Промоция
![](http://upload.wikimedia.org/wikipedia/commons/thumb/f/fd/2014graduation34_%2814525471527%29.jpg/250px-2014graduation34_%2814525471527%29.jpg)
![](http://upload.wikimedia.org/wikipedia/commons/thumb/d/de/Graduationphoto.jpg/250px-Graduationphoto.jpg)
Промоция, лат. promotio, од pro-moveo рушити вперед, повысити[1] — славностный публичный академичный ритуал, при котром ся кандидатам ся придѣлить академична титула, честна титула, або диплома.[2]
Обсяг
[едітовати | едітовати жрідло]Найчастѣйше иде о славностный акт, котрый слѣдуе по закончѣню штудий на высшой школѣ, и выконаню вшиткых завершаючых испытох (ригороз).[2] Тот акт свого рода подля важности подобный зарахованю до высшой школы, бо символизуе выйтя штудентох из академичного колектива высшой школы, котора ся так стане их alma mater. Абсолвенты зыскують академичну титулу або первого ступня, а то Bc. — бакаларь, котора пак годна быти в техничных науках повышена на другой етапѣ штудий на ступень Ing. — инженер, або в иншых науках на ступень Mgr. — магистер. Перед зысканьом каждого далшого ступня кандидат мусить обгаити дипломову работу и скласти ригороз. Не так масово, але тыж во славностной формѣ одбывать ся придѣлѣня академичных титул высшых ступньох.
Ритуал
[едітовати | едітовати жрідло]Кажда высша школа мать властны утримованы традиции промоций. Обычайно сама церемония одбывать ся в найкрасшых великых мѣстностях, а участникы суть облечены в академичны шаты: найчастѣйше то квадратна академична шапочка и габит (мантия). Промотор — особа, котра предсѣдуе в церемонии, и передавать штудентам дипломы, тыж може мати иншаку шапочку або габит, а в дакотрых высшых школах екзистуе традиция, же про каждый академичный титул е иншакый знак в облечѣню: форма шапочкы, катиця на шапочцѣ, пантлик, колор або лемованя мантии. Ку ритуалу часто належить процесия участникох и обряд росставаня.
История промоций
[едітовати | едітовати жрідло]Традиция промоций зачала ся на первых универзитах Европы од XII. стороча. Тогды же были дефинованы первый ступень учености — бакаларь и наступный — магистер. Днешне академичне облечѣня, ношене лем при славностных актах, было в середновѣку обычайным облечѣньом штудентох, оно перебране од духовенства и монахох.[3]
Промоция in absentia
[едітовати | едітовати жрідло]Кедь штудент одсутный в славностном актѣ промоции з даякых причин, е то промоция in absentia. В том припадѣ може достати диплому в меншом коледжу або филиалцѣ высшой школы позднѣйше.
Жерела и одказы
[едітовати | едітовати жрідло]- Ottův slovník naučný. Dvacátý díl. Praha : J. Otto, 1903. s. 766. Одчитане: 2020-09-26 чеш.
- Дворецкий И. Х.: Латинско-русский словарь. Изд. второе. М: «Русский язык», 1976. С. 821.
- Graduation through the ages. http://www.canterbury.ac.nz/graduation/grad-history.shtml. [перевірено 2020-09-26]. англ.