецифичныма проблемами церковного живота. Августин быв едным з найплоднѣйшых теологох, лишив понад сто окремых робот з теологии, филозофии, социологии и етикы и на полемичны темы. Опис свого духовного живота лишив в 12 книгах Вызнаня (Confessiones).
Од него Церковь достала первый учебник катехетикы (De catechizandis rudibus), первое объяснѣня Святого Писма (De doctrina christiana) и перву гомилетику (De doctrina christiana).
Многы протестанты поважують го за духовного предходника протестантства: з его наукы много зачерили Мартин Лутер и Жан Калвин.
Повне выданя его робот вышло в Парижу два раз: 1679-1700 и 1836-1840.[7]
Главнѣйшы роботы
[едітовати | едітовати жрідло]- Confessiones (Вызнаня)
- Contra academicos (Против академикох)
- Contra epistolam Parmeniani (Против посланя Пармениана)
- Contra Gaudentium, donatistarum episcopum (Против Гауденция, епископа донатистох)
- De baptismo contra donatistas (О крещѣню, против донатистох)
- De beata vita (О блаженном животѣ)
- De civitate Dei (О Градѣ Божом)
- De doctrina christiana (О христианской науцѣ)
- De gestis Pelagii (О дѣянях Пелагия)
- De gratia Christi et de peccato originali contra Pelagium et Caelestium (О благодати Христовой и о первородном грѣху, против Пелагия и Целестия)
- De immortalitate animae (О безсмертю душѣ)
- De libero arbitrio (О слободѣ волѣ)
- De magistro (О учителеви)
- De musica (О музыцѣ)
- De ordine (О порядку)
- De quantitate animae (О кельости душѣ)
- De sermone Domini in Monte (О Нагорной проповѣди Господа)
- De Spiritu et littera (О Духу и буквѣ)
- De Trinitate (О Тройци)
- De vera religione (О истинной религии)
- Retractationes (Пересмотры)
- Soliloquia (Монологы)
Жерела и одказы
[едітовати | едітовати жрідло]- Campenhausen, Hans bar. Augustinus. //Tvůrcové dějin. Čtyři tisicletí světových dějin v obrazech dob a osobností. První díl. Starověk. Red. Karel Stloukal. Nakladatel L. Mazáč. V Praze, 1934. Cc. 349-351. чеш.
- St. Augustine of Hippo //Catholic Encyclopediaангл.
- Ágoston (Augustinus). //Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 1, с. 170. мад.
- Августин Аврелий //Католическая Россия. Азбука Католицизма. Католицизм от А до Я русс.
Референции
[едітовати | едітовати жрідло]- ↑ Подля церковного (Юлианского) календаря, што одповѣдать 28. юну подля Григорианского календаря.
- ↑ 2,0 2,1 Campenhausen, Hans bar. Augustinus, с. 349.
- ↑ Catholic World, Volumes 175–176. Paulist Fathers. 1952. p. 376. "The whole of North Africa was a glory of Christendom with St. Augustine, himself a Berber, its chief ornament."
- ↑ Power, Kim (1999) "Family, Relatives", pp. 353–54 in Augustine through the ages: an encyclopedia. Allan D. Fitzgerald (ed.). Grand Rapids: Wm. B. Eerdmans, ISBN 978-0-8028-3843-8.
- ↑ Frost, Maurice (1942-07-01). "A Note on the Berber Background in the Life of Augustine". The Journal of Theological Studies. os-XLIII (171–172): 188. ISSN 0022-5185
- ↑ Encyclopedia Americana, v. 2, p. 685. Danbury, Connecticut: Grolier, 1997. ISBN 0-7172-0129-5
- ↑ Révai Nagy Lexikona...
Тоты даны суть часточно або цалком основаны на перекладї статї Svatý Augustin на чеській Вікіпедії.
Тоты даны суть часточно або цалком основаны на перекладї статї Augustine of Hippo на анґліцькій Вікіпедії.
Тоты даны суть часточно або цалком основаны на перекладї статї Augustín z Hippa на словеньскій Вікіпедії.