Пьемонт
Пьемонт | |
---|---|
Piemonte ит. | |
![]() Опатство Архангела Михаила, символ Пьемонта | |
Держава | ![]() |
Подрядность | Італія |
Заложѣня | 1970 |
Розлога | 25 402 км2 |
Обывательство | 4 329 008 особ (2020)[1] |
Центер | Турин 45°04′N 7°55′E / 45.067°N 7.917°E |
Зложѣня | 7 провинций + метрополия Турин |
Губернатор | Алберто Чирио (2019-) |
Интернет-сайт | Regione Piemonte ит. |
![]() | |
![]() VIAF:132508744;GeoNames:3170831;OSM:44874; Ту можуть быти податкы з Wikidata, не контролованы авторами статѣ |
![](http://upload.wikimedia.org/wikipedia/commons/thumb/3/36/PMN-Mappa.png/260px-PMN-Mappa.png)
Пьемо́нт, ит. Piemonte — другый найвекшый плохов регион Италии з обывательством над 4 млн. особ,[1] положеный на сѣверозападѣ державы. Административный ай историчный центер — Турин.
Полога
[едітовати | едітовати жрідло]На сѣверѣ Пьемонт межуе зоз Швайцом и италиянскым регионом Валле д'Аоста, на востоку — з регионами Ломбардия и Емилия-Романья, на западѣ — з Франциев, а на югу — з регионом Лигурия. З юга, запада и сѣвера регион лемованый горами; одты походить его назва, котра означать «подошва гор».[2]
Провинции
[едітовати | едітовати жрідло]Провинция | Плоха, км2 | Обывательство |
---|---|---|
Алессандрия | 3 559 | 421 284 |
Асти | 1 510 | 221 871 |
Бьелла | 913 | 185 701 |
Вербано-Кузио-Оссола | 2 261 | 158 349 |
Верчелли | 2 082 | 170 911 |
Кунео | 6 895 | 592 782 |
Новара | 1 340 | 372 109 |
Метрополия Турин | 6 827 | 2 259 523 |
История
[едітовати | едітовати жрідло]Интерес о Пьемонт мав уже Старовѣкый Рим, понеже ту суть доступны горскы переходы. По падѣ Рима ту пановали Лонгобарды и Франци, а од XV. стороча Пьемонт переходить на цѣлы стороча под владу Савойского дома, чий гералдичный знак, бѣлый крест на червеном поли, и доднесь зоставать в гербѣ и заставѣ региона. В роках 1848, 1859 и 1866 Пьемонт грав ведучу роль в зъедночѣню Италии (Risorgimento).[2]
Економика
[едітовати | едітовати жрідло]Гидроресурсы гор, обступаючых Пьемонт мають животно важну роль в продукции електроенергии в регионѣ и в цѣлой сѣверной Италии на потребы промысла, транспорта и домашне хоснованя. Лѣсы дают дерево, а алпскы и субалпскы паствиска — пашу про статок, творячи основу успѣшного молочарства. В низинах продукують пшеницю и рижу, овоча и зеленину, молоко и сыр. Пьемонт познатый продуцент дакоторых славных значок италиянскых вин высшой якости.[2]
Пьемонт — економично найрозвитѣйшый регион Италии: автопромысел (FIAT), хемичный, потравиновый, текстилный промысел.[3]
Чужоземны и домашны етничны меншины
[едітовати | едітовати жрідло]В регионѣ легитимно бывать около 428 тысяч чужоземцьох, што чинить 10% обывательства. В значной мѣрѣ то звязане з ростом интернационализации економикы и ростучым числом чужоземных штудентох.
Подля закона з дня 9. апрѣля 1990 суть урядно вызнаны 5 регионалны историчны языкы Пьемонта: пьемонтскый (западный и выходный варианты), окситанскый, франко-провансалскый, французскый и валзеро. Окситаны, Франко-провансалцѣ, Французы и Валзеры вызнаны языковыма меншинами и охранены законом штата ч. 482/1999. Пьемонтцѣ суть спод такой охраны вылучены.[4] Многы лингвисты поважують таке рѣшѣня за политико-административну манипулацию.[5]
Жерела и одказы
[едітовати | едітовати жрідло]- Асейнов Р. М. ПЬЕМОНТ // Большая российская энциклопедия. Том 28. Москва, 2015, стр. 73–74. Верзия: 2016. Одчитане: 2020-10-21[1]русс.
- Piedmont. Encyclopædia Britannica. March 19, 2015. https://www.britannica.com/place/Piedmont-region-Italy. [перевірено 2020-10-21].англ.
- Dato Istat - Popolazione residente al 30 aprile 2020 ит.
- Sito ufficiale della regione Piemonte: [...]. Archived from the original on 2018-04-27. https://web.archive.org/web/20180427184207/http://www.regione.piemonte.it/cultura/cms/minoranze-linguistiche.html. [перевірено 2020-10-22]. "По рокох дискузии быв тот легислативный пролишок урегулованый законом з 15. децембра 1999, ч. 482 “Нормы охраны историчных языковых меншин”, котры вызнавать в регионѣ меншины окситанску, французску, франко-провансалску и валзерску (вылучивши пьемонтску), што давать силный сигнал ку обновлѣню интереса о меншиновы языкы, а то на полю домашном, як и европском."ит.
- Fiorenzo Toso. Copia archiviata. Archived from the original on 2011-07-22. https://web.archive.org/web/20110722040040/http://www.intemelion.it/toso-bri.pdf. [перевірено 2020-10-22].ит.
Референции
[едітовати | едітовати жрідло]Тоты даны суть часточно або цалком основаны на перекладї статї Piemonte на таліаньскій Вікіпедії.